搜尋此網誌

2008年10月14日 星期二

第一次做姊妹

尋日係我第一次做姊妹,朝早五點幾六點就要起身,仲早過我返工,夜晚返到去沖埋涼整好哂可以覺覺豬都已經兩點喇。今朝仲要返八點幾,簡直係人都癲呀!!雖然我食完lunch後返去抖左陣先再出動,但對住一向要多睡0既我,真係唔太頂得順!尋晚臨完個頭已經開始痛,今朝全身散左,頸梗膊痛,對腳係重災區tim,仲有個頭脹脹地,仲未回復到,希望呢兩影訓返夠會好。

不過,雖然都真係幾辛苦,但都可算一個開心難忘0既經歷,特別係老公都請埋假陪我,都叫無咁辛苦架喇!


玩新郎0既環節其實唔盡興,因為新郎好多野唔肯玩,之前已經ban 左好多建議,當日成功進行0既都係馬虎了事或者出蠱惑,最搞笑係答錯問題0既罰金利是,事後我地發現竟然係一蚊人民幣,真係激死!佢一入到新娘房仲要投訴我地姊妹蝦佢,笑死人啦!


備茶係我覺得最辛苦0既環節,男家果邊要敬茶0既長輩多到唔識講,果套茶具又勁重,不停企住捧茶、斟茶、換茶,我真係手都震,勁驚倒瀉打爛囉!


平時去飲就非常自在,仲可以同其他人聚聚,當自己有份幫手,其實都真係幾忙架囉!雖然係好值得高興同埋實會好難忘,但換著要我做主角,我實頂唔順,都係最簡單乜都唔搞自己人食返餐先0岩我,有親友見證我註冊結婚已經足夠。但我都有諗,因為果陣無正式擺酒,如果環境許可的話,希望十週年可以同一班好友至親搞返個party慶祝一下就好。


尋晚真係影左超多相,笑到梗左,哈,唔好講笑,可能因為新郎做傳媒,新娘又有朋友愛好攝影,所以九萬幾個相機,搞到個婚宴好似記招呀,勁!因為太多人影相0既關係,我自己果部得幾張咋,希望Winvy d集齊d 相,send 返哂畀我啦!依家至少一定會收得到阿鼎爺同靚女新娘化妝師Rico0既相,希望其他人影過有我0既相都收得到啦!


 


 



 


一朝早0向女家,好明顯兩個都未訓醒,哈!


 



 


 



 


 



 



 



 



 


 



 



 



 



 



 



 


全晚我最鍾意新娘呢個造型,好公主feel呀!!


 


 



 


唯一0既男姊妹,我都係因為佢而識到新娘架!


 



 


全日都無食到d乜,忙中偷閒食左件蛋糕。


 


 



 


化妝師好認真咁幫新娘set 緊頭!


 



 


幫新娘化妝0既化妝師Rico 好靚女仲好nice 架!


 



 


伴郎Ka Chun話我個樣比真實年齡細同唔似結左婚,開心死我!


 



 


一聚姊妹同新娘化妝師影相留念,Rico 話佢要扮姊妹喎!哈!


 



 


尋日個婚禮真係幾順利同成功,完哂大家同新娘好開心影相留念!!


 


 


Winvy Woody永遠幸福快樂!


d 生返個b 畀大家玩0下啦!哈!


 


 


 


7 則留言:

  1. 叫人生自己又唔生,生隻似kitty的 bb,名叫kitty,咪好
    [版主回覆10/16/2008 20:15:00]我仲有時間嘛,佢大過我的,似kitty 0既b 咁搞笑?

    回覆刪除
  2. 場地幾靚喎
    [版主回覆10/16/2008 20:15:00]都ok 靚架~~

    回覆刪除

  3. [版主回覆10/16/2008 22:09:00]你係咩?
     

    回覆刪除
  4. 有ロ的kitty
    [版主回覆10/17/2008 23:44:00]傳統kitty係無口架~

    回覆刪除
  5. sure
    [版主回覆10/17/2008 21:03:00]似kitty會無口架~~

    回覆刪除
  6. 見到人結婚就會想起自己結婚果時的情景,祝天下的夫婦都白頭到老。
    [版主回覆10/17/2008 21:02:00]係呀,見到人地結婚真係會諗起,祝天下有情人可以同偕到老,yeah~~

    回覆刪除
  7. 不傳統,新版.其實iris fung都幾似kitty

    回覆刪除