搜尋此網誌

2007年5月28日 星期一

買錯胸圍帶錯bra

早前已聽過友人說在戴了心心內衣專門店的內衣後,其寒背及身形也得到了改善。

近期常常覺得頸痛腰背痛,卻查不出原由,於是試試由內衣處著手,看看能否得到改善,加上一向討厭腋下那塊「鬼崇肉」,於是便決定試試。

心心內衣店內實在是無什麼款色可言,而且全是粗帶的,對於一向好漂亮內衣的我,坦白說有點想走,但既然去到,不妨試試再說,不試還好,試了就十分驚訝,穿戴後的效果,的確比我平常穿的內衣好很多,而且那塊「鬼崇肉」也包得很好,完全不會擠出來,而且也十分舒服,不覺得很緊很迫,於是,即時買了回家。

最令我驚訝的是,size 竟差了兩吋,cup 數也差了兩級。難道之前真的買錯胸圍帶錯bra?

 


《珠光寶戲》

昨天看了《珠光寶戲Priceless》,頗喜歡這齣電影,是近期所看的電影中感覺較輕鬆又有意思的電影。
從《天麗愛美麗》開始,就已經喜歡柯德莉塔圖,喜歡她表情多多又趣怪的臉容。未看前看到電影海報上打扮得珠光寶氣、艷麗非常的她,已覺得很有新鮮,這次她飾演一心釣金龜想嫁有錢人的Irene,演得非常生動有趣,但想不到煙視媚行也難得不她,不過,她於這齣電影內好像不如《美麗緣未了》般美麗了,還好是氣質依然。
女主角的風趣幽默與男主角的老實形成對比,錯認待應為有錢少爺而結成冤家情緣這個橋段也實在有趣。男主角戀上糊塗的女主角,到後來被女主角弄得傾家蕩產更連房租也付不起,再機緣下得到富婆接擠而變成「被人包」,有笑位也有感動位。兩位主角的演出亦恰到好處,好笑得來又不覺得浮誇,值得一提的是演富婆的女配角的演出也令電影生色不少。
當中最好笑是男主角窮待應扮作有錢人及女主角每次也是臨到埋門一腳才被揭破弄得一無所有,還有她教男主角怎樣可以在「被人包」時取得好處,相信這幾個部份不少鏡頭讓觀眾忍不住有戲院內笑出聲來吧。
結局當然是圓滿收場,男主角為了女主角不惜放棄「被包」,女主角滿心想鈴回舊金龜,看見男主角為了幫她勾引她對手時卻又感到不捨,方發現自己真正愛上男主角,更發現珠玉在前也不及搶回男主角重要,最後兩人選擇放棄一切雙雙遠走高飛。
電影到此結束,再看電影英文名priceless,即無價,原來一語道破就是:「易求無價寶,難得有情郎」。
只是很想問,他們後來會不會雙雙餓死或忍不住重走舊路呢?不過算了,電影總是在最完美的一刻結束吧!

2007年5月27日 星期日

就是喜歡你的真

雖然26號先補祝返6號0既生日係遲0左d,但Helen 0既生日點都係要慶祝0下架嘛!上星期六落狗屎咁迫住cancel,都知道Helen 好唔開心,今次大家瞞住佢,換個場地再黎,俾個surprise 佢,最重要係佢開心啦!

仲記得n年前0既紀念冊事件,今次Helen 好叻無喊喇,佢話因為我喎,唔想再0向我面前喊喎,傻瓜,感動到喊又有乜所謂呢!但當然,我希望你永遠都好似呢晚咁開開心心,仲有健健康康,越來越靚,遇到個你愛佢佢更愛你0既超級好男人!!!我真係好想好想見到你幸福0架!!!

今晚活動係咩其實都唔係重點,最重要係我地TC Club 眾人又可以聚首,玩0下笑0下分享0下。咁多年喇,大家都成長0左,再唔係乜都笑得一餐0既靚妹,大家都開始有各自己煩惱,要面對唔同0既選擇,大家可以共聚0既時間亦越來越少,難得係大家都願意出心出力去維繫呢份友情。

我選擇0既路同大家所揀0既,似乎真係好唔同,但無辦法,我無得揀,我唔奢望你地會明白,始終有d 0野係一言難盡,更何況我從來唔係鍾意訴心事0既人。而且,對住你地,我想每一分每一秒都係過得開心高興的。睇住你地每個都為事業前途努力,而且開始有所成績,我雖然遙遙落後,但仍然為你地覺得高興,你地要繼續加油呀!!

一直以來,對於Helen 同阿Cat,都係比較偏心,唔係唔愛其他TC 友,只係佢地都有特別原因令我覺得要愛佢地多d。先唔講阿Cat,講返Helen,佢其實真係一個好得人鍾意0既人,至少對我0黎講係囉。我地平時睇佢,好似係crazy好癲咁,其實佢只係大情大性;佢對人0既熱情亦唔係表面,佢係真係一個好重感情、好有情有義0既人;睇佢好似粗粗魯魯、聲大大咁,硬係好似d 大家姐好豪氣咁,其實佢真係,我覺得佢真係可以做到義字行頭果種feel 0架;但其實佢又係一個好感性好易滿足0既人,好容易就感動,好容易就為人地對佢做0既0野而開心而感激;而且佢雖然好似好傻氣,成日俾人笑俾人蝦都無乜0野仲好開心咁,其實只係佢個人無所謂,但如果click 到佢0既底線,佢實同你據理力爭,因為佢都係一個好有原則好有主見0既人;仲有就係,其實佢都幾溫柔幾細心的,睇對咩人咁解0者。

Helen 其實帶俾佢身邊0既人好多歡樂好多溫暖,佢唔同Carman,Gigi,Amanda,佢地係d 比較含蓄0既人,但Helen 就係好直接表達自己感受0既人,雖然人大0左點都會有d 改變,唔會再好似讀書果陣咁喜惡形於色,但佢0既真,我諗係呢世都唔會改變0架,呢個其實亦係佢其中一個吸引人0既地方。

朋友,我知道人大0左要面對0既0野多0左好多,總會有難過唔開心0既,但請你記住保持你果份真誠果份開朗,因為滿臉笑容0既你係最吸引0架!

做到佢朋友,真係好幸福,我諗邊個做著佢男朋友,就真係執到寶啦,佢肯定會照顧周到呢!

Helen,I always love you!!All TC member,l always love you too!!TC Club forever!!Yeah!!


聚會尾聲當然唔少得大合照啦!


我地都好多好0野食呢~~


好多人都話我同Helen 似樣,所以我地每次gathering 都一定會擺好pose影張twins 相,唔知點解呢張可以影到我全身最無肉0既腳咁肥呢,哈哈~~


2007年5月24日 星期四

唉,又不爭氣的哭了

 我想我真的是個頗感性的人,這種感性,今天又再一次充份表現了出來。
其實本來想看的是《心中有鬼》,奈何不過上映了一星期多,就很多戲院都已經落畫了,看來又要等看影碟了。
於是,看了另一齣感興趣的電影,就是《醜女大翻身》,說真的,很不喜歡這個譯名,看完電影後更覺不知所謂。
原以為可以輕輕鬆鬆、嘻嘻哈哈的看完這齣電影,但或許我真的感性過度,看到近尾段時,竟忍不住哭了起來,還要哭了兩次這麼多。由於不想哭出聲音,所以強忍著,導致看完電影出來後,氣管抽搐了好久才平伏過來。看,怎會有人像我這麼笨,看電影看成這個樣子?!
其實女主角真的很大勇氣,要經歷如此大工程改頭換面變成另一個人,要棄掉舊有身份要六親不認,不是件容易。就因為愛一個人,有人會問值得嗎?愛情,從來就不理值得不值得。愛一個人不能坦言相告,可以想像到有多痛苦,尤其像女主角這樣千言萬語難開口的境況,就更苦。
本來是想有新的自己過新的生活,機緣巧合能夢想成真,得到成為真正歌手的機會,得到男主角對自己的關愛,卻料不到慢慢竟失去自己失去友情,最親的人不能見不能忍,不能對最愛的人說真相,誰能夠明白她。一心以為整容後有好開始,卻被好友嘲諷為怪物,被敵人不斷施計要揭穿其身份,被愛人得悉真相後萬分嫌棄,一切一切,都只有她獨力承受,好難過。我想,愛一個人,最怕最怕,就是對方嫌棄自己,一個嫌棄的眼神,一個嫌棄的舉動,比所有說話都更像刀鋒利。做盡一切為了愛人,最後換來滿心刀傷,我想,那一刻,她心死了吧。
受到如此挫敗,而開演唱會踏上台的夢想看來又有所阻礙,若不是那個之前還一刀插入她心的男主角堅持幫助,她還能如原定計劃去完成夢想嗎?男主角明明一直心裡有她,為何要嫌棄她,把她傷得如此深?還是因為見她受傷了,才發現自己多為她心痛,才知道自己一直心繫於她卻又從不肯承認?我想,最後他為了女主角而所做的一切,讓大家都明白他心裡的感情。
舞台明明就在前面,卻過不了自己心裡那關口,不想再背棄過去的自己,不想再掉下最親的爸爸,於是就在萬千觀眾的面前,親自揭穿自己的本來面目,本來,是應該噓聲四起的,但卻奇蹟的,勇氣換來希望,大家都為了她這個舉動還有一句又一句的剖白而感動,圓滿收場。
就連我這個觀眾,都禁不住愛上電影裡的女主角,外貌可以大改造,但真誠的心,卻是千金堆砌也無法打造出來的。

2007年5月19日 星期六

非常幸福的妹仔

本來呢個星期六0既日子係應該勁多活動的,但唔知點解最後變0左咩活動都無-_-"
首先,之前係約定星期六同wenday去j 小姐屋企度食飯兼食榴槤,但唔知點解個個都好似無0左件事咁,最後當然係不了了之。我就搵0左daddy媽咪去飲茶喇!
飲完茶,諗住返屋企整0野預備出去,事關今晚要去Helen 的BBQ Birthday Party,雖然突然落雨落到癲,但諗住唔係露天應該風雨不改啦,點知MSN 見到佢,佢話cancel ,too bad。不過都好明白佢諗乜0既,就算大家都唔介意落大雨照出去,但佢當然唔想大家咁0既環境都仲要出到小欖咁遠同佢慶祝,唔想大家辛苦,而且落雨又的確係會令人無哂mood 0既。既然係咁,想話再同佢搞,佢都話唔好,佢話佢生日都過0左咁耐(5月6日),今年又咁多奇怪0野,就由佢把啦。傻婆,雖然你咁講,我就覺得食餐飯就點要啦,期待同你食飯呀!
期間Helen 又因為有d 0野好唔開心,我當然樂意洗耳恭聽啦,之後忽發奇想,所以以我只得3歲0既畫功畫0左幅畫俾佢,希望佢開心返啦!不過個衰婆竟然放0左上日記,oh shit,樣衰死喇!
無得出街,我竟然唔係諗搵街去,亦唔係諗上網做自己0野,更唔係覺覺豬休息0下,我第一個念頭,竟然係諗:唔駛出去,咁咪有時間煮飯等老公聽日有得帶囉。跟住仲要即刻去煮果0下勁囉,仲順手洗埋碗,救命!我今朝已經一起就諗,趁老公唔0向屋企要執屋囉!死喇,變0左妹仔呀,點解會咁架?!需知道我係從來都勁憎做呢 d 0野囉,同埋我幾乎洗親碗打掃親就會爛手0架囉!(Coz of my 皮膚非常敏感>_<)我點會淪落到變成妹仔格,0下0下都諗住做0野0架,救命呀!
不過當然,我只係我老公御用的,其他人唔駛旨意!
雖然煮0左飯,但老公提議出街食,因為我想去又一城拎返果套我留0左0既限量版化妝品,所以佢就話就0岩時間,0向果邊等埋一齊食埋0野先返屋企,我當然話好啦!因為又一城有我最愛0既板前嘛!
點知拎返套化妝品,就去板前拎位,竟然二百幾張,wht the fish!!本小姐當然唔會等啦,傻0既咩,早d 食飽飽返屋企攤抖好過,有諗過外賣返去,但點都唔及入去坐定定享受好囉,所以轉戰food court,食我都ok 鍾意0既味千喇。其實都好好味啦,哈哈!
食飯仲有時間逛逛,去0左Log-on 行,見到une nana cool 好多款Bra Bra 都好靚呢,我都係時候要買返d新,點知除0左我最鍾意果個之外,其他全部都無我個size 囉,唉,呢間0野d size 真係,搞到我個成日都有得睇無得買,不過我發現好多呢d 款色多0既內衣舖,都係好多款都無我個size ,好灰呀,我好鍾意買靚靚內衣0架嘛!因為咁,我就淨係買到一個喇!
跟住揀0左對好可愛0既Bra 帶,仲有好多得意貼紙就走喇,因為人地收舖喇!
我同0左老公講我變0左妹仔,不過淨係佢0既妹仔,哈哈!其實,我係超幸福的妹仔啦!雖然我老公有時都會激死我、搞到我唔開心,又唔識得我,d脾氣又唔係太好,但我知佢個心係勁錫我啦,呵呵呵!



呢套就係我等0左好耐終於返貨0既Bobbi Brown Classic Pink Collection,呢個Collection 0岩哂鍾意粉紅色又襯到Pink colour 0既我!



呢份就係我買返黎0既0野食,全部都係味千0既小食呢,哈哈~



呢個係老公買0既印尼炒飯,有蝦片好好味的~~



我真係覺得呢個Bra Bra 好靚囉,隨佢附送個pad 都係有lace 架,勁靚!!



呢對Bra 帶非常之kawaii 呢,好鍾意d 小青蛙,有鴨仔款0架,不過老公話呢個靚d~



呢個係我前排買0既Kitty 褲褲,好懷舊feel,又超可愛呢!



榴槤而來的思念

前兩天心情好,買了榴槤回家吃。

每次見到榴槤,都會想起婆婆,還記得婆婆還是活動自如的那個時候,幾乎每年夏天也會吃到美味的榴槤,因為婆婆一定會買來給我們吃。她所選的榴槤,特別好吃。但隨著她身體日漸變差,已經很少過來了,吃榴槤的機會也越來越少。

自她過身後,都記不起有否再吃過榴槤了,原來那已是好幾年前的事。我一直都以為,我是很喜歡吃榴槤的,但自她走後,我對榴槤的感覺,就彷彿只餘下對婆婆的思念。

打開榴槤,本來滿心期待的,但一口咬下後,失望了,很失望,原來不是婆婆買的,真是沒那麼好吃的。我想,我永遠再也吃不到像那時候那些很美味的榴槤了,因為婆婆永遠也不能再買給我吃了。

吃著吃著,想起過去關於你的片段,我,一直把你放在心。

2007年5月16日 星期三

五月十四之三個月

五月十四日,是我們結婚三個月的日子,本來想在那天晚上寫個日記,但竟然累極睡著了,醒來已是五月十六日了,哈哈,現在補回也不算遲吧!
三個月,這樣就三個月,感覺很奇怪,想不到,我已成了別人妻子三個月,不覺得像有這麼久,卻又彷彿不只那麼短日子。我實在不太覺得自己像個已結婚的人,但和他覺總像已是老夫老妻的感覺,哈,越說越亂了呢!
和他算是甜蜜吧,當然偶爾還是會爭吵,不過很快又會沒事了,當然,因為我總是禁不住先讓一步。還好,他過後總會哄回我,讓我覺得讓步也讓得較甘願,只是每次也難勉浪費一些眼淚,還有之後一天一對腫痛不堪的眼睛。我想,很多人以為我是那種不會忍的人吧,但大家都錯了,對於我的愛,我比什麼情況都更能忍。
我總是忍不住就哭了,真不爭氣,哭了,氣就下了,也不想再吵了,一邊哭一邊讓情緒平伏過來,再告訴他自己的感覺,又再忍不住哭,然後他又摟又抱的哄我,彷彿每次都是如此收場。其實想起來也夠好笑,我哪來那麼多眼淚?哪來那麼多個心可以傷?
他會知道我有多麼的愛他,正如他有多麼的愛我。只是,他被過去那段關係影響太深了吧。正如我也受過去所影響,所以不能怪他太多,總有一天會變好的。
不知道大家知不知道簽紙後三個月內,、元要有理由地提出要取消婚約,是不當作離婚論的,你的資料中也不會再有任何註冊紀錄,在法律上,你就回復未婚人士的身份了。在這三個月內,我常對老公戲言:「若他你後悔的話,要取消婚約還未算遲,弄好手續又是一條好漢」、「現在還未定啊,我還有權取消婚約的,待我好點才對呢」,直到十四日那天,我對他說:「我們結婚已經三個月了。」他回我一句:「現在不能後悔了啦!沒可能反悔了吧!」這個傻瓜,我根本就沒想過要反悔啦!
我笑言要他送禮物給我作慶祝,他竟和來真的,帶我出去買禮物,後來我還是不捨得買,其實也沒想過真的要買,沒必要破費嘛!說真的,真想不到有什麼很想很想要的,也許我真正想要的,是你一輩子也陪在我身邊,愛護我支持我吧!只要你健健康康、快快樂樂、疼我對我好的話,其他也不再重要了。

2007年5月14日 星期一

肥左,咁又點呢?!

母親節,都無乜特別,請左媽咪飲茶同買左d 護膚品俾佢咁囉!

夜晚大表姐個女滿月擺酒,第一次見bb女,sleeping,但都見到幾得意!祝快高長大、健健康康!

俾人話肥左,講真,就篇我瘦左好肥左好,佢地都咁講架啦,成日都話我,其實我勁憎囉!!!雖然今次係肥左,但關你鬼事咩?!我肥好瘦好,又唔影響你0既,唔好成日啄住我囉唔該!!

的確,無做果份工之後係肥左,但身體好返好多,我身體差又唔知,淨係識得笑我肥,你估我好想肥架?!有時候,肥唔肥根本唔係咁易就可以判斷囉,我天生骨架就比人大,手長腳長骨又重,雖然唔係高,但骨粗膊橫想輕極都有限啦,再加上我身體唔好,長期要睇醫生食藥又唔可以亂做運動,嚴重水腫肉泡瘦唔到都好正常0者!我唔覺得我身形好有問題囉,只不係有d 上重下輕咁解之嘛!同埋講真果句,我天生臉圓,睇落實肥d 架喎,你問我著衫著咩碼,其實都係普通正常size 囉,膊橫加上上圍有返咁上下,著細碼係難d 囉,但又未至於要到大碼加大碼囉,當然如果個款本身細件d 貼身d 就唔同啦!至於下身,最多肉都係pat pat 0者,都未算巨果種囉,係盆骨闊d ,24腰點都無可能架啦,但都係著common size 之嘛!

一d 天生細骨架0既人,係永遠唔會明白俾人話肥果種滋味,係好多人眼中,我根本就唔算肥,真係好唔明白點解出親去食飯都要聽d 咁0既說話囉,我係人黎,會有感受架!!

0向香港呢d 瘦身風氣盛行0既社會,真係多d 肉大舊d都死,我都好想可以勁fit 囉,無可能之嘛,唔通真係去纖體咩?!又唔係百五六磅,我覺得俾錢減肥好waste money囉!

講真,我未瘦過咩?我中二果陣仲係好瘦架,係之後發育無小心飲食先肥之嘛,一知道肥左已經超努力咁減到得返九十幾磅,但個體質就差哂啦,跟住仲有次支氣管醫極唔好變埋哮喘,長期睇醫生食藥搞到身形好似吹波咁,又唔做得運動,身形就咁就定左啦!唔係我想架囉!

上次拍拖果陣都開始瘦返,鬼咩,拍得咁辛苦,乜胃口都無啦,加上讀書壓力又大又忙到成日唔記得食飯,果幾年都無肥過,瘦左tim,但就成日病,都不知幾辛苦。同老公一齊之後叫食返多d 野,但可能都係辛苦,都無乜點肥,不過身體好返d 咁囉!到後期返工,可能真係太辛苦,又開始瘦返,就算飲食作息正常,都係病到九彩咁,真係未試過病到咁辛苦囉!

無做之後慢慢叫做搞返個身體,但就無乜做運動,我有哮喘,好多劇烈運動都唔可以亂做,隻腳又有事唔跑得,所以都無乜機會做運動,唯有係打羽毛球、踩單車同游水好d ,不過就好難搵人陪,如果我自己去老公都唔放心啦!始終我有太多突然暈低0既紀錄,同埋經常性突然腳軟腳痛郁唔到,佢唔會放心我自己去做運動囉!所以都係要等佢得閒先出到去做運動,但佢都好少得閒囉!

不過我同佢都開始book 場打0下波咁啦,希望可以唔再水腫之餘身體又健康d啦!

 


2007年5月9日 星期三

五月五日的拉闊孫燕姿

五月五日那天行程非常豐富,一朝早去了看《蜘蛛俠3》,內容不詳談了,只覺得有點失望,有些情節實在是太突核太不合理太欠鋪排,但如果看動作、效果的話,還是不錯的。但杜比在街上亂跳舞那部份真的很好笑,他那副邪惡樣也實在太funny了。
之後去了我最愛的板前,又吃那個看不到飯的珍寶帆立貝壽司,救命,一放入口就塞滿了整個口腔,哈哈!逛了一會,吃了美味的Godiva 的雪糕,就回家休息了。
小睡一會,就梳洗往翔天廊出發,因為想到細i 之前介紹的那間餐廳吃那個仙人掌麵呢。
很容易就找到了那間餐廳,叫Czen呢,叫了兩個餐和一個小食,真的很不錯呢!下次想試試迷迭香麵和辣椒麵呢!雖然它位於機場,但以它的價錢和質素,我覺得間中特地乘車來吃也是可以接受的呢!
吃完之後還有些時間,所以便逛逛,逛了一間賣化妝護膚品香水的店舖,看到那個Dior 限量版骰子唇彩,老公二話不說就買來送我了,雖然我很喜歡,但真有點肉赤,不過這次這個金色的比之前那個銀色的更漂亮呢!後來還買了最新的Anna Sui 香水,這次比Dolly Girl 更香更合我心意,而且在這裡買比counter 便宜點呢!哈哈!看來我的寵兒Maybe  Baby 要失寵了!
買完就去乘機場線出發到亞洲博覽館看拉闊孫燕姿了!已不記得第幾次看拉闊,但卻是首次到亞洲博覽館看,之前已去過那裡看show,實在不太喜歡那個場,不過這次是看孫燕姿,沒辦法吧!
遲了很多才開show,先是一隊組合嘉賓出來唱了三首歌,還好吧,之後燕姿才出場,早前從報導中已知她抱恙在身,還要演唱實在辛苦了她,看著她咳到這個樣子還聲嘶力歇地唱,真佩服她的專業。這次嘉賓還有我最愛的基仔,不過只了一首【愛得太遲】,還好他不是唱【愛變了世界襯衣】,他演出的那部份也很好笑呢。另外還有側田,不過對他興趣不大呢。沒試過拉闊show這麼快完結,但以燕姿這晚狀態,實在已經無話可說,而且她已安歌了兩次呢,後來知道她原本只預了一次安歌,更覺得感動。
其實很希望她唱【我不難過】和【同類】,最後沒有,不過她唱了【我懷念的】,都夠了,這是她新專輯裡我最喜愛的一首歌,聽著她唱,我感動很想哭,很想哭。
我懷念的
曲:李偲菘 
詞:姚若龍 
編:Martin Tang
我問為什麼 那女孩傳簡訊給我 而你為什麼 不解釋 低著頭沉默
我該相信你很愛我 不願意敷衍我 還是明白你已不想挽回什麼

*想問為什麼 我不再是你的快樂 可是為什麼 卻苦笑說我都懂了
 自尊常常將人拖著 把愛都走曲折 假裝瞭解是怕 真相太赤裸裸
 狼狽比失去難受

#我懷念的是無話不說 我懷念的是一起做夢
 我懷念的是爭吵以後 還是想要愛你的衝動
 我記得那年生日 也記得那一首歌
 記得那片星空 最緊的右手 最暖的胸口
 (誰記得) 誰忘了

Repeat *,#

我懷念的是無言感動 我懷念的是絕對熾熱
我懷念的是你很激動 求我原諒抱得我都痛
我記得你在背後 我記得我顫抖著
記得感覺洶湧 最美的煙火 最長的相擁

誰愛的太自由 誰過頭太遠了 誰要走我的心 誰忘了那就是承諾
誰自顧自地走 誰忘了跟著我 誰讓愛變沉重 誰忘了要給你溫柔

(我懷念的) 我還有想要愛你的衝動
我記得那年生日 也記得那一首歌
記得那片星空 最緊的右手 最暖的胸口
我放手 我讓座 假灑脫 誰懂我多麼不捨得
太愛了 所以我 沒有哭 沒有說





這是老公的泰式海鮮炒飯,不錯啊!伴碟的炸薯條更是美味得讓人停不了口呢!



這是我的芝士海鮮炒仙人掌麵,味道和質感也很好,芝士味非常濃郁,不過實在吃不出仙人掌麵和普通麵的差別,可能是被芝士味蓋過吧!還有,我怎看也不覺得像炒的。




這個不記得叫什麼網春卷,但很好吃的呢,外面香脆,內裡的餡料亦很美味呢!




店裡的環境也很不錯,夠寧靜舒適,而且桌子間的距離很寬,最適合靜靜地享受美食。



已不知第幾次去拉闊音樂會了,每次也會影這個留念呢!

2007年5月3日 星期四

夾在火車與地鐵之間?

尋日突然間想打0下波,於是就去體育館睇睇星期五有無場啦,點知d時間唔0岩,反而星期四(即今日)有0岩時間,於是就book 0左今日喇!仲一book就book 0左兩個鐘tim!
於是今朝一早同老公0向吉野家食完早餐,我地就出發去打羽毛球喇,已經好耐無同老公打喇,我諗有成8、9年喇!上次打果陣,老公仲係好young好fit,但依家 . . . 哈哈!
行去體育館果陣,老公講起一單新聞,佢話有個人搭地鐵,跌左落去cake住0左。於是我就問點cake法啦,佢就答我:「佢夾0左0向火車同地鐵之間呀!」0下?!火車同地鐵之間?係咪即係九龍塘呀?哈哈哈哈!笑死我喇!
佢係想講地鐵同月台之間囉!
司徒迪比,估唔到有人好笑過我地兩個呢!


嘩!兩個人打兩個鐘,真係唔係講玩,初初打真係打唔夠廿分鐘就覺得,到慢慢打到越來越精神,稍再休息再打之後打得勁認真,明明到死都唔會唔肯郁;終於兩個鐘後 . . . 咪死0左囉!右邊手真係好累呀,個人都有d軟軟地,識得我都知我身子極弱,咁樣打法都無喘到嘔都算偷笑,其實初初都有少少,後尾適應0左就ok啦!
成身汗即刻走返去洗白白,洗完真係好想去覺豬囉,但要返工無計,最後就落去食0野返工喇!
今日返工都有d不再狀態,可能勁疲累0既關係,都有錯漏,下次要再細心d先得,唔可以俾覺得我無心嘛!今日俾個靚仔激到我死,我已經忍0左佢好耐,話0左好多次,教極都係咁,一邊話佢自己差d忍唔住想喊囉
,點知最後我未喊,佢就忍唔住流0左一滴眼淚。講真,我好唔想要鬧人囉,係佢自己教而不善,呢半個月我花好多心機教佢同一樣0野,但佢可以到依家都好似完全無聽過咁,佢唔係唔識囉,係根本唔用心,你話我係咪好傷心失望呀?!最大問題係佢明知自己0既問題,又唔好好去改,又想要人關愛注意多d,又想人地讚賞佢鼓勵佢,但自己又唔肯付出多d。我有鼓勵佢讚佢幫佢架,但最後令自己更加失望囉!


有d唔開心又有d煩惱又有d擔憂,希望樣樣順利啦!我會努力做到最好!

今晚老公要返工,我整0左芝士撈(出前一)丁俾自己食,賣相一般,但好好味呢!下次再試試其他煮丁法先得,哈哈!


2007年5月1日 星期二

非常充實的勞動節

今日係51勞動節,唔駛返工真係開心呀!雖然老公夜晚要返工,但都陪左我呢,感動!
因為唔想咁晏返屋企,所以去睇早場,本來想睇《Spiderman 3》,但訂飛果陣已經全港戲院都full哂咁滯, 而有早場又唔駛坐得前0既戲亦無乜得揀,於是就揀0左奧海城0既《搞乜鬼大製作》,諗住笑笑輕鬆0下嘛!齣戲內容無謂提啦,都係抄返其他戲,不過都ok好笑0既,係唔鍾意佢係又rap唔係又rap,又勁多性感女士囉!
齣戲勁短,睇完仲好早,諗住行0下搵0下食乜好,經過冒險樂園,我同老公就咁就俾佢吸引0左,見到d公仔好靚呀,又有Kitty同Pooh Pooh,當然要老公出手夾返黎俾我啦!最後好成功咁夾0左兩隻公仔呢!開心到我呀!我地第一次係冒險樂園夾到咋!果度d夾真係超無力架,擺位又搵笨喎,好多間都好難夾呢!夾到公仔就玩0下d無聊game,打0下鱷魚呀、射0下牙咁,其實都好好玩架!
跟住就去0左Sanrio,買0左d Kitty 0野呀又,呵呵呵!都係d濕碎0野,唔太貴啦!去埋隔離間玩具舖,見到之前想買個Kitty玩具減價平好多呀,當然忍唔住買0左啦,哈哈!
玩完買完一輪我地終於去0左別府食0野,不過果度d service好唔掂,搞到老公有d 不滿,下次都係去返荃灣果間!
食完又去0左間之前未開0既零食店買零食,仲買0左Kitty珍寶珠呢!
玩飽就返去喇,我就去補習,老公就返屋企覺覺豬喇!老公超抵錫的呢!


補完習,就幫老公買埋佢平時會買0既雜誌,買0左齋,跟住就返屋企煮飯飯喇!本來老公係叫我叫醒佢出去食0既,但我想佢覺耐d嘛,又可以慳錢,所以決定煮囉!我煎0左菜甫蛋呀,好味道,整返熱其他0野就可以開飯喇!間唔時0向屋企食其實都幾好呢!
老公食飽飽唔願返工呢,其實都明白佢依家份工真係無0野值得佢留戀,但你同我都未搵到理想工作前,都唯有辛苦你啦,老公!


老公走0左之後,我就洗埋衫晾埋衫tim喇!d衫好似永遠都洗唔切咁,勁多衫仲未洗,我諗我係時候要諗諗點樣可以晾多d衫喇!洗完無位晾真係唔知點搞啦!
今日真係過得非常充實呢!聽日又要返工喇!



呢隻Kitty 超可愛呀,不過都幾難夾,冒險樂園d 夾都無力0既,最後都係逗佢pat pat 等佢跌入去咋!



睇0下仲有幾多Kitty,如果全部都係我就好喇!



呢隻Pooh Pooh 個PatPat 勁大,好難逗呀!不過最後老公都好快就夾到俾我喇!



後面又係勁多Pooh Pooh ,隻隻都好想要呀!


4 月21日號果晚同Debby、旦旦食完飯都差唔多十點,我仲可以極速掃咁多0野囉!好誇張呀!Btw,果兩本書真係超好睇呀!!



然後22號我同老公行街街,又再出動,買呀買呀,超開心!Godiva 呢幾款新0既朱古力,好好味呢!Origins 果個面膜,係之前果晚聽Debby介紹完特登去買架,真係幾好用呢!書我就未得閒睇喇!

這個小工具發生錯誤