搜尋此網誌

2010年5月23日 星期日

預告:第一次最認真的妝,支持0下好喎!


我一向化妝都係求其族,成日都亂畫一通,無工具零技巧咁。



今次真係少有認真,雖然底妝好hea,只係防曬加碎粉,連concealer 都無用,但其他部分都勁認真。



仲要早前入左d 小玩意,當然急不及待拎黎玩啦。



你地可能會問:你件煩事解決左喇咩?你仲有心情玩?


係呀,未解決架,仲努力諗緊辦法架,奶奶手術都未做架,但唔通我就要keep 住愁落去咩?我唔開心,更要苦中作樂,畀d 正能量自己,唔係漫漫長路,點捱?



正因為自己曾經出過事,經過咁大努力先企得返起身,我更加明白唔可以再畀自己出事。我唔可以再令身邊人傷心痛心,愛自己,就係我對佢地0既承諾。



好,越講越離題。講返今次個妝,我自己都覺得幾唔同我平時,哈,所以玩完之後,超自戀地影左成百張相,有病架!


 


其實d 相我未搞掂哂架,但我又好心急想出post,畀住張out focus 相你地睇住先啦!



除左加框加名resize,就無edit 過架喇,可以影到咁out ,我實在太勁,呵呵!


 



2010年5月20日 星期四

又飲又食又有得拎,so good 呀!

 


早陣子,我去左一個地方......


呢個地方......


 



有維他命水任飲





年輪餅任食


 





仲有草餅


 


 


究竟我去左邊?


 


 


其實係shu uemura 0向 APM 搞0既活動呢。





真係幾人頭湧湧呢。今次都見其他bloggers 呀。 呢間分店活動日之前先剛裝修完,新裝修係根據日本表參道分店0既設計去處理,無論貨架同燈光都經過特別處理呢。


 


 








唔同顏色0既護膚品放哂一齊,好靚呢。





好想擁有哂d 化妝品,kaka。



化妝師同職員都準備緊呢。


 



今日0既主角,加左銀杏0既新配方綠茶潔顏油。除左美白、抗氧化,仲可以做到卸妝、潔面、護膚一剔過呢。


 


 


影完一輪,活動終於開始喇!



先由司儀做intro


 



再由分店代表做簡單講解



再由training manager 作詳細介紹同示範


 



然後就係新一季最新妝容示範


 





呢季係以寶石為主題,化妝師手上係新出0既打亮修容二合一,model 用0既仲係眼影新色,同埋glitter 眼影,全部都好吸引呢!





話咁快就化完,鬼妹真係好,點化都靚。


 








呢堆產品真係好引死人0既0者。


 


 





影影0下,見到training manager 繼續同blogger 示範shu uemura 呢款新0既綠茶銀杏抗氧化潔顏油,我又去八卦埋一份。 成個過程都真係好簡易呢。





有行過0既BA 話用後會即時見到白淨左,的確,有用果隻(左邊)手係白d呢。


 


 





嘩,勁壯觀,有哂呢d假毛都幾正。





APM 呢間分店仲有facial room ,可以做facial架。


 





呢幾對特別款就更加係驚艷,尤其係第一對呢。


 





model 實在太靚,又勁nice 好樂意係咁擺pose 畀我地影呢。


 





臨走前見到佢地影大合照,點解我地bloggers 無架?


 


 


好,玩完一輪,又飲又食之後,仲有下面0既野可以拎返去呢。



綠茶潔顏油 + 完美畫布體驗套裝 + 一封信


 



450ml 0既潔顏油,勁大支,有排用呢。


其實好耐之前有試過佢0既潔顏油(travel size),但就唔鍾意的佢個質地,同埋會搞到眼朦哂咁,又覺得佢唔係落得好乾淨咁囉。


但今次呢支真係令我對佢地d 潔顏油改觀,唔覺得好厚好難推,而且輕易卸到我d 防水化妝品,同埋真係一過水就爽呢。最重要,用左好幾次,都無出粒粒同敏感呢。黎緊幾個月,落妝都係靠佢架喇!





完美畫布體驗套裝=妝前泡沫底霜 30g + 迷你輪廓修飾粉底液 13ml + 迷你潔顏油 50ml


一直都無試過shu uemura 0既底妝品,今次終於可以認真試試呢。


至於封信係咩黎?就係可以去做一次facial 呢!


呢次真係有得飲有得食,仲要咁多野拎走,開心到震呀!


 


 


 


 


2010年5月18日 星期二

以為搵到最好,點知仲有更好?!唔睇你可能走寶喎!

我敢講,做左beauty blogger 以來,我出得最多除左係敗家文,就一定一定係眼,仲要7、8成係關於 睫毛液
 

我唔敢講我對睫毛液好了解,但我買過黎試0既都真係唔少,明知自己油眼,但仍然成日抱著大無畏精神,見到吸引少少0既新野又買黎試。

 

前排分享左我其中一款最愛0既mascara ,我以為我有排都唔會轉架喇,點知畀我見到佢......

 

 


 

好老套囉,我又係畀個packing 吸引左,見個價錢又唔貴,就咁又磅左水帶佢返去囉。

 

其實我第一眼見果陣已經覺得公仔好有x 一個人氣blogger 0既影子,不過packing 個feel 成熟d 咁解,唔知你地又覺唔覺呢?

 


 

其實劇場版呢支sky long mascara 真係幾抵,一百蚊多d ,有埋支eyeliner 囉!

 

 


 

掃頭同一般無咩分別,睫毛液個texture 都唔會太稠身,可以見到有少量纖維。

 

 

 


 

附送果支係科學毛筆形0既眼線液,個頭都夠軟又易畫。

 

 


 

其實佢可以畫到好幼,但我試色畀大家睇所以畫粗d,都幾夠黑呢,不過尚算自然,出0既色都幾平均。

 

 

講左咁耐,都係時候畀大睇睇呢隻mascara 係咪真係佢講到sky long 咁堅?!

 

今次為左畀大家清楚睇到個對比,我特登搵返我素眼0既相呢。

 

 


 




 


 

真係無呃大家,我雖然唔係話好短,但真係唔長,同埋好幼又唔夠黑,所以開眼真係唔多睇到架!

 

 

 

 

好,睇完素眼,就畀用後效果你地睇啦!一如以往,下面0既相,係無夾過眼睫毛、無落mascara base 囉!

 


 


 


其實都好明顯係粗左長左同翹d啦!仲要好夠深色!遮哂我成個雙眼皮呢!眼仔睇落大左又精靈左。

 

 


 

重點睇睇d 下眼睫毛,我本身真係好少好短囉,但依家變到好出,真係有用左假下睫毛0既效果囉!

 

 


 

Flash 下睇,出黎效果仲明顯,真係堅長唔係講笑架,仲要係根根分明,整齊得好緊要囉!

 

 

搽左佢之後,我成個人都自戀埋,喪同對眼影相,哈!

 


 


 


 

真係前睇、上眼、左睇、右眼,都係咁出色咁明顯呢!

 

 


 

合眼睇,真係成把扇咁,假毛都可以企埋一邊啦!

 

 

 

 

相信除左效果,大家都好concern 下面幾個問題:


Q1. 防唔防水防油架?

Ans:我只可以用自己眼狀況去講,我係油眼兼成日流眼水0既人,但我用左成個星期,即使足12 小時,都一樣無化無暈無熊貓眼,試過用紙巾印眼妝、細力揉眼都絲毫無損呢!


Q2. 持唔持久?會唔會好快dup?

Ans:坦白講,我一向無夾都無咩問題,除非隻mascara 好重啦,但呢隻就真係唔重,都算輕身。我自己就keep到成日都係翹架。


Q3. 易唔易搽?

Ans:需知道有好多mascara雖然效果好,但就唔易搽,可能易打結、可能易搽埋上眼皮,呢隻就真係完全無咩個問題,因為佢掃唔算好大,所以都易handle,唔會好易上眼皮,就連搽下睫毛都好順利,而且佢係無出現打結情況,即使係九成乾狀態下再上多層,都仍然可以好smooth呢!


Q4. 快唔快乾?

Ans: 堅快!!一定唔會整花果妝,又唔會話呢頭搽完勁耐唔敢貶眼驚high 左落下眼皮呢!


Q5. 難唔難卸架?

Ans:用普通cleansing oil 、eye makeup remover 絕對無問題,落得好乾淨tim ,用落卸水同綿就要cover 住一陣先易卸d。

 

 

因為真係太正,令我更加用心同大家分享,分享到呢度,希望大家鍾意啦!


都係果句:你地0既支持,就係動力呢!謝謝!

 

 

 

 

 

睇左成版眼,補返張全妝相畀大家。

 



見住自己精靈眼,真係心情都愉快d呢!

 

 


 

呢張好moody ,其實都幾適合我呢輪0既心情,太夾0既關係,我用左黎做icon。

 

 

 

不過唔可以keep 住咁sad 0既,生活總係要過,繼續苦中尋樂同相信希望囉!

 


 


 

睇返相,原來我地兩個笑容都有d 牽強。

 

我真心希望我、老公,同身邊0既人,可以快樂健康。

神秘紫有幾神秘?就係你睇佢唔到囉!

我終於記得補返用0既MJ product 相呢!



*****************************************************************


 


好耐無出妝文,因為實在係少有時間心機認真化妝,好多時係單用防曬就返工出街,加上早排皮膚極差,做咩都無心機啦,仲話化妝?!



呢輪,皮膚終於好返d ,雖然都有d 痘有d 印,但比起之前出post 果個狀況,依家已經好令人安慰啦!



靜極思動啦,加上畀人燒到hum hum 聲,我又忍唔住出動,買返d 小玩意呢!



上篇提過我入手MJ 新0既眼線同mascara ,今次就出篇試色妝文畀大家睇啦!


 



全部pdt 都係以紫為主,實物其實都真係吸引,如果上手都真係好睇到紫,只係上眼之後,無閃光燈下,我諗大家真係唔太見得到紫呢。


 



一開左flash ,眼圈油光無所頓形,請原諒我show 眼圈嚇人,我都唔想,但呢排睡眠質素真係好差,想唔做盈盈都難。咩都現形,偏偏一眼紫色仍然神秘,激死,見到真人係明顯d架!


 








畀兩張close up 有無易睇少少?


eeee,因乜解究個紫神秘到咁架!其實我上下眼線都係用左MJ 新出品,上係黑底帶紫,下眼頭位係白底帶紫呢!


唔講個色出唔出啦,呢支mascara 都唔錯,都無話好打結,同埋都有長同密左,效果幾自然。


 





又黎個with flsah 先,雖然個紫唔明顯,但影出黎用左紫色mascara 其實成個眼都會soft d 呢!





配合埋我新寵Loreal 0既四色紫粉眼影,紫灰色眼妝真係我大愛。





神秘紫貫徹神秘,開頭影到尾都唔係好蒲得出,點都係隱約見到少少紫,真係呢。


不過呢支mascara的確幾好掃,掃多兩層都仍然整齊呢!同埋眼線都仍然易畫,連我咁手殘都可以畫到咁幼,難得難得。





呢張側面都睇到少少紫架,同埋側睇原來都ok 長喎,不過我覺得唔夠翹,雖然以我唔夾睇講都可接受,但人總係貪心0既,如果可以唔夾,而d mascara都有能力令睫毛再翹d 就更好啦。


 


我知我又漏哂d 產品相,記得會補架,我知我d 妝文都ok 悶同無新意,但都係老套一句,請大家多多支持!你地0既支持,會帶黎動力架!