大家今朝都只係食早餐，仲要踩左成日單車，梗係又攰又餓啦，所以大家就決定搵野食喇。
由於我同老公0向大圍租要大圍還，既然返得大圍，都唔爭在返埋屋企沖涼換衫啦。於是我地就變返乾淨豬之後，先搭車過新城市join返大隊喇。
不過到左沙田佢地仲等緊位，所以我同老公就去小shopping 0下先，我地去到Pizza Hut 果陣就差唔多有位喇。
可能大家都肚餓，所以叫左唔少野食，雖然明顯大家都梳洗整埋過黎，但都遮掩唔到疲態，比平時靜左好多，係咁不停食不停食，食到咁上下先識得講0下笑0下。
不過我地雖然個個都好餓，最終係有野食唔哂架囉，哈。
大家玩左成日都好攰喇，影埋大合照就返歸喇。唔知下次又有咩活動呢？總之有得玩大家就預埋我啦，yeah！
沒有留言:
張貼留言