搜尋此網誌

2008年8月3日 星期日

第一堂現代舞

之前同過Cathy 去學瑜珈,後尾因為開始0左新補習同埋學瑜珈0既地點0向CWB太遠,所以我無再繼續,Cathy 佢自己繼續學。

前排Cathy 話佢想學跳舞,我覺得都OK,可以陪佢一齊大家有個伴,又可以多個時間見面,所以我就話如果就到我時間就報名啦。最終佢想報0既Jazz 全部full 哂,其他跳舞班好多都滿,佢就報0左呢個現代舞班。

初頭我仲驚0向土瓜灣學唔方便,點知原來我屋企樓下有架車有個站0向正中心門口落,對面就有車返屋企,車程不過約半小時,幾方便呢!

今堂係第一堂,我狀態非常之差,因為尋日玩左半日,尋晚仲成四點先訓,所以又攰又眼訓,同埋始終少運動,d筋骨都唔太聽話,做0既動作覺得好攰囉!廿幾歲人就硬到好似阿婆咁,真係唔掂當,要好好做0下運動,鍛煉返d筋骨肌肉先得喇!

講真,未上前以為好輕鬆,just for fun,上完呢堂就覺得唔簡單喇!希望一向唔識分左右同手腳唔協調0既我可以跟得上啦!不過跟唔上都唔緊要,都係enjoy 一下個過程同埋可以同Cathy 見多d 0者!哈哈!

沒有留言:

張貼留言