搜尋此網誌

2008年9月30日 星期二

讓人沉迷的眼線

今日經過屈人寺,本來去朝拜MJ,但最終MJ就無買到,反而買左Bourjois,佢個三色豆腐眼影同Clubbing 眼影筆都做緊特價,所以就買左喇!


其實講開Bourjois,我真係好鍾意呢個牌子,尤其佢個mini 系列,拎出街真係好方便,不過煩就煩在佢0既mascara同眼線好多係唔防水,好多時要加層waterproof 先得,其他產品就非常好啦!



今次買左佢個Clubbing眼線,持久方面又係差d,但色就好靚,係墨綠色架!!


講開眼線,自從我成功畫到我人生第一條完整0既眼線之後,我簡直就係沉迷左呢樣野,成日都好想可以畫好佢。當然,時間好多令我無辦法畫眼線出去,而我畫眼線0既技巧亦一直停留0向白痴階段。


不過就咁,畫得唔好還畫得唔好,我都仲係會買唔同0既眼線產品。我第一樣正式擁有0既眼線產品係Bobbi Brown 0既eyeliner gel,真係既好用又易畫,依家都有keep住用,但佢真係太快乾,一有少少乾就會起結,雖然係咁,我仍然覺得eyeline gel係最好handle 0既。


其次,就係眼線筆喇,眼線筆其實都幾方便,又有咁多顏色選擇,小妹就係因為咁買左一枝又一次。以下就係我大部份眼線筆:



1.Bourjois Clubbing eyeliner 墨綠色


2.ettusais eyeliner 黑色


3.ettusais eyeliner 銀紫色


4.Bourjois eyeliner 紫色


5.Bourjois eyeliner 彩藍色


6.Skinfood eyeliner 閃黑色


7.Skinfood eyeliner 閃粉紅色


8.Missha eyeliner 銀色


9.Missha eyeliner 珍珠白色


雖然有咁多眼線筆,但我用得最多仍然係eyeline gel,哈哈!!我依家最想搵支勁防水防油唔暈開又易畫0既眼線筆黎取替eyeline gel呀!


2008年9月29日 星期一

我的美麗日記

我的美麗日記呢隻面膜,聽就真係聽得多,但其實我係未試過架,平時已經買咁多面膜,唔會特登上網訂或者搵,我又無去過台灣,所以無用過都唔出奇。


但最近呢隻面膜遊到黎香港,仲方便到萬寧已經有售,我大鄉里未試過梗係趁機試試啦!兩片裝其實都幾好,可以買多幾款黎試嘛!



樓下果間見到Q10、蘆薈同珍珠,試左蘆薈同珍珠,感覺都唔錯,個人喜歡珍珠多d呢!



今日0向新城市見到黑珍珠同玫瑰,買埋,試下好唔好用先得!


雖然我知道台灣賣得平好多,但依家唔駛去台灣已經買到,網上賣果d又唔知信唔信得過,同埋2片裝可以試多d款,呢個價錢算係咁啦!


2008年9月28日 星期日

初嚐紅蔥頭

今日唔駛跳舞,但一樣見到Cathy ,因為約左佢去睇姊妹裙。出去之前去左工聯會報course,最終無報瑜伽,心大心細,諗諗先。要Cathy等左我差唔多成粒鐘,sorry呢!


終於行左一輪就買左姊妹裙,其實都懶得揀喇,睇0岩就買算喇!!仲買左對金色尖頭high heels,超靚呢!!


之後老公出黎同我dinner,因為行街行到勁,再加上尋晚成晚無訓好眼訓,懶得行同等之下見到紅蔥頭就入左去喇!


叫左個二人餐,都ok架!



青豆忌廉湯唔好飲,蒜蓉包無乜味,芝士青口唔錯。



呢個湯好足料好好味呀!!



酒汁鴨胸天使麵,麵好勁蒜蓉,老公唔like,我覺得ok,鴨胸就唔錯。



檸檬忌廉汁帶子拼燒汁牛柳,帶子唔錯,牛柳好好味,配果個薯蓉好好味呢!



送呢個芝士蛋糕幾好呢!!


2008年9月27日 星期六

豆乳鍋

好似好耐無講煮飯,其實唔係無煮,只係無時間寫囉!唯有一次將近期煮左又有影相0既post哂佢啦!







猴頭菇花旗參瘦肉湯




蒜蓉炒椰菜




香草煎雞翼




煎蒜香鯰魚柳




豆乳豆腐芋絲娃娃菜鍋




鱆魚蒸肉餅

報告完畢!!

2008年9月26日 星期五

我只會怪自己太天真

今日心情很差。

對於這件事情,我是想不到,也感到很委屈,也許一直是自己太天真吧。

從今開始,我會喜怒不形於色,萬事小心為上。

2008年9月20日 星期六

小魚滋味

上篇講到0向旺角搵野食,食飽飽後又要補習喇!


補完習約左我個babe Cathy又出返旺角,簡直係玩野,其實本來係想睇姊妹裙,但可惜我地出到去都唔早喇,應該都無得睇,加上兩條友都勁餓,咁當然係搵野醫肚先啦!!


Cathy 帶左我去小魚滋味,雖然幾逼,但d野食都ok,我地叫左個魚湯鍋,一個魚湯水餃麵同蜜糖雞翼,全部都唔錯,不過食到我地兩個飽到想嘔咁滯都食唔哂,哈!


入去前其實到到睇中國熊貓Kitty,得返一隻勁想買,但當時咁0岩有位,所以就入去先,點知食飽出黎收左喇,超唔開心!



呢個桂魚魚湯鍋真係超好味,湯甜魚滑配菜正,下次一定會再食呢!!


同babe 出去真係超開心,我地乜都可以share,大家又咁錫大家,有呢個好朋友真係非常感激呢!!我勁愛你呀!!你要每日都開開心心呀,知道嗎?


我是何星座?

今日出了旺角取回早前申請信用咭送的大口仔八達通,接著去了朗豪坊找吃的,見到星座的佈置,就拍了下來。



這是我的巨蟹座!



這是老公的雙魚座!




又到了food court 找吃的,喜歡那間越式餐廳,好味!


2008年9月19日 星期五

再戰日文

其實日文我學過好幾次,有兩次係0向工聯會學的,不過學過無一路溫好快就忘記哂,上次學係同阿Kim 0向第一日語學,但後來因為做PCCW 時間就唔到,所以學左兩三個月就停左,一停就年幾喇。

今次的起心肝再報過,由頭讀起,雖然得自己一個人,但我要努力堅持,因為學好日文係我一路以來0既目標,加油!為左學日文,我犧牲左補習賺錢0既時間,賺得少左,又要慳d喇!!




經過年幾後再返黎呢度,感受良多,景物依舊,人面全非,雖然得我一個,但要堅持落去呀!!Lazy Iris 快d 走!!我要做個勤力乖寶寶!




估唔到呢度都見到Kitty ,太令人興奮喇!

下個月我要溫習0下d 日文先,做足準備去迎接日文課,加油!!

2008年9月15日 星期一

Winvy姊妹團首聚

今晚係Winvy 0既姊妹團聚會,幾位姊妹、何雁男友Leo、我老公同阿Jack 一行八人,去左壹壽司。


食野唔係重點,淨係影左下面幾張食物相咋,其他影人0既相0向第個度,遲d補返。








呢次出黎主要係講講果日接新娘同果晚玩乜好,大家越講越興奮,不過最估唔到講呢d野竟然男人仲變態過女人,不過因為知道男家果邊唔玩得,所以玩新郎都就住就住,好玩得黎唔會過火,希望果日佳大歡喜。伴娘每諗一樣都好為大家0既利是著想,超搞笑呢!


呢晚何雁仲買左蛋糕同Winvy 預祝生日,好耐無同人唱生日歌喇,哈!


我姊妹裙都未睇未買,又未減肥,真係作死喇!!!不過果日老公都請埋假黎陪我,有佢傍住,肥d都係幸福0既表現0者,哈!!但當然可以減到我係超級勁想減走的啦!!!


嘔到七彩

大家見我呢個時間寫blog可能會話我做乜咁夜唔去訓,其實我唔係唔訓,只係醒左,因為唔舒服所以醒左,醒左後又訓唔返,就黎寫下blog囉!

今日,呀係尋日至0岩,尋日係中秋節,本來我以為有得補習有得收錢有得去玩兼有得去飲,但奈何我前晚已經開始唔舒服,再加埋尋日朝早收到壞消息,令我心情直落谷底,無去補習無錢收,連街都無得出,本來諗住抖抖去飲小學同學結婚果餐,但因為發生左d事令我病情嚴重左,最終去唔成,我覺得勁唔開心兼勁抱歉囉!

因為尋日朝個壞消息,令我覺得佢好唔重視我,再加上佢0既反應,really hurt me so bad,I did something crazy and stupid ,當然我係不自控咁being crazy 啦,但佢眼見我咁都無動於衷,真係對佢好失望,我明明無錯,點解佢要咁對我?雖然佢最後有抱返我,但我已經傷心到極點啦,太遲,我唔會嬲,但我會為呢件事覺得好傷心好傷心,係入哂心果隻。

可能因為本來已經唔舒服,加上食左藥,仲要喊得太勁,我覺得好dizzy,同埋個胃好唔舒服好想嘔,終於我係來來回回嘔到七彩,手軟腳軟0既我又行唔郁企唔穩,跌跌撞撞左好多次,周身瘀傷,唉。我諗佢實在太疲累,所以0向我嘔左咁多次,跌左咁多次之後,佢先識醒,識得搵野我飲,整野我食,但我已經無力到要佢餵先食到,我0向度諗,會唔會終有一次,我暈左0向度,到佢醒發現我果陣我已經昏迷不醒,甚至死左呢?

後尾我都叫做見到佢仲識緊張,個心都舒服返少少,但佢0既問題一日唔改,我地0既關係一定會存在危機,呢個係佢最大0既缺點,重要0既單係呢個缺點已經可以衍生出好多問題。

就係因為嘔到七彩,無辦法去到瓊恩果餐,真係勁唔好意思,希望佢唔會唔開心啦!

中秋節0既假期,就0向嘔同眼淚中溜走,勁浪費!!

遲來的中秋節快樂!

其實"中秋節快樂"應該係尋日講至0岩,但好可惜尋日實在係無心機兼無精神(見上一篇),所以無及時同各位講"中秋節快樂!",點都好,依家補返啦!


各位,


中秋節快樂呀!


最緊要


開開心心、


健健康康!


絕對係有感而發!!)


德福市場

德福廣場又轉左新主題,當然要影影啦!



好多生果呀!




風車好靚呢!







好多南瓜呀!!



未訓醒咁樣囉!




我係偷生果賊呀,哈哈!




d稻好得意呀!


2008年9月10日 星期三

月餅怪

由於我同老公對月餅喜好唔同,所以就變成下面果多款月餅喇,當然唔係我地兩食哂,仲會分畀奶奶架!












上面係0向CitySuper 0既台灣月餅,一盒有八款味道,d餡幾特別,包裝好靚,不過未開黎食唔知味道點。





老公就想試奶皇月餅,就畀佢買黎試試,呢個都幾好味呢!




唔少得就係我最愛0既冰皮,呢盒野係之前有員工優惠半價果陣訂架,勁好味呢!


仲有一盒公司派0既鴻星,真係勁多月餅囉!


我呢幾日0向公司都食左恆香、奇華、美心、大班冰皮同美心冰皮喇!一向唔特別好月餅0既我,因為太多引誘變左月餅怪呀!!