搜尋此網誌

2010年7月7日 星期三

唔開心都要扮靚,化個靚妝去換好一點心情!我變左超級自戀狂!

唔知記唔記得我早排出左個預告呢?就係下面呢張喇!



搞左一大輪,我總算處理好d 相,出到文喇!


 


呢篇,大家要有百分百心理準備,皆因本人呢心理唔太平衡,可能刺激過渡,化完妝竟然自戀左,喪影。真係少d 膽都咪碌落去,嚇死人無命賠架。


 


 


好,先黎我今次用0既化妝品(我次次都漏,今次終於記得):





原來都係唔記得底妝,係Biore 潤色防曬加唔記得咩牌子碎粉,講開個防曬,真係勁唔夾我個碎粉,積哂粉囉!同埋唔知係我白左定佢本身深色,一搽完黑左囉!


 





今次我有黐埋假毛呢,雖然黐得極差,哈。不過呢隻都算易handle ,0向Mickey 度買架。


 


 


好,開眼相—下面大把,先整個close up close eye 先啦!就黎m ,d 皮膚又差返,請見諒。





等我認真打0下個眼妝step先:



Step 1:先用Nars 米色打底


Step 2:用Bourjois 黑色 eyeline pencil 畫上眼線,粗野


Step 3:用Bourjois 黑色 eyeline pencil 畫埋下眼線三份二左右,輕手


Step 4:用Bourjois 深藍 eyeline pencil 畫哂眼蓋位


Step 5:於眼蓋位掃上Bourjois 長形黑底深藍眼影,再慢慢向上向外blend


Step 6:於眼蓋上方掃上Bourjois 圓形帶灰藍色眼影,輕手


Step 7:於上眼頭位置掃少少Bourjois 三色眼影中深紫果格(我自己係睇到有少少幻紫架,相影唔呢,嗚)


Step 8:於下眼線後三分二畫上深藍眼線再輕輕掃開,加眼影定妝


Step 9:於下眼頭掃上珍珠白眼影


Step 10:畫上黑色上下內眼線


Step 11:掃上sky long mascara,包括下睫毛


Step 12:貼上假毛



咁就完成個眼妝。



其實睫毛係貼衰左,但老公打黎催我落街,無繼續搞囉,哈,大家將就0下。



其實仲有掃胭脂,打亮鼻同搽咀,不過無特別,唔詳細講啦。


 


好,開始我0既無敵自戀喪影喇,頂唔住走先!


 


 


1............


 


 


 


 


2............


 


 


 


3............


 


 



 


影左幾張醒起join 團購返黎0既小玩意,又拎出黎玩,戴左更自戀,呵。


 


 



 



 


 





 



個花花真係好靚,超鍾意!


 



呢張做左柔光效果,順眼幾多,不過勁假,拎黎玩好喇!


 


 


 


下面兩張都係玩effect,幾得意呢!





 



咁白之下,眼仔勁突出呢!


 


 


好,自曝其短0既with flash 相己經夠哂,大家應該都嘔到黃膽水都出咁滯,係時候畀返d without flash 自然燈光下無咁嚇人0既相大家睇。


 


 


 



 





其實真係幾鍾意JS 果支聖誕限量set 0既lip gloss ,個色好pure 好靚架!


 




 


可能上次影moody 相影上癮,今次再黎,影左n 張,果然睇唔到我個樣會靚d,哈!










假毛都真係幾長呢!同埋我發現我臉珠有凹位呀!嘩,我呢超大臉人,勁耐無見過呢個奇景,要努力再瘦落去先得。


 



另一個角度影,頭飾有d 穿崩呢!


 


 


其實真係老套講句,開唔開心都要生活,咁我唯有學曉苦中作樂。


 


但化完個妝心情的確輕鬆返d,所以話開心扮靚,唔開心更要扮靚靚,係無錯架!




 


印象中我一向出post 0既相表情都正經,今次就畀d 趣怪d 0既表情你地睇啦!



 





 


今次呢篇,係嘔血誠意之作,搞左我勁耐,花左勁多心機打,亦算係我0既新嘗試,大家要多多支持呀!!


2010年7月5日 星期一

一年一度0既驚喜,你就由我曬啦!



坦白講,真心覺得我老公係無情趣0既人,唔曉氹人不得止,連認0下低威都唔會。佢對我0既態度,就猶如過山車一樣,真係好睇佢果時果刻0既心情架,有時上一秒仲好地地,下一秒就唔同哂架喇。


同埋可能真係識得太耐,又結婚都幾年,佢又係果種好老馮覺得老夫老妻心照啦、同埋勁懶又嫌煩0既男人,所以平時對著佢都幾嘔血架。



不過又咁講,佢對我0既愛,我係從來無懷疑過,亦因為咁,我先會成日讓佢同主動去做好多野囉。



上個月25 號,係我又大一歲0既日子,其實就最係佢應該有所表示0既日子啦,大家話係咪?


好可惜,就係我生日前兩日,我只係好隨意講笑咁問起佢諗住點同我慶祝,會唔會提早同有咩表示先咁,因為佢之前講過25號晚要同上司食飯,就引起左佢0既唔耐煩,仲好惡咁話我,最終梗係鬧交收場啦。但因為奶奶依家同住,都唔方便鬧交同冷戰,所以我地好快又無事囉。但我個心已經唔舒服左。


到24號晚,因為奶奶出街,我地自己出左去食晚飯,都ok 開心架,之後仲行左陣街,揀左兩個袋,同埋下面呢支香水。






Demeter 香味圖書館應該大家都好熟悉,但今次呢個味,真係估佢唔到囉!






竟然係Hello Kitty呢,你地話,我點可以唔擁有佢先得?!






佢其實係蘋果味架,都好代表到Kitty呢!





食左飯、行完街,就返屋企喇,仲諗住佢會唔會有預早prepare 左蛋糕、禮物咁,點知係無囉!果晚佢就咁同我講句生日快樂就訓喇!真係有少少失望!





生日正日,都係工作日,我仲要收夜放7點半囉,一路到下晝都風平浪靜,連電話都無個,唉!








直到差唔多5點,同事接左份咁0既野:




同事請我簽收果0下,我表面好冷靜,但心裡面已經甜到漏同勁感動囉!最令我驚喜係,Kitty 絲帶札住0既,竟然係......






真係無眼花,就係Hello Kitty 花囉!送花果個仲好笑,同我地講:正版黎架!

真係靚到唔識講,d 同事都有同佢影相呢!哈!



放左工之後,拎住花其實勁唔過癮,好重好疲累,仲要畀我搭車果陣遇著個傻0既嚇餐飽,幾辛苦下終於抬到佢返屋企。



呢晚我約左Daddy、媽咪、細佬、Grandma,仲有同埋奶奶食飯,就咁附近中菜館但都食得好開心,如果老公都0向度就好啦。







食食0下媽咪突然間開聲話:又話你唔黎0既?







我擰轉頭先見到我個傻瓜老公拎住個Cova蛋糕企左我後面,果一刻,真係驚喜到無言,原來佢個飯局早就取消左,但佢無同我講囉!







香蕉朱古力蛋糕,佢仲記得我鍾意無cream 0既蛋糕呢!






就係咁,呢餐飯同今年0既生日都完滿左好多。



其實佢肯為我諗同做咁多野,我已經好滿足同開心,但無諗過返到屋企仲有......











我係Anna Sui 香水0既fans ,屋企個櫃都放左好多支佢0既香水,呢兩支我一路都好想買,但因為覺得自己少噴,如果只係用黎擺有d 浪費,所以唔捨得買。佢就放左入心,趁我生日買左返黎,我又多兩支收藏品啦!哈哈!








難得你咁sweet 呀,抵錫! I know you love me so much, I love you too!