搜尋此網誌

2008年11月20日 星期四

一田大減價

一田大減價,目標係買枕頭,於是今晚出發去睇,點知. . . . . .











我入左去一個鐘,只係行到一轉,仲要乜都買唔到,幾乎暈低頭痛住出黎囉!!!

真係迫到唔識講,好似唔駛錢咁囉!我只係想買愛皇健或者睡康寧枕頭,但就幾乎連望都望唔到囉!終於埋到愛皇健畀我見到佢售罄,算,睇埋睡康寧,見住佢剛開箱,但成班人勁癲衝埋去搶,我係點都唔會去搶埋一份囉!所以轉左個圈決定放棄。

不過真係超辛苦,焗到幾乎缺氧,完全唔明點解d大肚婆仲走去迫一份囉,唔驚個肚畀人撞到架?!

上埋超市果邊望,係幾多野想買,但見到條龍就無哂心機買,即閃!!

跟住意外畀我發現沙田廣場十一月三十前0既星期一至四晚上九點後係七折囉!!終於一百蚊左右又飲又食到勁飽,滿足過買到野呀!!

老公話星期六再去過,唔知買唔買到想買0既野呢?我真係想買返對枕頭呢!!

6 則留言:

  1. 真係好多人架,如果你想買就要診開門果段時間就好d,我都買左張駝毛被,仲未有得拎住呀!
    [版主回覆11/22/2008 09:23:00]可惜就係我呢兩朝都唔得,今日要返工,聽日要上堂,激死~~

    回覆刪除
  2. 瘦身教主唐安麒Dr. Angel Tong2008年11月22日 清晨6:49

    (Empty)
    [版主回覆11/22/2008 23:42:00]thx~

    回覆刪除
  3. 迫到迫到爆,真係比多少少錢舒服d行算啦=0= 唔好比錢買難受呀!
    [版主回覆11/22/2008 23:45:00]係啦,我本身諗住望下有就買,但一入左去就迫住行大半個圈先轉到出黎~~

    回覆刪除
  4. 大肚婆大哂吖嘛 !! 哈哈 ~ 我睇報紙都覺得好誇張呀 ~
    [版主回覆11/22/2008 23:43:00]我覺得d人唔會就住大肚婆囉,好危險~~~真係好誇張,唔駛錢咩?!

    回覆刪除
  5. 我20/11放工後...下午3點幾去到一田...
    淨係響supermarket掃左少少零食^^
    我心諗:「佢地唔使返工/返學?定係請假黎架?@@"」
    「香港人真有錢...>v<」
    [版主回覆11/22/2008 23:44:00]我都想買野食呀~~係囉,點解咁多人咁得閒呢?同埋又話經濟差,d人好似唔駛錢咁搶貨囉~~

    回覆刪除
  6. 我睇新聞有提過呢個 sale 哩. 低至兩折係抵... 但同人逼親死真係太辛苦啦...
    [版主回覆11/23/2008 08:34:00]我無諗過咁多人先會走左過去~~下次咪搞我

    回覆刪除