搜尋此網誌

2007年3月31日 星期六

Wa ta shi wa ka wai i de su ka?

終於上我第一堂日文,雖然以前都叫0向工聯會學過0下,但依家正正式式去學點都唔同0的0既,真係懷住勁期待勁興奮0既心情囉!今次難得有Kim Kim 陪我一齊讀,多個人共同學習應該會好0的0既,我一定會俾心機0架!
估唔到香港咁多學校有得學日文,又咁多班,咁都俾我撞到0的NY 人,唉,唔同我真係受到詛咒,就算離開0左都要繼續被NY 纏繞?!講起NY,真係好笑囉,今日行去搭車去日文學校0既途中,先俾人叫Miss ,不過佢唔係惡意無禮我都覺得ok,後來0向天橋又撞到唔想見0既NY 人,大大聲0向天橋度響我中文全朵,真係勁無禮貌,以前我假假地都係你Miss,你根本唔應該咁叫我,依家我都已經唔做走左,更加無理由大街大巷咁滋擾我囉!對住呢0的無聊幼稚0既人,真係嬲都嫌浪費氣力,再唔去打返去NY投訴都好,我真係無必要受埋呢d氣囉。
算,我有我態度,我做自己想做0既0野,又無影響到人、傷害到人,你地唔識尊重人好明顯係佢地有問題,我係唔會理0架,我唔會因為佢地而改變我0既生活、我0既喜好。好在走得快,果度真係不宜久留,搞到個身體差哂,真係要好好調理,認真搵過份適合自己0既工。依家Kim Kim 都走埋,希望小貓佢自己保重啦!
果件事之後,可能有人以為我唔會再寫Blog、唔會再放相上Blog、唔會再0向日記提老公個名、唔會再自拍或者同人自拍、唔會再講自己0野,哈哈,我先懶得理,我行得正企得正,亦唔覺得寫Blog、放相、自拍有問題,佢地咪一樣咁做,佢地唔識尊重人係佢地無知無聊。
都係講返日文先,今日上堂0的時間好似過得好慢,又勁多0野抄,好耐無試過上堂聽書抄notes 喇,真係諗返起讀書果陣時呢!學0左都幾多0野,下堂公眾假期唔駛返,真係要溫0下書但記得做功課,唔係轉頭實乜都唔記得同無0左件事囉!
下面果句係我今日其中學左0既一句呢,我用黎問0左我老公。我老公點都要答係0架啦,除非佢想死,哈哈!
好想學識打日文呀,睇0下有無書教打先得,我要努力向日文進發呀!!

3 則留言:

  1. あなたわ可愛です Feiyee

    回覆刪除
  2. あなたはかわいいひとてすね
    日本語の勉強しますか ? はい ! わたしも ! わたしたち は 頑強って ください  

    回覆刪除
  3. 學齊五十音就可以用拼音打日文喇。最後成功裝左日語輸入法未?

    回覆刪除

這個小工具發生錯誤