夜遊海洋公園（二）

今次除左黎行0下之外，其實係想黎下水禮架！！

呢個就係其中一個環節喇！

不過講真，都真係幾無聊，自己玩0既好少，反而係畀d職員射到濕哂tim，期間有個職員仲整痛我條腰同手，搞到我好唔開心，不過老公呵返就無野喇。

果度仲好多拖鞋呀、毛巾呀、沙灘褲呀賣囉，d拖鞋係最搞笑的。

d彈彈波入面有公仔架，不過要成15蚊個唔值囉！

因為濕到透，所以玩完換左套衫。呢個熊貓頭飾好得意，好似隻熊貓趴左上去咁。

佢地訓哂覺呢！

去完太平洋海岸就去海洋館睇魚魚呢！

呢個魔鬼魚好大呀！

待續（下篇） . . . .

夜遊海洋公園（一）

尋日我同老公去左海洋公園，本來諗住今年無join 全年咭就唔會去架喇，點知竟然又有機會去囉，呢個其實係老公0既員工福利，公司包左場等員工可以較平0既價錢，0向下晝4點半至10點半入去玩。

坦白講，我真係成日去海洋公園，未同老公一齊之前，因為Daddy 公司都係有咁0既包場日，所以都會去到，到我同老公一齊之後，佢說我join 全年會藉，可以任何時候都去，咁梗係去得仲多啦！不過奇怪0既係，去極都唔厭囉！

尋日我地成5點先出發，買左麥當當上車食，去到已經6點。其實都無所謂，都係諗住去行0下囉， 反正真係勁平，仲要人有幫我地畀左錢呢，哈！

門口果度d花好靚呢！

呢頂帽好搞笑呀！

呢個係功夫熊貓木人巷入口果度0既轎。

老公好明顯係傻架，哈！

嘩，好多包呀！

呢隻螳螂好英呀！

唔知點解入面會有幅咁0既畫囉，搞笑。

呢個勁cute呢！

呢個裝甲好靚呀！

隻手先最搞笑。

最後我地同左主角阿寶合照tim，呢張係我部DC的，另外我買左張海洋公園幫我地影的，因為個相框幾得意。

我覺得呢個banner 好可愛呢！

次次都想試坐，但次次都勁多人囉！

坐纜車咁多時間梗係影0下無聊相啦！

個布偶好可愛呀，勁想買囉！

呢頂帽都好爆笑囉！

待續（下篇） . . . . .

Hello Kitty Black Wonder之運吉篇

Hello Kitty Black Wonder 今日係最後一日喇，不過我已經玩過喇，唔駛再玩多次，我只係見上次有d野漏左，所以今日上完現代舞就會合老公，去九展果陣運吉喇，哈哈！

呢個就係我其中一樣漏左0既野，無去Sanrio twon 度變身呀！所以一入去就去返囉！

呢張好正常0既，見唔到XO呀！

佢第二張先曉出現返呢！好搞笑呀！

會場附近都無人呢！

樓上d圍欄原來都有Kitty 架！

我終於去左呢個Hello Kitty Snack Corner 喇！

d 野食全部都有Kitty 樣架！好得意呢！

呢兩款睇落好好味，但我地無叫到呢。

呢個就係佢0既Menu 喇！得4款，每款32 蚊要加一連一杯玫瑰花茶。

呢個係老公果個Mousse，但Kitty 樣無左邊左花花呢！咁都得？

我個Tirimisu就無事，個Kitty 整得好靚呢！！

呢杯就係玫瑰花茶喇，好香好好飲！

講真，d野都唔預佢好食架喇，係貪得意0既0者，佢叫做ok囉，又唔算太貴都算係咁啦！

 

仲有呢個係申請大新咭送架，其實我之前已經申請左，所以叫老公申請，因為我覺得要一個就夠喇嘛！！

好喇！運吉完畢勁滿足，唔捨得都要同Kitty say goodbye 喇！

第一堂現代舞

之前同過Cathy 去學瑜珈，後尾因為開始0左新補習同埋學瑜珈0既地點0向CWB太遠，所以我無再繼續，Cathy 佢自己繼續學。

前排Cathy 話佢想學跳舞，我覺得都OK，可以陪佢一齊大家有個伴，又可以多個時間見面，所以我就話如果就到我時間就報名啦。最終佢想報0既Jazz 全部full 哂，其他跳舞班好多都滿，佢就報0左呢個現代舞班。

初頭我仲驚0向土瓜灣學唔方便，點知原來我屋企樓下有架車有個站0向正中心門口落，對面就有車返屋企，車程不過約半小時，幾方便呢！

今堂係第一堂，我狀態非常之差，因為尋日玩左半日，尋晚仲成四點先訓，所以又攰又眼訓，同埋始終少運動，d筋骨都唔太聽話，做0既動作覺得好攰囉！廿幾歲人就硬到好似阿婆咁，真係唔掂當，要好好做0下運動，鍛煉返d筋骨肌肉先得喇！

講真，未上前以為好輕鬆，just for fun，上完呢堂就覺得唔簡單喇！希望一向唔識分左右同手腳唔協調0既我可以跟得上啦！不過跟唔上都唔緊要，都係enjoy 一下個過程同埋可以同Cathy 見多d 0者！哈哈！

莎莎網上訂購服務

 7月尾時從其他Bloggers的Blog得知原來莎莎有網上訂購服務，我其實想買爽膚水，見有此服務便去瀏覽一下。



終於，爽膚水買不到，但買了很多mask，哈哈，當中有其他bloggers推介過的肌美精面膜和眼膜，還有我十分喜愛的青瓜面膜。



其實已是上月尾買的，不過今天才記得寫回blog，這是小事一則，但心裡很為莎莎有網上訂購服務而高興，我實在是很喜歡網上訂購包送貨的服務。不知道卓悅有沒有呢？

 

預祝細佬生日

細佬聽日生日，12歲大個仔喇！呢排我好多活動，今晚見抽到時間，就預早同佢慶祝，本來佢話想睇Keroro，因為我上年都有同佢睇，但奈何真係抽唔到時間囉！

不過一家人食餐飯就點都要，佢原先話想去酒店食，成家人都幾和味，重點係一定係我畀囉，一家人去近2千架喇喎，之後佢話意粉屋，但好似已經成日去囉，跟住佢話不如食日本菜，我當然唔會托手踭。佢仲想要多套無印筆，ok啦！

點知Daddy話樓下開左間中國會有自助餐，佢想試0下，媽咪細佬都無反對，咁咪去囉，去到先知原來逢五、六、日每位加10蚊，不過無所謂啦，但淨係得中式野，仲少野揀，我問佢地轉場好唔好，佢地又話可以試0下，算，當陪佢地囉！

講真，野食就唔算多，但ok0既，無哂都會轉新野，不過8點幾已經停新野喇，太早喇卦？！

呢d只係我地拎左其中一d野食囉！我地係拎到一檯滿架！

送的，每人一個，都ok好味！

又係送的，又係每人一碟，幾鮮味！

呢個都係送的，一檯一碟。

呢個拎的，整得好靚呀！

總括黎講，間野算係ok0既，因為價錢唔算太貴，但畀我揀，我都係想食返日本野囉！

今日有d唔開心，因為老公話次次都係我畀錢，無論邊個生日、咩節咩節，食就全家人食，畀就我一個畀，父母生日等都算，細佬生日請全家食飯，仲要禮物都我買埋，佢覺得果個係佢地個仔，無理由係咁。其實次次一請就要請成家係好金，但佢地係我屋企人我真係無乜所謂，細佬生日要求多多，我要一個人硬食，做佢阿爸阿媽0既都無表示，我都明老公講乜0既，不過佢地就係奉旨架啦，我已經慣。

講真果句，細佬生日同佢慶祝我好樂意，但佢又要咁又要咁，又唔會為我荷包諗0下，我無辦法做到佢想0既野就發我晦氣，其實心都幾酸，佢今日又要我請食飯，但仲想要有禮物加睇戲，仲話要0向我度住一排，我覺得係過份架，同佢講話我生日果陣佢一d表示都無，點解佢生日可以要咁多野，佢竟然答我：我有送野畀你架，我送左條毛畀你呀嘛，你無好好keep住咩？

我真係好想知咁0既細佬，係邊個教返黎架？成日話佢激到人嘔血，我認同，但真係好想有人諗下點解細佬會咁囉。

希望佢大大下會懂事d，唔好繼續越變越令人討厭，我真係好錫佢好想佢好，明明係醒目仔，點解會變成咁？有時成長環境真係好大影響，如果我無做好心理準備，真係唔會生bb囉，唔想累己累人呀。