搜尋此網誌

2009年12月28日 星期一

聖誕眼look look~精靈眼秘技!!另加首嘗全框內眼線之驚嚇!!

忙還忙,聖誕點都要放鬆出去影0下相咁0既,出得去,點都要執返個樣啦,係咪先?


 



一直以來,我最重視就係眼0既部分,其他地方好多時好求其,眼妝我就肯定係花得最多時間研究囉!


 


 


聖誕流流,對眼化得精靈d,影相都sharp d 啦!



之但係,點樣先可以精靈d呀?



其實咪又離不開假毛、眼線、睫毛液囉!用假毛當然最有效果,但如果好似我咁手殘又bb 級,又可以點呢?


 



今次我就試左全框內眼線,雖未至好誇,但自己真係睇唔慣囉,大家覺得點?


 


當然啦,only 眼線又點夠,mascara都未上,同精靈仲有段距離囉!


 


 


 


 


好!就等我公開我最近大愛0既上睫毛液方法比大家睇啦!


 





上面呢張相,大家應該好明顯見到我左右眼有差別,因為右眼我只係上左mj 0既mascara base,右眼就已經加左kiss me 紅色130% 掃頭果支mascara喇!真係長同密左唔少架!!


 


 


咁就夠精靈喇?


傻啦!講得係我大愛方法,點會咁小兒科呢?


 


 


再黎!





因為kiss me 比較易打結,又唔夠細長,所以當用完佢之後,我會掃多層我好鍾意0既mj 梳頭mascara呢!大家可以望望右眼,only 得kiss me ,真係亂d架,又成堆野咁,但左眼就分明d啦,而且又再長左喇!


 


不過,我呢d浮誇人,又點會心足先得架!



繼續繼續......


 


 





0拿!無花無假架!無假毛無大眼仔,貨真價實真睫毛。點解同上面果張又唔同左0既?



因為我又掃多層mj,仲掃埋下睫毛囉!比起第一張0既右眼,係咪差好遠先?夠唔夠長?夠唔夠精靈呀?



雖然好似搞好耐,但其實兩三分鐘就搞掂啦!對我黎講易過黐假毛太多喇!


 


 


 





順便畀大家望望我個聖誕眼妝,呢期仍然係大b 得寵呢!


 


 


 





嘩,側面睇原來仲誇呢!哈!


 


 





新屋多左位可以用天然光影相,忍唔住影多d!




 



 





今日個妝就係用左上面堆野喇!


 


 


 


唔知大家有無發現,係無concealer 呢?我當然唔係天生麗質到無瑕疵啦!特別呢輪晚晚執野3、4點先訓,眼袋、乾紋、眼腫樣樣出齊啦!大家之所以睇唔到,並唔係我對d 相做過手腳,亦唔係我d粉厚到面具咁遮哂喎!



而係我用左佢呀!自從收到佢之後,真係好勤力用架!日用夜用,先可以拯救到我開始變殘果對眼咋!


 


 



就係佢喇,Garnier Aqua Defense Hydrating Eye Roll-On,其實我早就用過黃色果支,都幾鍾意,今次撞0岩眼腫、眼袋又勁左,試綠色就0岩哂啦!



 


 


 





 


真係好鍾意佢碌碌0既設計,如果唔按摩0既話,用更多眼霜、精華都係假,咁樣碌碌0下又按摩埋,0岩哂我d懶人囉!


加上佢涼涼地,有助收緊,而且精華流出分量又控得好好,仲好快吸收哂,趕時間都唔怕呀!


至於效果,其實都好畀before 大家睇架,但我忙到都唔記得影,跟住一到手就好心急用,就無左件事喇!哈!After大家有眼見,眼腫少左,眼袋更加係唔駛遮都唔太睇到,等我keep 住碌,碌到對眼越來越精靈先得,哈哈哈!


2009年10月20日 星期二

Don't ask, just kiss.



唔知道各位姐妹0向細個果時,有無曾經試過......靜靜雞......偷偷地......趁媽咪唔為意......拎左媽咪支唇膏黎玩呢?

 

我真係唔記得自己有無試過,但唔知點解就係有呢個畫面出現0向我腦裡面。


0向我仲係1x 果陣,係完全唔用唇膏架,直頭覺得:唇膏=媽媽級妝物!!

 

點解咁諗?因為見親d唇膏,又實色、又深色、又紅、又乾咁,包裝又老套呢!完全接受唔到拎佢出黎囉!所以,lip gloss 當道囉!


但唔知幾時開始,我竟然會嫌lip gloss 黐嘴、唔持久,再加上人大左見左多野,知道原來唇膏都有好多唔同款、唔同功效,仲有唔少優點,當中包括顯色、較持久同唔黐嘴,就已經夠得我歡心。現今0既唇膏已經越來越多變化,今時真係唔同往日喇,我又回歸唇膏0既懷抱喇!

 

咁對我黎講,點樣0既唇膏先可以令我心動呢?

 

 

雖然重新愛上唇膏,但我試過0既其實唔多,因為要合心水真係唔易,今次我遇到0既係Za 0既Pure Shine Lip,唔知佢又有無資格成為我0既新寵呢?


再一次多謝The ztyle 抽中我試用呢款Za Pure Shine Lips 唇膏,亦好多謝Za 慷慨地送出兩枝唇膏畀我地試用,等我地揀色可以多個選擇。不過呢款唇膏實在太多色,d色又類似咁,我呢d選擇困難症人士仍然揀到頭痕。

 

知道有得試用之後,已經特意到Za 開架度試,全部試完一次之後,明明已經揀好,但我去到拎唇膏果度又再試過,左諗右諗一輪,咪又係揀返果兩枝,真係搞事,哈!

 

最後,跟我返去0既兩位幸運兒分別係PK3 同RD1喇!

 


 


包裝真係比佢地以前0既product trendy 好多,感覺young 返d 同fashion 返d,唇膏影出黎有色差,實物係鮮色d 0既,試上手可以見到都係偏淺色,但正合我意,因為我鍾意透明感重同似有還無0既lip stick。


睇到佢話係晶瑩透亮唇膏,好想知佢出黎效果係點,做唔做到玻璃嘴囉。


 


好,去相!


 


PK3 on my lip:





呢個係有flash 加上搽左兩三層0既效果,真係好粉,可能有sis會覺得唔鍾意,但正合咁鍾意裸唇0既我。


 



呢個搽左一層,日光下,正常同自然好多喇。


 


 


RD1 on my lip:





呢個我初時以為會好紅,加上唇色偏淺都會有d驚,但搽上嘴又ok wor,似返唇色。



呢張可以睇到呢款唇膏其實都幾水潤,幾有光澤,同埋個色都較剔透,加上呢個色有d閃粉,好靚。


 


因為我都有少少覺得PK1 偏粉左,而RD1又有少少紅左,所以我試試mix 埋佢地黎用:


 


PK1 mixed RD1 on my lip:




嘩,中啦!呢隻就係我好想有0既唇色,好自然好清,但又夠紅潤好健康咁,I like it!


 



總括黎講呢款唇膏其實幾合我心,夠潤到可以唔用潤唇膏都上到,色澤光亮通透,做到水嫩0既效果,不過持久度就一般,同埋有閃粉果d都幾難卸囉,同埋因為佢偏透同淺,唔好期望佢會好顯色同cover到唇色,遮唇紋方面我覺得一般,都遮到少少。


其實呢篇文我真係花左超多時間,前後幾日先搞得掂,同埋影唇真係超勁難囉,搞左我勁耐,幾乎發癲,但好彩出黎都ok。我影完即時問老公,係咪好垂涎欲滴呢?佢笑但唔答我囉!跟住佢做d咩?大家話呢?哈!


妝之初體驗

印象中,我係無試過做人練妝model(我咁醜唔會有人搵我做啦),其實都幾得意,因為平時一定唔會搞咁多野呢!有人化自己就無所謂啦!哈!

 

 

Chloe 真人靚過上鏡呀,身形又靚,我呢d 肥師奶真係自慚形穢囉!

 

不過今日佢應該幾頭痕,事關我呢輪身心都狀態好差,加上m完無耐,d 瘡多到無朋友囉!自己見到都覺得驚,希望無嚇親Chloe啦!

 

 

廢話少講,去相啦!

 


 

呢張色差勁大,但唔知點解我好like 呢個feel ,哈哈!

 


 

較好WB 加埋Flash 正常好多喇,但有a little bit 白左呢!不過我咁多瘡瘡都可以隱哂形,勁呀!

 


 


又黐左假毛,今次自然d架,不過唔記得問係咩黎囉,哈!

 

Thanks Chloe,好高興認識你呢,又返工又學化妝真係唔易,加油!

 

2009年10月4日 星期日

我找到了,令我一試愛上的SHISEIDO Maquillage Moisture Cream Foundation UV


好開心今次可以試用呢個SHISEIDO MAQuillAGE 最新粉底,從未試過呢個brand 0既粉底,所以好期待,今次好多謝The Ztyle 同SHISEIDO呢!



一向唔多用液狀or cream狀粉底,因為感覺好lup好厚,同埋會好焗同易溶妝咁,雖然近年試多左唔同野都有d改觀,但仲未遇到一隻粉底可以完全合我我心意。


估唔到,今次真係遇到我覺得我會回購0既cream狀粉底,就係Maquillage Moisture Cream Foundation UV,佢今次0既賣點係可以8小時持久保濕同滑,但對我黎講,粉底只係保濕同滑係唔夠架!



咁點先夠?


我比較貪心,除左保濕同滑,我首要夠透薄自然,但要有一定coverage ,跟住要令膚色均勻同明亮,然後仲要控油唔錯,最後當然係要持久啦!差d唔記得講,唔lup係必要條件黎呢!



我咁多要求,估唔到呢隻Moisture Cream Foundation UV都滿足到我,仲令我未用完已經諗定回購囉!



個包裝都幾靚幾華麗呢!


 


 


 




打開入面除左粉底,仲有個匙仔,每一下就係半臉份量,咁就唔駛用手咁核突同唔衛生啦!


 



其實開蓋之後係有個膜,感覺乾淨衛生呢!


 


 





我試呢個係OC10,打開見到好水好滑咁呢!


 


撕開個膜之後見到個膜有唔少粉底黐住,我呢d 慳家人梗係刮返落樽,淨返果d試埋上手,呢日個妝都係用埋d殘餘架!


 


 


試左上手之後,我發現左d問題......


 



呢幅上手圖唔知大家見唔到有咩問題呢?或者大家先估邊一邊係before,邊一邊係after先啦!


 


 


 





答案係左邊係before,右邊係after,的確,右邊係睇落好滑,青筋都隱哂形,但...個色黃左又深左囉!



我拎之前有去counter 試架,OC00 同10都有,本來想揀00,因為覺得10有d深左,但BA話推左上臉的話00會較白,10就會自然d,我一向都鍾意自然,所以聽佢講揀左OC10,點知一上面對比仲大,即時覺得個色係好黃同深成截囉!不過算啦,我係臉白但身同手都較黑0既,深左少少都仲夾到,但再買我一定會揀返淺色架!


 


 


好,唔講廢話啦!入正題!


 


 


其實自拎左粉底開始,我每日都係用佢,感覺良好,基本上佢0向冷氣地方咁乾0既環境下絕對做到8小時保濕,但對我黎講咁係未夠架嘛,始終無試過長時間係街會係咩效果,我唔可以未試真就係咁出文架嘛!



終於等到假期,呢日我勁忙,除左要會出入冷氣地方仲會熱、曬同焗,呢隻粉0向咁情況下仲頂唔頂得住呢?


 


我本身係混合性偏油帶敏感0既皮膚,T字位好易出油,但面頰同鼻翼位有時會乾,為左認真測試0下佢,我連控油base同碎粉都無用,單用佢去出足成日街,大家可以睇0下試用效果係點啦!


 



Cream foundation 黎講,上臉之後第一下覺得佢無我感覺上咁好推,但第二下就已經好smooth,又真係唔乾,同埋都好貼,而且望落好似好滑呢!但可能我好少用cream,同埋呢隻講明for 秋冬,都有一下覺得會潤左d,但推好哂過幾分鐘就會無左呢個感覺,唔上碎粉都唔會lup呢!


遮瑕度黎講,好薄咁用手推開左一層粉,大部分紅印痘印都遮左7、8成,泛紅情況亦修飾左好多,以佢咁薄黎講個coverage 我覺得滿意,呢排勁攰同大壓力,訓得好差,所以眼圈分別最明顯,大家睇落d 就會知有幾大差距。



不過可能OC10呢個色號對我黎講真係偏黃左同深左,上粉之後個臉色深沉左同唔夠白淨,好左呢個cream 無暗啞0既情況,襯返頸同身都仲算自然。


 



呢張係上妝大約5、6個鐘後,去完補習,食完lunch,仲經過烈日當空曬住同勁焗環境下睇左兩個幾鐘樓,都無曬到出乾紋,仲估唔到無落碎粉都無點出油,係鼻位有d令令地,同埋個妝開始dd甩色,可以見到d瘡同紅印有d現形,見到有d毛孔,但整睇仲唔錯幾滑淨。



再夜d喇,個妝己經化左8個鐘。睇完一輪樓之後又過埋cwb,咁熱之下等完一輪小巴,見到瘡出哂黎啦,下巴d印都出返黎喇,眼圈直頭同無遮無乜分別,但都咁長時間,又出過汗又出左d油,印過臉又無補妝下,keep到咁都算唔錯啦!


 


 


總括黎講,佢真係做到長時間保濕同埋keep到幼滑感,而佢其他各方面表現都算幾好,都幾夾到我0既膚質。唯一0既問題係佢呢個系列都偏黃,下次我會用最淺0既色,希望可以做到更透亮0既效果啦!



我其實依家苦惱緊,好唔好買埋00返黎溝黎用好呢?


2009年9月29日 星期二

你當我是浮誇吧~!



唔知大家仲記唔記我之前買左盒9蚊假毛呢?仲係為盒而買0既呢?


唔記得唔緊要,補返張相remind 0下大家先!



 


 


 


果陣有sis留言話想睇效果,雷會當日高手雲集,又咁多愛靚0既blogger ,我當然把握機會帶埋出去玩啦!終於,熱心助人0既技安小姐出手助我呢個手殘人,徒手一下就搞掂左我(對假毛)喇!勁!


close eyes 0既效果:





大家可以睇到,黐得好乾脆俐落架!呢d 咪就係pro囉!真係要多d 跟佢同小砂呢d pro 人學0下野先得!


 


 


半開眼0既效果:





呢對都算係比較誇張同濃密0既假毛,但又咁講,如果唔誇,我搽mascara 咪得囉,駛乜搞咁多野?咁一係唔搞,一搞就梗係整誇d啦!

當然,太誇0既款我仲未接受到,你睇呢張半開眼,其實呢對又ok 自然wor!

 

 

 

 

好啦,到開眼效果:





嘩,唔係講笑,only 睇對眼,用左假毛真係成個醒哂啦!眼珠入面仲有閃光架!


 


 


 


 


最後整多張側影畀大家,真假毛融埋一齊呢!





其實我幾鍾意呢張,好難側影到效果咁,我次次都影到好樣衰咁架!


 


 



分享到呢度,原來9蚊睫毛效果都唔錯喎!


這個小工具發生錯誤