搜尋此網誌

2008年6月30日 星期一

EXP生日補祝

預早了一個月的TC Club 約定,改期又改期後,最後還是連我計也只有四位出席,當然會有點失望,但也明白體諒人大了有太多身不由己。


和好友們選了又一城EXP,這裡真是不錯的選擇,只是略嫌吵了點。


失敗的是,大家只記得拍食物,卻忘了拍人,希望下次聚會齊人。還有今晚未能出席的一眾好友,記得還欠我一次聚會,再約吧。






這個尋找咖哩雞真的很有趣,而且味道很好,值得一試再試。


 


這個拼盤裡我最喜歡香芋西米糕,味道真的很香濃,而且不會太甜,又滑滑的,很合我口味。


差點忘了謝謝Amy送我的禮物,thx my sweetie!


2008年6月29日 星期日

香煎鯰魚柳

是晚做煮婦,煮了:




香煎銀鱈魚




西蘭花炒魚蛋魚片




蒜蓉豆豉苦瓜


 

加上加料的酸辣無骨鳳瓜,很豐富的一餐呢!

終於有得唱k

今日約了Jack、Winvy 同何雁出去唱K,我真已N年沒唱K了,幾乎連咪也不懂拿了,還有很多新歌不懂唱,只唱了常在MOOV聽的歌。還有發現現在很少新歌,很多想唱的歌也沒有呢。

這次還帶了老公出去,老公也表現不錯,很乖呢,哈!

繼N年前基仔第一次紅館演唱會後,真的很久沒有見何雁和Winvy,那次觀賞演唱會後發生了些事情,讓我們就這樣突然沒有一起出去玩了,後期大家越來越就更不用說了。還記得那時候有段時間和她倆,以及Jack 和華dee常走在一起玩,曾一起游水、上大家的家玩遊戲,玩得頗瘋呢。轉眼,大家都長大了,都變得忙碌了。Winvy 十月更會成為新娘子呢,很期待,恭喜恭喜!

唱K後想了很久也沒地方可去,到了甜品店坐下聊聊天,可惜今天下雨,否則應該可以出戶外走走拍拍照。




這是我要的乳酪,加了5款toppings,全選了水果,感覺fresh點健康點。Yummy!

大約六時何雁要走,我們也各自散了。然後我和老公逛了逛,到了超市買了點東西便回家去了。

2008年6月28日 星期六

Fever

一如題目,昨晚我發燒了,可憐。


還好是短週,要不就慘了。


2008年6月25日 星期三

哈根大師百利甜酒雪糕蛋糕

因為老公預計25號會轉八號,所以決定改變計劃,提早一日去拎蛋糕。同奶奶食完飯,送左佢走之後,我地兩個都想去洗手間,於是就分開去,當我出黎果陣唔見左佢,四圍望之下就見到佢入去哈根大師,我就入去搵佢啦,點知一入去就見到我店員拎住個有我個名0既蛋糕出黎,哈。




呢個哈根大師雪糕蛋糕,入面主要係百利甜酒雪糕,但估唔到佢仲有海綿蛋糕呢。老公就係因為知道我近期愛上百利甜酒雪糕,所以揀左呢個蛋糕。




蛋糕上面仲有少到幾乎睇唔到0既金箔,果個朱古力圍邊好味到唔識講呢!




因為打風唔開心,所以我扭計,拎住蛋糕都唔識笑。




老公話唔笑就唔畀食喇,咁就唯有笑返0下啦!




當然要同老公豬豬影返張相啦!







果個版係無味架,上面我個名仲係苦0既呢,哈!




食生日蛋糕又點少得吹蠟燭0既環節呢,yeah!我仲許左好長0既願望呢,哈哈!

Flowers, Food and Love





































2008年6月24日 星期二

八號風球迎生日

仲有唔夠半個鐘就係我生日喇,今日睇天氣報告知道好大機會改掛三號已經勁唔開心,因為咁代表我生日好可能會係大風大雨中渡過,我一向係天氣唔好心情亦會唔好0既人,如果真係生日打風我又點會開心呢。


估唔到夜晚收到更令人無奈0既消息,就係可能會改掛更高0既風球,之前我話老公好似無乜表示,今晚同奶奶食飯之前我再問佢,佢話有都無用啦,打八號都唔開,有都無得拎無得送啦。果下真係灰到爆囉,超唔想打八號囉。


雖然心情唔好,但今晚奶奶請我食飯都食得幾開心,叫做無咁低沉囉。而老公亦因為知道會打風,所以改左原定計劃,趁我去洗手間果陣去拎蛋糕先,驚聽日打風唔開又或者大風大雨難出去拎,我去完洗手間唔見左佢,見佢原來入左哈根大師,仲有個店員咁0岩拎個蛋糕出黎果下,我其實係幾感動,係我勁喜歡0既百利甜酒味雪糕蛋糕呢。


走果陣知道十一點會掛八號,我不由自主地想喊囉,果下唯一諗到就係:生日先黎掛八號,唔同連個天都唔鍾意我?


講到返工,我地唔係落波後兩個鐘內計架,總之一落八號又要即刻飛返去,就算返到去打完咭夠鐘收工都要照返,話就話近,但行都要差唔多半個鐘,大風大雨又水浸難行,搭車又會勁塞,就算安全返到去都濕哂啦,又吹完風唔病有鬼,諗起就灰爆。唯有寄望聽朝起身個八號已經落左啦,唔係我肯定忍唔住喊都似,唉!


點解生日先黎打風架???


多謝奶奶

因為奶奶放假,所以就約左佢出黎食飯,點知一去到佢話佢請,因為我聽日生日,哈,好開心奶奶記得我生日,仲咁有心請我食飯呢!

我地去左和民食,佢個夏季menu 好合我口味呢!




呢個芝士鰻魚卷好fresh呢!




呢個蒜心豬肉卷好爽好香,兩者味道好夾呢!




呢個係我超愛0既芝士煙肉丸子,每次去都必叫的,yummy!!




呢個芝士煙肉春卷好香芝士味,都唔錯呢!




呢個明太子忌廉意粉就一般,無乜特別又無乜味咁。




呢個星鰻魚天婦羅卷係老公至愛,當然要叫啦。

本來好想食甜品,但我已經食唔落喇,多謝奶奶呢餐呢!

2008年6月22日 星期日

久違了的羽毛球

今日同左Peggy同佢朋友,仲有帶埋老公去打羽毛球,威廉本來話黎又甩底,打足兩個鐘,咁耐無打真係好疲累囉!不過做運動有益身心,希望可以抽多d時間同book 到場打波啦!

之後Peggy返屋企食飯,我同老公去撐檯腳啦當然,買完野飲仲諗住行下睇去邊食野,點知再行就見到之前都去過話要帶老公去試0既醉江南,先醒起醉江南0向太子地鐵站附近。擇日不如撞日,當然即刻拉老公入去啦,早知唔駛買野飲tim啦。

因為唔太肚餓,只係叫左兩個菜加一個飯share,加多個小籠包。小籠包可以以後唔駛再叫,其他小菜都及水準,好好味呢。




伙記推介呢個龍鬚菜炒肉鬆,好爽口好清新,下次再叫先得。




呢個豆腐小黃魚我食過一次就每次都想叫喇,好好味架!


 

呢個菜飯好好呢!

食飽就火速返歸,因為到咩咁喇已經!!

2008年6月21日 星期六

笑笑笑笑

今日約左睡王子、栗子同Tony晚飯,去左瓊華0既笑笑,好耐無去,仲係咁好味呢!


同栗子佢地都幾耐無見,都半年lu,今晚真係笑到死左,有Tony 0既場合真係會多好多笑聲,希望可以多d 出黎聚聚,玩下傾下偈啦。


今晚叫左六樣0野,有d掛住食無影到呢,其中一個就係蟹肉帶子薄餅,勁好味可惜無影低呢。




呢個豆乳鍋幾香,唔錯。



呢個溫泉半熟蛋超好味,難怪Tony咁喜歡呢。



左邊果杯係我0既"公主",雖然有vodka,但都唔算好勁酒味,好好飲,右邊係睡王子果杯,但唔記叫乜名,總之難飲啦,哈。



左邊係Tony 0既"綠野仙",右邊係栗子0既"翡翠",兩杯都幾好味呢!





呢個燒豬肉賣相麻麻,但自己燒幾過癮,味道仲唔錯呢。




呢樣影到睡王子唔見左,超恐怖,哈!



完全唔知Tony 想點囉!




 


這個小工具發生錯誤