搜尋此網誌

2009年9月29日 星期二

你當我是浮誇吧~!



唔知大家仲記唔記我之前買左盒9蚊假毛呢?仲係為盒而買0既呢?


唔記得唔緊要,補返張相remind 0下大家先!



 


 


 


果陣有sis留言話想睇效果,雷會當日高手雲集,又咁多愛靚0既blogger ,我當然把握機會帶埋出去玩啦!終於,熱心助人0既技安小姐出手助我呢個手殘人,徒手一下就搞掂左我(對假毛)喇!勁!


close eyes 0既效果:





大家可以睇到,黐得好乾脆俐落架!呢d 咪就係pro囉!真係要多d 跟佢同小砂呢d pro 人學0下野先得!


 


 


半開眼0既效果:





呢對都算係比較誇張同濃密0既假毛,但又咁講,如果唔誇,我搽mascara 咪得囉,駛乜搞咁多野?咁一係唔搞,一搞就梗係整誇d啦!

當然,太誇0既款我仲未接受到,你睇呢張半開眼,其實呢對又ok 自然wor!

 

 

 

 

好啦,到開眼效果:





嘩,唔係講笑,only 睇對眼,用左假毛真係成個醒哂啦!眼珠入面仲有閃光架!


 


 


 


 


最後整多張側影畀大家,真假毛融埋一齊呢!





其實我幾鍾意呢張,好難側影到效果咁,我次次都影到好樣衰咁架!


 


 



分享到呢度,原來9蚊睫毛效果都唔錯喎!


2009年9月25日 星期五

9 蚊買個盒定買條毛?


呢輪真係中毒太深,明明眼仔發炎無得玩,明明返工趕頭趕命唔會有時間玩,但就不斷見親都睇,睇就想買,作死!



好彩有好友整左個及時團,等我有得平平地買0下止到痕。雖然有排先見到實物同知道效果,但起碼0向價錢對有比較下會令我0向出面見到都唔捨得花多錢去買囉!



說話就咁講,但點會唔睇先得架?



終於,我又失守。嘩,大佬呀,9蚊咋,又有盒又有膠水咁,點忍呀?!



就係佢啦,之前行卓悅都無見過,明顯係新野囉!


呢對係最密架,成個架得返一對,我就係對last one 有情意結,所以就揀左佢囉!我覺得望落都幾靚啦!


 


 



睇返盒後面,係有中文說明囉,勁!


 





而最堅係,說明係中文,但標明係product of Japan ,拿,係咪made in Japan 就 . . .


 


 


 




好,拆哂包裝之後,就係一對假毛,一個盒仔,同一枝其實唔太敢用0既膠水囉!


 


我好想講,我係堅鍾意佢個盒而買架,方便我帶d 毛出去同大家玩。喂,9蚊喎,有個唔錯0既盒仔又有對毛,仲想點先?


 


等我有時間再試畀大家睇個效果啦!