大風大雨下的海鮮餐

今日預早同daddy慶祝父親節，佢揀左去明星海鮮坊，我就麻麻地，不過父親節梗係佢大哂啦。
佢地叫左個海鮮餐，有蝦、有兩隻蟹、有一條魚同一打扇貝，仲有兩隻乳鴿，同埋一打饅頭，係就係食到好飽，不過我覺得好唔抵囉，一黎野唔特別好食，份量又唔算好多，但埋單真係唔平囉，下次真係要提議d價錢差唔多但質素好好多0既餐廳先得。

呢幾日都係咁落雨，出去果陣細雨，點知食完走果陣勁大雨，見住佢黃雨轉紅雨，越落越大，幾乎走唔到囉，不過太夜喇，大雨都要超走喇！

返到去，梗係濕哂啦！