搜尋此網誌

2008年11月9日 星期日

回到少年時

今日上完跳舞之後,Cathy 陪我落左旺角拎野兼買野,當然,少不了行下街啦!


我提議去睇下上次影果部貼紙相機整好未,上次想同老公去影點知佢維修囉!勁灰!


點知 . . . 今次仲灰,部機已經無左喇!!!嗚!!好好玩架嘛!仲要10蚊,邊度再搵到咁荀?


不過一場去度,點都會影0既!原位轉左部廿蚊閃粉貼紙相機,我地咪又試下囉!!影出黎幾靚,但畫野時間太短喇!



記得好耐之前都影過類似,果時我地成班成日一齊去影架!!!呢部野都真係classic 款黎架喇!!



以為果部已經夠經典,轉頭見到有部機勁多人影,仲要係十蚊,我地又想試試喇!!不過太多人,所以行完瓊華先再影過!


嘩,原來呢部仲經典呀,係有張凳仔要企高影、個位勁迫,仲無得畫野果隻呢!!真係好似返到細個讀書果陣時呀!好懷念呀!!



太耐無影呢d,部野又勁快,第一次果陣影得勁差,第二次好好多喇!!諗返起,我同Cathy已經識左七、八年,時間過得真快!!好懷念過去柴娃娃0既日子呢!



呢張就係無得再影0既十蚊雞貼紙相,勁抵,影得靚之餘多野玩,仲要勁長時間畫野囉!!好可惜無得影喇!!希望再搵到呢部野啦!!


 


2 則留言:

  1. 艾莉絲影相勁鬼馬喎
    [版主回覆11/13/2008 17:41:00]咁先可以stay young 架嘛,哈哈

    回覆刪除
  2. ♥♥♥akina♥♥♥2008年11月14日 上午11:05

    我都記得中一時勁鍾意影貼紙相...同同學仔影唔少....
    [版主回覆11/14/2008 20:46:00]我都有勁多呀,不過唔知放哂0向邊喇,可能變左色都未定

    回覆刪除