搜尋此網誌

2008年7月31日 星期四

Hello Kitty Key Jacket

上期Milk 預告今期會繼續有Kitty@Messenger 0既 Key Jacket,老公今朝一早就幫我買喇!

佢好醒目咁透過個膠袋睇清楚係咪Black Wonder 果款先,屋企附近果d唔係佢無買,返到公司附近一見係就買喇!真係又醒目又抵錫! 

真係太好喇!又有貼紙又有Mouse,仲有埋Key Jacket,好開心呢!




保持水準的金滿庭

0向奧海城睇戲,睇完想醫肚梗係去金滿庭,咁耐無黎,真係好掛住呢度勁大份0既小籠包同紅油抄手囉!



坐低即刻叫壺龍井先!



呢個係小食,d腎整得好好味,連我呢d唔好0既人都覺得好味呢!



呢度0既小籠包有8粒,都係3x蚊咋,抵,今日個汁仲要好鮮甜呢!



呢度紅油抄手又係抵,3x蚊10粒囉,仲要好香好味,唔會辣又唔會勁大醋味,真係甜豉油加蒜粒囉!



呢個燻蛋第一次叫,賣相靚,口感好得意,都幾好味,美中不足係d椒鹽太多喇!!



呢個叫流金歲月,我一黎就諗起羅嘉良同胡杏兒囉,呵,其實佢係流沙飽囉!!



唔好講笑,真係流沙架,簡真係漏出黎囉,好易食到好狼狽架!


 


我最愛0既甜品,杞子蘆薈桂花糕,真係好好味架,23蚊9份,仲有乜可以講呢!


如果多人d去就可以食多d唔同野,下次要召集d fds 先得!!


Wall.E

係呀係呀!小妹今日又去睇戲喇!哈哈!同老公去睇《Wall.E》呀!我好鍾意睇動畫呢!

我覺得呢齣係迪迪尼近期最好睇的動畫,搞笑得黎又感人又有意義,畫面仲好寫實tim,對兩個機械人之間0既感情亦刻畫得好細緻,亦帶畀人一個好震撼0既預警。

雖然當中諷刺人類0既手法黎得好誇張同有d離譜,但實在人類繼續咁大量製造垃圾同污染的話,地球變成咁一d都唔出奇囉!至於人會唔會肥成咁就有d保留囉,人類越來越注重健美身形,同埋依家咁多野可以幫人去瘦身纖體,我諗唔會肥到咁0既地部囉!不過人若然太依賴科技的話,人與人之間真係會變得越來越少接觸、越來越疏離,人0既知識同技能都會變得越來越弱囉!

所以呢,我地要努力保護我地0既家園,亦唔好太過依賴科技喇!



2008年7月30日 星期三

Hello Kitty 主題麥當奴

揀得去九龍灣百老匯,除左果度戲飛平又幾舒服外,當然就係為左去探下Kitty 啦!!

見到間M記滿佈Hello Kitty,簡直就係興奮呀!!影呀影、影呀影!我同老公係咁影,搞到路過阻到我地0既人係覺得自己遮住左我地係唔好意思架囉!哈哈!其實條路咁多人行,有人阻都好難避免0既。




個門口真係好靚呢!




櫥窗都好多有關Black Wonder 0既貼紙呢!




碌柱都變左Kitty 樣喇!




嘩!呢個真係勁靚呀!!!




度門都好靚呢!







真係忍唔住要同佢影相呢!




好想要呢隻公仔呀!!(大家見唔見到我係入面呢?)




呢幾個桶好搞笑!!




檯面都有Kitty 蹤跡呢!!




d 椅都有呀!







仲有Kitty Messenger 呢!超funny 呀!




呢個杯好靚呀!超勁靚呀!!可惜係紙杯啦!




Kitty 又畀人困住?我明明救左佢架喇喎!好淒涼呀!




呢張影到咁係因為個清潔0既員工勁衰,我影相佢"吱"我仲話我"你影完未架你?",但其實我明明無阻佢囉,嚇到我手震影成咁囉!!勁嬲呀!

如果間間M記都係Kitty 都幾好,呵呵!

The Dark Knight

本來唔駛補習,就想晚晚下煮0向屋企兩口子食0下住家飯的,但老公尋晚同我講,話難得我唔駛補習,暑假又咁多好戲上,不如去睇0下戲走動0下喎!



哈哈!老公咁提議到,我當然唔會反對啦!但就咁,我戲照睇,飯照煮,只不過係煮黎帶飯囉!如果日日lunch 都出街食,都幾襟計囉!



今晚我地就去左九龍灣百老匯睇《Batman-The Dark Knight》喇!一路都好想去睇但抽唔出時間,依家終於有得睇喇,勁期待囉!



結果當然係無令我失望啦!真係好精彩,好刺激緊湊,毫無冷場,演員演得出色(特別是Heath Ladger演小丑真的發揮得很好,把整個人物的性格心態也完全表露出來,很可惜是他英年早逝,致敬!),特技效果令電影生色不少,劇情亦不錯,超級期待下一集呀!!(P.S. 陳冠希出場那幾秒感覺很無謂,求其搵個茄都得啦!)



不過睇完戲都好多疑問,心情有點沉重,人性真的很難測,就算表面上更好的人,亦會因為種種不同的原因去出賣別人,為求自保不擇手段;相反被人標誌為壞人的人,也會有善良的時候。值得高興的一段是,兩船上的人雖然都希望可以保命,但到最後一刻仍是狠不下心腸,可見人性之善;而眼看Harvey本是正義之士,最後結果竟變成那樣,心裡很沉重,也很疑惑,一個原是如此正直的人,為何一夜之間成了魔鬼?是真的因為受了重大刺激,還是因為他性本惡?整個變化來很太快,也太兒戲。



小丑的出現,讓每個人的魔鬼也浮出面,人為求自保不惜犧牲其他人,雖然他是個恐怖罪犯,但他的說話正正反映出人的弱點,若非人性存在的那點惡念,他的行動不會成功,就連正義如Harvey也會因失去所愛失去面容而受小丑的引誘,為了復仇走上成魔之路,Batman也會因怕受人唾罵而禁不住想要屈服。人,好似不斷都0向自己正邪兩面之間掙扎,對與錯,善與惡,有時只不過係一念之差。



至於蝙蝠俠,真的很感到他的悲哀,明明是個好人,卻要如過街老鼠,為了保住Harvey的名聲,為了保衛市民對正義的希望,選擇了自己背上所有罪狀,承受著種種不該屬他罪名,被人唾棄。他其實也只是個人,也有弱點,也有做不到的事,他明明想救自己所愛,但事與願違,他以為所愛的也愛他,但事非如此,還好是他不知道真相。管家做得很好,有時候真的不必知道真相,就如Batman為了大局也選擇了掩飾真相吧。



You either die a hero or you live long enough to see yourself become the villain. 可悲!



有雜誌預告下集Harvey將變成壞蛋雙面人挑戰Batman,很期待看看Batman 如何面對這個曾是朋友兼情敵的對手。

2008年7月29日 星期二

蒜芯炒雜丸及其他

除了蒜心炒丸外,其他都是之前煮的,只是沒有時間post 上來,今天一次過post好了。




這個蒜心炒雜丸是用了義美的墨魚丸和香菇貢丸,以及在長洲買的魚蛋和蝦丸,真的很多丸呢!




這是之前做過的白飯魚煎蛋,這次弄得比上次更滑,yeah!




這是蒜蓉豆豉炆煎釀二寶,賣相不好看,但既香口又惹味,最適合伴飯吃。

2008年7月28日 星期一

麻布茶坊

今朝一個sms,我d 錢就係咁飄走喇,我個學生今日返大陸,八月頭先返黎,咁我就無左成十日八日補習錢喇,嗚!最慘係7月d 錢都要等佢返黎先收得到,oh!


咁諗住早d過沙田交埋d文件就去幫奶奶搬野,點知老公又打黎話有人幫唔駛lu,於是我地就一齊去沙田交文件再enjoy dating 啦!


其實我好同意結婚都要keep 住約會,譬如約埋放工邊度等埋一齊返屋企,又可以約好0向邊度會合去睇場戲、食餐飯咁,感情先可以keep 住好似拍拖咁架嘛!


我地交完文件就去左麻布茶坊dinner,食到勁飽呀!



老公0既咖哩芝士雞扒飯。



咁樣一塊蛋好搞笑囉!



蛋花湯好咸,都係新世紀果間清d呢!



三文魚沙律,勁求其,仲要得一點咁多d乾三文魚囉!!



芝麻醬冷菠菜,無乜特別,我諗無個醬其實都ok 囉!



我0既蔥香雞溫泉蛋冷麵,佢一早講左溫泉蛋會變熟蛋,唔知點解喎,呢個麵一開始就叫,個菠菜係後加0既,但到我地乜都食哂,追左幾次,個麵先黎囉!味道就唔錯,但我覺得淋左d,冷麵爽d先好味架嘛!



都係呢度d甜品吸引,summer 主題係mango 呀!yummy!!



次次食親都好想拎佢個糖漿樽走,哈哈!



呢個芭菲超好味呀,個底仲係豆腐黎的,正!!


不過下次都係出新世紀食,果度水準同服務都好d!


f


麻布茶坊的甜品