搜尋此網誌

2009年3月29日 星期日

Hard Disk 死了

晨早起黎,竟然發現我部notebook死左,完全郁唔到,應該係Hard Disk 0既hard ware 死,超級極傷心難過。實不相瞞囉,我係即喊,因為電腦呢樣野對我黎講太重要喇!!


呢部腦陪左我一段好長時間,入面有好多關於我0既0野,相啦、歌啦、文章啦、履歷啦,唔同類型實用非實用0既software,仲有我果個已經絕左版0既九方輸入(新果d好多website support 唔到,又無咁好用),總之就係數之不盡o既0野。相係有backup ,但上次backup 好似已經好耐之前,剛諗住呢兩日再黎多次backup,點知等唔到佢就死囉!我真係勁灰!


我記得上次壞腦係好耐之前,果時我係喊到收唔到聲,因為果陣無諗backup 0既0野,而果陣部腦係滿載左我同當時(定已經散左?)0既男友0既回憶,記得果時佢去左澳洲,無哂同佢d 0既,果一刻我真係無誇張,係心如刀割咁痛。最終我不斷搵人去整,但結果當然係無得拎返d 料啦,不過慢慢慢慢我就無左呢件事,可能係因為我開始放低果個人。


今次壞腦如果整唔返,又一次無左好多重要回憶,我諗我會比上一次更傷心,電腦,其實真係信唔過。


p.s. 其實好多相我都有upload 上黎yahoo或唔同0既網站,但點都係唔同囉,一定唔會有返原size,感覺都已經差好遠,而且總會有d 相係無upoad 架嘛!


又p.s.呢篇日記已經係4月12日補架囉,因為部腦死左,用另一部腦無得好順暢打中文,所以我變到極少留言、勁耐無打blog,其實我勁多野想打,激死我!可惜到今日部腦都係未整好(詳情下次再寫),真係無乜心機寫囉!


2009年3月28日 星期六

TC Gathering

今晚係TC Gatherung ,本來話大家唔大舒服唔打邊爐,但唔知點解最後又去左打邊爐,我本來已經喉嚨痛但頭痛,但都頂硬上啦,難得齊人聚聚嘛!


不過唔知點解去到多左個男仔阿Wing,雖然識亦見過幾次,但都幾搞笑囉!我地個會唔招募男仔架!哈!一齊打邊爐就可以0既!


食食食、講講講、笑笑笑,咁又一晚喇!


2009年3月25日 星期三

媽咪生日













最緊要你健康快樂!



Cathy, Happy Birthday too!



2009年3月21日 星期六

Amanda's B-day 小聚

今日Amanda生日,我同佢同Cathy有個小聚,本來Amy都黎架,可惜佢臨時要返工,如果唔係就一次個可以同哂3個3月生日0既朋友慶祝,殘念!


印象上好似真無試過正日同佢慶祝,好難得呢!送上我0既心意小禮物,好開心佢地都鍾意同覺得得意!


去左新日與夜,上次去都好耐之前,記得果前我本來有d唔舒服,食食0下唔知搞乜勁想嘔,最終0係果度個洗手間嘔左兩次囉!跟住仲要老公黎接我返去,超慘!


其實果度環境真係唔錯,好適合三五知已小聚詳談呢!





呢個琴同結他真係好適合影相用,哈!我記得上次黎都有咁影!



呢張相我覺得影得好靚,我好鍾意呀!係琴上面0既擺設,我特登排過d位先影架,效果好好呢!依家呢張相成為左我部腦0既wallpaper,每次見到都覺得好warm好sweet!






三月尾都仲見到聖誕佈置,哈,不過靚就得啦!



又點少得合照呢!



呢度個dinner set 好靚,個三文色好好味呢!


Cathy 仲拎埋蛋糕呢!!本來我諗住訂東海堂個新野,但後尾因為Amy 唔黎得三個人驚食唔哂,所以Cathy就轉左要小蛋糕!係凱旋出品,都幾好味架!





點少得同壽星女影張合照呢!




Amanda,祝您開心健康!越來越靚!快d搵到個好男人!!


 


 


2009年3月20日 星期五

收到閃囡了!

星期二兩張收到掛號咭,星期三又收一張,應該全部都係上網買0既0野,今日放工終於去左拎喇!

閃囡一打開已經全個盒都係閃粉,勁閃,相影出黎真係差好遠,實物閃勁多,好靚呀!!!我聽日一定要用0下先得!!!!Thanks 666!!!




跟住係26 色 e/s and blush combo,d 色睇落同28色大地色果盒似,但望真就知唔同,全部都好顯色好靚呢!!!








其實仲有Lola 0既眼線筆同眼唇兩用筆,不過唔記得影!

我諗我真係要收手喇!有排都唔可以再買喇!!!!!!(希望做得到啦!)

2009年3月11日 星期三

Cup cake lip gloss Fever!




上面係我所買0既Cup cake lip gloss大合照!

其實我唔只買左上次show 出黎果幾粒,因為之後畀我0向沙田CitySuper 見到有好多,我係即時眼發光,連奶奶都話好得意,我又忍唔到手,終於全部款買哂!當中重覆買0既係我覺得特別靚0既,係用黎送畀我d babe 們架!!!

因為真係太靚,好想同我愛又就黎生日0既babe 們分享呢!!!Babe 們,希望你地揀款果陣唔會爭崩頭啦!哈!



2009年3月10日 星期二

CS 88 matt & eyeline gel

好明顯係入左魔囉!又入多個88 matt 同eyeline gel,不過收到貨打開果刻真係覺得好靚!







左面果個係Deep plum,之前買落,左面果個係Turquoise




Deep Plum 就真係好靚,但Turquoise我就覺得有d失望,因為好難畫得明顯同均勻。

2009年3月4日 星期三

不能吃的甜品

食完飯行左陣,0向Log-on見到呢d 甜品造型0既lip gloss,即刻二語不說拎起,果度我見得返三款,除左金莎果款之外其他數量都好少,幾乎畀我掃哂,因為我見咁靚想送畀我d babe 呢!




真係好得意呀!



老公今個月生日,city super送左份禮物畀佢,我記得上年係隔熱手套,今年竟然係唔同種類0既鹽,真係估佢唔到,哈!




個包裝仲要好鬼靚囉!

非常抵請的晚餐

今晚就係訂左呢間0向又一城0既SimplyLife 同老公慶生日,去到都真係幾多人等位,好彩有訂0者!




叫左野先有一碟包送過黎,雖然一早知佢有包送,但無諗過係咁多同咁大舊,即時覺得叫左0既野會食唔哂!不過都真係唔錯,幾好味呢!




睇食評知佢大碟,但無諗過大碟到咁,一黎果陣同老公都嚇親,感覺上飽左一半囉!不過真係唔好講笑,個蟹肉份量真係算多,同埋真係叫有蟹味,我都覺得呢樣係算難得,真係好多地方0既蟹肉後無味架!




鮮蝦天使麵,睇落細細碟,但散開左原來份量都唔算少,雖然得兩三隻蝦,但上面果隻大蝦都好好肉地,我個人覺得價錢唔算真係太貴,當然亦唔可以叫平囉!不過黎得呢d餐廳食,都會預左一碟野要成百蚊啦!我覺得呢碟angelhair都整得幾好,幾入味同埋唔會太軟,老公都話唔錯。




呢個係老公要0既羊架,要左七成熟,全晚最貴0既一道菜,得三塊,不過肉質真係唔錯,同埋都無煮到over左,佢伴住上果個薄荷醬我覺得好好味,個焗薯都好味呢!




Banana Pie,好好味,25蚊大大件好抵食,不過略嫌底層有d過甜!




真係好香香蕉味架!




呢個係香蕉朱古力蛋糕,伴住果個雪糕好味,最面果層朱古力好正,個蛋糕都唔錯,但就好漏囉!



呢餐食左唔駛四百蚊,同我預計差唔多,真係飽到幾乎行都行唔郁,但都買左幾個飽聽日做早餐,因為實在太精美。另外,佢 d cake 真係好靚,就算唔黎dinner,我都一定會再黎食cake,哈!如果真係再黎dinner,一定唔會再叫咁多樣囉!我同老公兩個係咁叫住飽,哈!



今晚仲行左陣,買左件t-shirt同件恤衫送畀老公,我自己都買左兩三件衫,非常開心滿足。



老公,生日快樂!祝您開心健康!凡事順利!

2009年3月3日 星期二

小小驚喜

明天是老公生日,因為大家都忙上班、上學及做兼職,實在沒時間去籌備太多,所以我也只是訂了枱和他吃晚飯慶祝,那餐廳我和他也未去過,看評語說食物和環境也不錯,希望明晚吃得開心。

但今晚,我給了他一個驚喜,想他一定未想過我會這樣做吧。

因為兩個人都要上課,通常放學也只是買外賣回去,我騙他說我不太餓,所以只需買一個套餐便夠,其實是因為要為大家留肚吃蛋糕呢。回到家裡,我說要先預備好明天帶飯的飯盒,叫他先回房間等我,然後走到廚房,悄悄拿出放工時已拿回來的蛋糕,點好蠟燭,再關掉所有燈,捧著蛋糕慢慢走向他。他顯然不知道我有此一著,看着我笑起來,更立刻伸手擁抱我。

很高興他懂得欣賞我的心意,一個蛋糕的確很普通,但能伴在一起慶生日吹蠟燭吃蛋糕,已足夠讓人覺得感恩。








挫敗

上兩星期因身體不適缺了課,這一班因假期關係,比其他同級別同月開始的班別遲了一堂,所以我要等近一個月才可以進行補課。誰知這星期原來要測驗,範圍剛巧是我缺席那兩堂所教的內容,對着測驗卷,腦裡一片空白,終於提早交卷離場。交卷時,我說我沒有準備,真的不懂做,老師知道我缺了課,也表現諒解,最後還補上一句:不緊要,下堂再回來上課,不要放棄日文便好了。

對,暫時不懂、跟不上不要緊,不要因受挫敗輕易放棄才對。

2009年3月2日 星期一

久違的意粉屋

今晚奶奶請吃晚飯,預祝老公生日,每年我倆生日,奶奶也會主動請吃飯,她是個有心人。


選擇了意粉屋,用了VIP生日75折優惠,很「抵」!還嚐了新的軟殼蟹帶子Pizza,很有趣。




這個八爪魚不錯呢!



每次例必會叫的小食拼盤!



就是這個軟殼蟹帶子Pizza,真係成隻蟹架!



和menu差很遠的香草海鮮闊麵,香草少了很多,不過味道還不錯。


其實還有煙三文魚鮮果沙律,忘了拍照,哈!



2009年3月1日 星期日

潮拜購物狂

今天看了《潮拜購物狂》,本來想看《一百萬零一夜》,但想看輕鬆一點的電影,加上早就想看,所以就這樣決定了。

書還未看,覺得電影還算吸引,雖然有點浮誇,但作為一齣輕鬆小品,也算拍得不錯,能讓人忍俊不禁,也能讓人感觸得眼了紅。

自問也算Shopaholic,當中有些劇情也很有共鳴,特別是當她講起購物的心情,我感觸得幾乎想哭。是的,就是因為世界會變好,所以購物,就是因為世界一轉眼又變得不好,所以繼續購物。我愛上購物,就是由我覺得世界不再美好的那時候開始。隨着我越來越抑鬱,我的購物慾也越來越失控,越不快樂,就越買得狠,快樂只維持在買那一剎,然後,我又變得不快樂。記得不只一次不受控的瘋狂購物過後,對着那一大堆戰利品在嚎哭。我為讓我傷心欲絕的事而哭,同時也為我那無法自控的購物癮而哭。

花了很久很久的時間,我才能從悲傷裡走出來,但卻成了慣成的病態購物。無可否認,花錢刷卡的那刻,我的心情就如女主角所形容,但當要承受結果的那一刻,也絕對如下地獄般痛苦。

然後,我又花了更多時間,去改掉那因悲傷而引起的壞習慣,雖然還未能完全受控,但總算比之前好多了。

我想,我是愛購物的,但是,過往我就為了感覺得到世界美好的一剎,失去理性瘋狂購物,現在的我,偶而還會為心頭好失控,卻比低潮時期的我理性多了。又或許是,我已擁有更多不能買的快樂,所以不用再無時無刻的寄情購物了。