搜尋此網誌

2009年4月22日 星期三

心力交瘁














若要決心難為我何必手軟
離開幼稚園 怎可擔心跌損

或者喜歡你 完全為麻醉自己
失去工作也不必寂寞至死

談什麼戀愛 無需深愛
情非都不必急於痛改
 難得到你的將來 誰會覺得意外

就算忘掉眉梢有什麼吸引
忘不了汗毛 減不輕的敏感

沒有留下紋身刻骨一樣銘心
除非灑脫得當你未誕生


戀愛是容易談容易淡 從來是十分花時間
明暸歷盡幾多難關 快樂過悲傷要用年月去攤還
心痛是容易煩容易慣 為何日落擔心傍晚
明明自願一起來取暖 又怎可雙倍奉還

心力交瘁,或許是時候重新學習一下如何獨身上路。

2009年4月13日 星期一

閒遊文化博物館(後補相)

今日本來約左Queenie lunch,不過未定時間地點,但我尋日行完街返去就已經唔舒服,電話又無拎入去,miss 左佢個call,好早訓左今朝又下午茶時間先醒,咁就無心甩左底喇,sor ar


終於起身後去左飲茶,飲完茶之後見假期最後一日唔想浪費左,但我又有d dizzy 同好累,所以就去左比較輕鬆舒服0既文化博物館喇!其實我地去到已經五點幾,得返個幾鐘就關館,但都叫做有得行0下呀嘛!


其實我都幾鍾意行博物館,因為有好多野睇架,文化博物館我去過幾次喇,次次都行得好開心架!


今次都唔例外,特別鍾意佢個攝影展,d展品真係好精彩,而最好玩當然係細路仔天地啦,我地兩個大人都玩得好開心呢!哈!


 


 


 


2009年4月12日 星期日

Addict to Bourjois

本來之前仲有好多篇未寫,但呢篇不得不打個尖寫先,因為實在太震撼,我feel 到我完全沉左入Bourjois d pdt 度喇!

今日出旺角係睇《天煞撞正怪怪獸》,好明顯係畀怪獸嚇到傻左啦!!所以話:「無事出小破財」,我唔只小破財,係大破財囉!我屋企d 新野真係要上網賣左佢先得(我唔係0向呢度賣或者賣廣告呀,唔好delete 我個blog!!)!!

講開又講,呢期好多睇開0既blog無左或者搬家,唔係好開心囉!同埋唔係好明佢個界線同定義,同埋真係有必要做到咁絕?!其實分享0下、幫人買0既0野都ok 卦?!勁多周圍留言賣廣告擾人咪仲衰!不過算啦,始終係free service ,都無乜好講,人地總有人地自己做法。

突然諗我有成幾百篇blog,成千上萬張相,無左真係死得架喎!係咪搵多個地方同步寫會好d?


呀,越講越遠,講返我今日敗0既0野,真係乜都有呀(其中有d pdt 係送0既)!
我忍唔住0向M記坐低就倒哂出黎影囉!哈!


好彩係有減價同可以扣匯豐d分,唔係試死得喇!!






係H&M 0既四色眼影同透明lip gloss,果度d make up 本來就好平,今日仲有九折,再抵d!果個四色眼影真係一見就雙眼發光,因為實物係好閃好閃勁燦眼0既,幾隻色都好靚tim,可惜影出黎差好遠囉!支lip gloss 係西瓜味架,我babe Cathy 都有支,見親佢用就想買,終於買左喇!yeah!!




被佢個礦物粉吸引左,仲有想買返佢支waterproof eyeline,又覺得佢支4D lip gloss 好好玩,支eyeline glitter 支閃黑好好用又想要埋真閃藍,跟住就變成咁,個brush 用黎上礦物粉,啡色eyeline 用黎做打底,mascara 同eyeline pencil 係set,閃黑eyeline 係取代spring heart,blush 係蜜桃色用黎營造summer 健康膚色,lip blam 係for 去死皮清除嘴部瑕疵令佢變軟等等,3D lip gloss 同e/s 係送的,mini 系列係for fun 同攜帶方便的,其實我真係癡線的!!!!!!

我屋企d mj 、anna sui 、cathy cat等未開果d 真係可以上網賣左佢囉!

所以呢,我真係唔敢買其他牌子,因為我買左第一件,就會失控地繼續買落去架喇!

p.s. 我屋企其實已經有Bourjois 0既指甲油、e/s,blush、pigment、mascara、eyeline、base、foundation、lip tint、lip gloss、lip stick(重點係大部分唔只一件/一色),oh god!!其實我真係得一塊面囉!

2009年4月10日 星期五

遊牛下後

去完牛下拍照留念後,順道逛了淘大及德福廣場,於淘大逛時拍了大頭貼,是很多年前的經典款式,可能因為是舊款,竟然只需5元一次。哈,我們只是趁高興玩玩,舊款也沒所謂呢。


 



 


 



 


 


雖然只是舊款,但效果也可以,只需5元也別要求太高吧!最重要是玩得高興呢!


 


 


 


 


之後去逛德福廣場,到處也是花呢!


 


 



 



 



 



 


剛巧有護兔機構在進行籌款活動,捐款20元便可以抱着兔兔拍照,我當然不會錯過機會,兔兔真的很可愛呢!


 



 



 



 


 


我還買了一個化妝袋用來放我的Lomo Fisheye Camera和一個小兔玩偶,哈!


 



 



 


(背面)


 



 


這張是工作人員拍的即影即有。


 


之後去了夏麵館晚飯,第一次去呢!


 



 


 



 



 


這是涼伴五小碟,燻蛋和魚最好吃!


 



 


這是蟹粉煨豆腐,賣相一般。


 



 


姜味很重,但蟹粉仍有點腥,老公更是未能入口就放棄。


 



 



 


鍋貼(上)和紅油抄手(下),沒甚特別。


 


很充實的一天呢!


 


讓人懷念的牛頭角

牛頭角下都就黎拆,牛頭角係一個我細個成日去0既地方,因為以前成日過黎搵婆婆,聽到babe 話去牛頭角影相,我先諗起自己雖然成日去九龍灣,行德福、淘大,但就真係好耐好耐無去過牛頭角。


我諗,自從婆婆搬左去藍田,我就無再去過,牛頭角呢個地方,令我諗起已經離開左我好多年0既婆婆,我永遠無法忘記佢走果陣0既情境。


去舊迎新,好似係唔會變0既定律咁,舊區越來越少喇,陪住我地成長0既地方、物件,仲有人物,好多都慢慢消失或將會消失。


我諗,我真係開始老喇,我慶幸我去過荔園同青龍,我慶幸我睇過威威0既show,我慶幸我去過啟德送機,我慶幸我懂得聽歌果陣係感受過四位成員時期0既Beyond有幾正,我慶幸我讀書果陣係要分MTR同KCR,有好多好多我值得慶幸。


唔知點解,我開始好想知道阿爸果代,阿爺果代,甚至而上一代0既事。


一個牛頭角,點解引發左我咁多感慨?







其實我係同老公去,Babe 係同自己d fd 去,但竟然真係畀我地撞到,點可以唔影張相呢!



難得撞到Babe,先影到合照咋!Thanks!













呢個伯伯好好人,本來我唔係行入去影架,佢就叫我行入去,話咁影得好睇d喎,跟住猛話可以行埋d影,唔駛驚阻到佢!



佢果檔d 生腸、墨魚同腎都好正好好味呀!




 


 


2009年4月5日 星期日

由奧海買到旺角


睇完《禮儀師之奏嗚曲》,又食埋金滿庭,就開始行街喇,其實當初係無諗過shopping,但最後係由奧海買到旺角囉!



0向綠丘館見到好多野好吸引無買,最終勁忍手下買左兩樣,哈!




之後0向SASA見到有個PUPA set 好吸引,98蚊有base、eyeline、mascara、lip gloss 加個化妝袋仔,買黎玩0下都抵!又買左d 廣源良0既mask同eye mask(唔記得影,哈)。








因為無咩行所以搭左落旺角,去左SEPHORA,買左blog 友勁推0既修容大餅(哈,我作0既呢個名!),仲有DuWop 0既payoff,可以將粉狀e/s 變做霜狀,防水、顯色d 又long lasting d,仲有就係可以將碎左0既e/s 黐返埋,見佢咁得意想買好耐,今次終於買左喇!








跟住又0向卓悅買左果支眼線掃,沙田果間話好多度斷左,但我竟然0向應該最多人買野0既旺角搵到,哈!仲有就係4 粒 Splash,幾粒都有幻彩架,好靚呀!!!







without flash




with flash

呢個其實係我之前0向卓悅買0既菜瓜水同綠豆粉,買完之後我見到旺角水貨舖竟然賣貴好多,返屋企睇yahoo 網拍又係,但我0向卓悅只係每樣買2x 蚊架咋!我絕對相信台灣可能仲平,不過廿幾蚊我覺得都ok 0既,但出面仲貴咁多我覺得過份囉!