Spaghetti 360°

知道意粉屋開左間副店，所以去試試。

呢間Spaghetti 360°都好似幾多野食呢！

佢主餐牌叫野加20蚊就可以有酥皮湯同飲品，當然加啦！酥皮幾靚，個磨菇湯好金寶呢！哈！

棒棒雞翼，話spicy 但一d都唔spicy 囉！奶奶話咁少唔知有無兩三隻，哈哈！！

炸軟殼蟹，炸得幾靚，不過有d油，個醬好好味呢！！

360° Pizza，呢度d pizza 標榜係好薄，佢真係薄，但仍然好厚份量0既芝士，好味！

明太子帶子意粉，睇落細細碟，但食落每人都分都唔少，佢有埋果個蒜蓉包好脆，個意粉又佢宣傳所言真係吸收哂汁，好入味，帶子都好鮮味呢！！

呢間餐廳質素都幾好，價錢算合理，而且合我口味，加上意粉屋vip 有九折，我會再去架！！！

平食駿壽司

今晚要上日文，老公返完學過左黎接我，兩個都勁肚餓，咪0向附近搵0下野食囉！行0下行0下見到呢間壽司店呢個時段壽司做半價，咪入去試試囉！

 

壽司都ok新鮮都好味呢！係蟹子果兩款麻麻地囉！

手卷無半價，不過做得唔錯，個軟殼蟹幾大舊幾多膏呢！

呢餐食左十三碟壽司同一個手卷，都只係百一蚊，抵呀！有機會再去食過先！

From CitySuper

前排0向Citysuper 買左兩set 禮品裝，一個係eternal 指甲油套裝，一個係Bourjois 化妝品套裝，都幾平呢！

呢個set有買支common 色指甲油，兩支有珠光兩支啞色，仲連埋7張指甲貼，都唔駛200蚊，平時佢一支指甲油都8x蚊啦，呢個set裝勁抵囉！

呢個Bourjois 0既set全部係mini野，有唇膏、眼影粉、唇彩同指甲油，樣樣都細細支好得意呢！！

樂褔大酒樓

今晚同奶奶食飯，本來想0向佢樓下金沙角打邊爐，但唔知點解今晚爆到幾十人等位，個場又好似畀人包左咁，唯有轉地點啦！

奶奶提議樂褔，但我以前食過唔好食，有d猶豫，但行到見佢好似幾抵，就姑且試0下啦！

不過真係幾平，三十蚊左右一個小菜或炒粉麵咁，仲幾多款菜畀你揀，又無限特價菜只可以叫幾多款，抵！初頭諗住佢細細碟，叫左三個菜，一個炒河，黎到勁大碟，嚇親囉！

乳鴿廿蚊一隻，雖然佢整得好好味，但見佢細隻到得層皮就畀人殺左，我同老公都覺得好殘忍，以後唔會再叫囉！！

脆肉瓜炒雜菌同沙爹肥牛粉絲煲都唔錯呢！

乾炒牛河都炒得幾靚，唔算好油！

呢碟酸辣鳳爪大碟到驚，都幾辣，得我一個食到囉！最終梗係食唔哂要打包啦！

除左小菜，仲可以叫點心，我當然唔會放過我最愛0既蝦餃，都ok喎！！

呢餐食到勁飽，捧住個肚走囉！

初嚐小南國

小南國開左已經想試，上星期勁多人最終無去，今日一放工就過去，竟然無人等位tim囉！

呢個菜甫好好味，食到停唔到口！

醉雞都唔錯呢！

呢個煎包入面好多汁好鮮味！

紅油抄手唔掂，個雲吞皮好好味，個餡都唔錯，可惜係個汁唔得囉！

擔擔麵硬左d，同埋個湯唔夠香囉！

嫩雞燴麵，個麵太稔，個湯就幾清幾好味！

桂花唔知咩糕，好好味，不過黐死個碟，好難夾到出黎，哈！

聖誕相@新城市

同奶奶食完午飯，順便影下相啦！！

7樓都有佈置架！

至於新城市中心點果個佈置今年就用左蛋糕形，都ok cute，不過有d公仔好核突。太多人，都無乜心機影！

難得搵到個位有公仔有樹又無人阻，梗係影0下先啦！

見咁大個波波，又同老公玩無聊野！

奶奶見我地玩得咁開心，又整返張，哈！

好勁呀，奶奶識用無得睇芒0既大機幫我地影相，醒！

哎呀，遮住佢隻眼tim！

西田都整得幾靚呢！

今日真勁多人，影住咁多先啦！

金曼谷

今晚老公返學，我又好唔想煮，最終行左去金曼谷食，因為佢十點後有平！！

叫左有平0既粉同串燒，加左個生蝦，我好鍾意食生蝦呀！！！

都ok好味，不過好似果陣食隆姐果度好味d囉！！