搜尋此網誌

2010年11月15日 星期一

野草燒不盡,JS 吹又生

每逢聖誕臨近,就係我最易流到一地血0既時候,其實我都會試0下避,但有d野,避唔過就係避唔過。



JS 呢個x'mas set ,我一出好想擁有,本來因為我去得太遲,所以已經sold out,都唔想再諗會唔會返貨,當慳d錢算,點知星期四去faces ,竟然畀我見到又有貨,令我覺得我係註定要帶佢返屋企架!














今次個packing 包包真係好靚呢!超愛lace 野!







入面有兩格,質料當然好啦!







今次個set 包括:雙色胭脂連掃、眼影膏、lip gloss 、香水粉撲、假睫毛同膠水。個假毛超誇,型呀!







眼影膏好似同上年個色一樣咁呢!







胭脂內格都靚靚架!









呢個色應該都易carry,但我唔一個會捨得用佢囉!





以為我流血卜文到此為此,錯喇,仲有,稍後再出文!


2010年11月10日 星期三

要拉面皮定美麗綻放,你地自己話事啦!


係咪有種睇完標題都唔明0既感覺呢?



唔賣關子啦,我講緊0既係一向好受大家歡迎0既平民價面膜:我的美麗日記。



呢輪佢又有新搞作,終於出左掛耳面膜喇!





呢隻拉提美型面膜有2款,另一款係美白架,有得掛耳有得敷埋頸又可收緊返,紙質雖厚但唔焗,貼臉度ok,有勁多精華,敷完好水潤亦feel 到輕微緊緻左呢。 價錢只係HKD 58 / 8片,真係幾抵。








面膜個形就係咁,其實都幾搞笑囉!







除左以上拉提美型面膜,仲有下面呢隻:







我的美麗日記限量版:美麗綻放篇,其實有5款,但我只係入左3款,試左咩料先決定再唔再買嘛!佢聲稱係多層親肌水膜紙,更吸水更服貼。



我敷左向日葵果隻,剪裁一般但貼臉度都ok,不過我會覺得拉提美型貼d,呢隻又係勁多精華,敷完成臉都仲好水好濕潤,還好按摩一下就吸收埋,加埋佢好自然
0既淡淡甜味,我覺得敷呢款面膜果陣都幾relax。敷完第朝都仲好水潤,以佢HKD 35 / 5 片0既價錢,都真係唔錯呢!考慮買埋淨返兩款先得。





連出兩篇,大家要多多支持呀!



2010年11月9日 星期二

敗開有條路...經過都唔放過...買呀!

朗豪坊真係一個萬惡之地,齊集各大牌子,對我呢d 毫無抵抗能力0既女人黎講,真係無辦法唔流到一地血。



就係入M.A.C. 呢個魔道0既同一日,我經過其他counter ,都唔覺意流多左兩灘血。





先係ettusais ,我真係用左好多,每隔一排就會去,每有新野都忍唔手,今次,都唔例外。






限量粉餅連粉盒set,連支保濕噴霧,加防曬base 同toner 0既travel  size,無記錯係HKD 420。



另外係限量版lip essense ,平時果支我一向用開,回購過n 次,大推。今次呢支係Deep Moist ,效果一樣咁正,可以keep 到好耐都唔會覺得咀仔講。講多句,支lip stick 都唔錯架。







今次個粉盒都好靚呢!我屋企有個係有我個名0既限量粉盒tim!





我畀完錢BA已經幫我入左個粉餅入盒,都未認真研究到個粉餅係咩料,不過都知佢白色部份係for t-zone 0既,它家粉餅我一向有用開,今次呢個粉餅如何,留返下次等我試真d再講。





去得朗豪坊,我一定會去探0下Bourjois 0既counter,之前買落d cash coupon ,每有新野我就會去換0下咁囉,今次換左下面呢d:









新色Smoky Eyes 同新色甲油,個眼影一見就要擁有,勁靚,個甲油返到去我都諗點解會換左返黎,係暗紫色黎。



可能因為用coupon ,真係無留意佢加左價,唔怪呢度用到兩張HKD 100 現金券啦。





黑金組合,超正,上眼仲正,下次同大家分享0下。





你話,係咪敗開有條路先?!要開始節衣先得喇!

2010年11月8日 星期一

Olay 再進化:Professional Pro X 專業方程式系列~萬寧有得賣喇!

相信這裡的各位,應該和我一樣,有事沒事都愛到萬寧屈臣氏逛逛,看看有什麼特價、出位價、新登場等等。

今天吃飽沒事幹,又去了萬寧一轉,想不到見到以下的產品:




當然不是豪得一下子把新產品全套入手,照片內的是早前有幸被選中,見過醫生、做過皮膚分析後(很認真的試用案呢)收到搶先體驗的產品,由左至右,機能水→
亮膚透白精華→特效修護眼霜→抗皺緊膚霜。官方表示經過多名專家十年的研究,成功找出能夠重組老化肌膚基因的科技,並率先將基因科技引入護膚領域的專業醫
學護膚新品OLAY PROFESSIONAL ProX 專業方程式系列,令肌膚回復年輕狀態。

試用產品已經有兩個星期,月尾會再去進行皮膚分析,由數據告知產品成效,感覺很專業。試用後感還是待完成試用案後再分享吧。

於萬寧所見,這系列除了我這款面霜外,還有兩款不同功效的面霜,產品價錢由港幣279元至379元不等,大家有興趣可以去萬寧看看。

2010年11月5日 星期五

為左個寶箱,我實行送上門!

大家唔知有無睇我尋日篇文,剛剛先畀M.A.C 殺到一頸血,應該好好回氣,等荷包食返飽先再出動,點知...真係敗開有條路...



尋日去朗豪,本來係為左 Lancome 加 HKD380 換果套野,點知最終無貨買唔到,加上買左M.A.C 都諗住收手啦。



點知諗黎諗去越覺得唔可以,點可以咁易放棄,第一次見實物就因為無合心意0既skin care set 放棄左,特意再去睇又竟然無貨。我明明收到宣傳單張已經諗定係must buy 架嘛,唔可以再等有貨先出動喇!



有時女人就係咁,堅持起上黎都可以好得人驚。我係認真到上網search 佢地分店電話,target
左我方便去果幾間,逐間打去問人地仲有無個化妝箱同有無我想要0既set。(但我搵唔到Lancome 有香港官網囉,都係search
佢一個美白promotion 先搵到地址電話咋!)



終於,都係最少人0既圓方最齊貨,放工即去。





就係咁,好順利就帶左佢返去喇!




超大盒呀!







呢個化妝箱好pro 咁呢!





有幾格可以放唔同野,好實用!





除左化妝箱之外,仲有好多野跟埋呢!



PB050785.jpg


靚靚0既4色眼影,呢個色系好易配搭。







Lancome 0既mascara 其實都唔錯呢!







3支lip stick ,其中兩支係貨size 黎呢,但d 色唔知襯唔襯我,諗0下試唔試先。





仲有eye & lip remover 同香水版,同埋mini size 0既Juicy Tube ,正!







呢套掃又係好吸引,包裝已經好靚。





入面3支掃都好軟架!





仲有廣告賣到好行果支基底液0既sample,可以試試係咪講到咁好用。



加HKD 380 就有咁多,真係好抵!









為左換上面set 野,我就買左個skin care set。





煥顏細胞再生日霜





eye mask x 3





爽膚水、眼精華同精華0既sample





唔駛一千蚊就得到心頭好,大滿足,超級開心啦!





其實朗豪一役仲有野入手,大家有興趣就留言,我再出文講啦!謝謝!

2010年11月4日 星期四

想不到我也難逃 M.A.C. 劫

真係世估唔到我都有今日,M.A.C 毒有幾勁,早就0向各bloggers 0既
blog 內領教過,明知一入M.A.C 門深似海,故對佢一直採取「避之則吉」、「過門不入」同「視而不見」3
大策略,咁耐都相安無事,就算偶有忍唔住入左去睇,都可以本著,我死都唔會入局0既心態全身而回。



今次,就好似有股引力拉住我咁,見到宣傳已經眼發光,心入面己都立定一定要去睇實物,本來因為最近太忙都無時間去,以為會錯過哂 sold out 哂,估唔到今日先去都竟然仲齊貨。



救命,我本來係去睇Lancome 架咋,未入Lancome 己經畀M.A.C 吸左入去,不夠5 mins 就乖乖放低銀両,唔通真係整定0既?





我諗唔駛我講,大家都知引到我非入手不可0既係邊個系列啦。講多無謂,去相!





單係包裝都靚到咁,係我勁愛0既格仔,點忍?












Set 掃真係好抵,又好實用,個袋仲要好好質地,有埋帶可以揹出去tim 架!有d 衝動想入埋眼影掃果set呢!












眼妝一向係我最重視果環,畀我揀,其他唔入,眼影都真係無辦法唔入囉。呢款係藍盒果款,係我大愛0既紫,d 色全部都好靚,仲好實用,smokey eye 必備!









呢款係紅色果盒,d 色一樣係靚啦,有common 易用色又有d 特別色,個淺綠真係勁靚,紅色都唔錯呢!金色同墨綠係百搭tim 啦!



今次係我自eyeline gel 係第一次親身落M.A.C counter 買野,其實買完好爽,但都有d 心寒,我好驚但個只係入M.A.C 道0既開始呢!要努力避避避先得喇!






2010年11月2日 星期二

【影片】Step by step 矇豬變大眼

近十天沒發文,沒辦法,身心理質素都不好,也許太累了,整個人很沒朝氣的。

還好是這陣子皮膚沒跟著變差,聽了不少讓人心裡暗自高興的讚美話,才沒那麼沮喪呢。

是什麼話讓我心裡偷偷笑?

哈,還不是和樣貌有關的說話吧!例如:「你樣子看起來不像真實年輕大呢!」、「短髮很清爽,和你很襯,看起來更年輕呀!」、「你雙眼很有神很美呢!」、「你的睫毛真漂亮,又濃又翹的!」

聽著聽著,心怎能不甜呢?

雖然自知不美,那些也可能是客套話,但既然能讓自己高興,就照單全收吧!

當中最多人讚我的眼睛和睫毛,坦白說,近兩個多月身心靈都很疲累,睡得不好,又常水腫,眼應該很沒神才對吧?!又怎會有神又漂亮呢?


我想,是我的偽裝功具太神了吧!


接下來,是我用心出品,以相片製成短片的產品介紹,請多多支持啊!



短片看完,我也分享一下用後感吧。


若大家有看過我之前的睫毛膏分享文,也該知道我一直是Dejavu 的推崇者,回購過不下十支,舊版新版都用過,一向都給予正面評價。是次參加試用,就是為了試試之前未入手的幼小型和眼膠筆,有幸被選中,當然要認真分享。


眼膠筆:讓人想笑的名字,真的物如其名,就連我這個Dejavu 粉絲也無法讚,因為筆芯有點硬不太好畫,上色度也不見得很好,要來回多次畫上才顯色,加上其硬度,覺得會傷眼皮。防水防油度我也不滿,已經上好碎粉又做好定妝,不到半天上眼線就往下眼皮跑,討厭。

超長型:改良過後刷頭更好用,增長效果突出,整齊且不會結塊,不過初用時太濕潤,乾得有點慢,但用上幾次後會越來越好。

幼小型:這個是我最愛的,很照顧到我短小又不明顯的下睫毛,擦上後即現形,而眼頭眼尾較難擦上睫毛膏的地方也可以輕易擦到。

濃密型:我一向有用這個,也是常備化妝袋之物,貪其效果突出但不浮誇,而且能整天沒下塌跡象,細心擦的話絕不會結塊,擦後睫毛看起來又尖又濃又翹,推。


三款睫毛膏也一樣不會暈不會化,而且暖水可卸,不會傷害睫毛。可知道睫毛是很寶貴,每掉一條都很心痛呢!



側看時睫毛多漂亮,讓人不禁自戀起來,哈!




假大眼加上柔焦,還有不漂亮的人嗎?


這次分享到此,我沒忘了之前答應過出的睫毛液功效大公開,努力中,等我。








這個小工具發生錯誤