LCX

 

老公話：乜跣到咁呀？

 

一星期前某晚，我剛沖完涼，走上床準備覺豬，兩公婆，就梗係一齊訓架啦（廢話！！），我地係好黐身黐勢果種夫妻，晚晚都係攬住，對腳又你蹺我我蹺你咁，點知果晚就搞笑，無論係我蹺佢定佢蹺我，都係轉頭就跣返落黎。

我地兩個又勁白痴咁玩一輪笑一輪，老公終於忍唔住話：乜跣成咁呀？

 

咁到底果晚發生咩事呢？

 

 

 

我好鍾意沖涼，鍾意0既程度直頭係夏天可能一日沖幾次，除左因為鍾意沖完涼好乾淨0既感覺，亦係鍾意成個果程中好relax 0既感覺。除左日常清潔身體，我定期都會幫身體做磨砂按摩咁，感覺上排左一身汗，好似清左唔少污糟野、毒素咁，成個人鬆哂。做完磨砂唔只個人鬆左，皮膚仲會滑0都0都咁，唔好講話跣，係自己都想摸多自己幾0下！

而果晚，我就係用左一隻新0既磨砂做完按摩黎喇！堅係跣到無朋友呢！
 

講返隻磨砂，完全係畀到我驚喜，唔只滑到跣腳，用完仲明顯地白左光左呢！

唔信大家可以屈就一下，碌落d 睇睇我對豬腳。

 

 

 

 

 

 

 

我本來就唔算黑，但用完直頭係白到反光呢！

 

 

 

 

 

 

就係佢，令我對豬腳白滑到反光喇！

 

講返少少資料先，呢果咁大罌0既係Natio 0既Wellness柔滑身體護膚系列，成份天然，可以潔淨、滋潤同紓緩皮膚，仲能夠洗滌心靈。

 

當中有豐富石榴萃取物，能夠抗氧化、修護肌膚同提升肌膚防禦力，加強膠原蛋白同彈力蛋白再生；而杏仁籽成份就可以溫和去除老化角質同死皮，令身體每寸皮膚都變得健康亮澤。

 

 

我鍾意香0既野，但就好怕好人工0既氣味，呢個磨砂有種甜味，唔知點形容，有d似平日d 沐浴露味，唔會難聞，而且聞落幾relax。

 

 

 

 

佢0既粒子都幾大粒，好在係唔鞋同刮，就算我d 皮膚咁薄咁易紅同有痕，磨完都無紅無花，都算舒服。

 

磨緊果陣好似畀層蜜糖封住，好潤咁，但過左水又無覺得黏，不過就仲保留到好滋潤0既感覺，完全唔會覺得乾，仲feel 到皮膚柔軟左呢！

 

我皮膚都算容易敏感，呢個用左好幾次，都無出現敏感，證明佢都較溫和唔太刺激。

 

 

 

今次多謝莎莎facebook 提供呢個咁正0既pdt 畀我用，雖然會跣走老公，但為左要keep住白白滑滑，我會keep 住用佢幫皮膚大掃除呢。

 

原來...已這麼多年

我承認我係善變又貪新鮮0既女人，正因為咁，我先不會斷買不斷試，幾乎一有新野出就想買黎試，但雖然係咁，總會有d 牌子、有d 產品係會令我無法捨棄0既。

 

ettusais ，可以講係我第一個認真自己去揀去買0既專櫃牌子，猶記得仲係學生時期0既我，被青春痘（果陣堅係青春痘，依家只可以講話係暗瘡）困擾左好耐時間，真係爛臉果隻，聽左好多意見同近過n 次專櫃之後，終於勁狠咁淘哂d 補習賺0既錢去買哂3 step for acne 0既野囉！

 

唔經唔覺，我就用左佢咁多年，中間當然會有轉過其他牌子，但仍然定時定後又返去搵返佢，出親新野我又一定捧場，所以無論佢0既化妝同護膚品，我幾乎係用過哂囉！

 

咁多年來，除左產品包裝上轉左好多，同有更多產品之外，真係袋都轉左幾代喇！

好耐之前係用橙色硬身紙袋，到之後環保袋興起就轉左環保袋，到依家又回歸紙袋喇！

將品牌目標同出名0既野都印哂上去，簡單得黎帶點特別，幾like 呢個design 呢！

 

 

 

 

今次返去，當然唔少得買d 新野啦，今次新出左個pore care wash，親眼見到個泡勁豐厚又持久，真係無法忍手囉！

另外就係美白toner 同重點美白精華0既set ，呢個set 會包埋兩set mask 、一盒cotton 同化妝袋呢，我堅鍾意佢d skin care set 必有化妝袋（畀塊mask 遮住左tim），果個袋好挺身好好擺野架！今次買呢set 係見多人話work，諗住買黎幫老公去0下d 印架，就咁一點點希望佢肯乖乖地用啦！

仲有就係限量唇膏唇彩加潤唇膏set，送果個電話繩好搞笑呢！其實我一向用開佢支lip essence ，係少有我回購0既潤唇野，因為真係堅好用，用完真係bb 咀，軟過泰國暖笠笠千層糕囉！今次轉左stick 裝，仲加左透明質酸(？！見親呢個詞語都雙眼發光)，方便左，唔買點得？！

 

 

下面全部係送0既sample，都唔少呢！

 

今次買呢堆野，我最感興趣就係限量版五支melty touch rouge(melty touch唇膏)同jelly gloss喱透亮唇彩，睇到海報已經想買，見到實物更係無法忍手囉！

廣告話melty touch rouge(melty touch唇膏)內含豐富水潤保濕精華，仲將精華素唇膏與糖心唇彩二合為一，又保濕又貼，仲有3D 效果，真係好吸引，其實糖心唇膏0向我阿媽果代都有啦，依家不過係重新包裝再黎過，但無可否認呢款lip stick 個糖心吸引好都啦！

而個jelly gloss就話蘊含高度潤澤成份jelly oil，可以營造喱咁0既彈性順滑感，效果明亮自然。因為有大量的hyper gloss oil可以鎖住護唇成份，令咀仔全日都keep 到水潤狀態。而且ettusais獨有的塑膠抹片設計，既方便又衛生，可以將唇彩完完整整地覆蓋雙唇呢！

我呢d 心急人，當然試過上咀啦，想睇效果如何？識做啦！

讓人迷惑的孔雀石綠

又好一陣子無出文喇，一字記之曰：忙！

不過忙都係要見0下朋友要扮0下靚0既，大家話係咪先？

呢輪少敗家，就出0下妝文啦！雖然我d 化妝技巧仍然係小兒科，但keep record 都好嘛。

呢期無得傾，仍然係大b 0既天下，其他brand 真係畀我掉哂一邊囉！今次呢個妝除左咀，全部都係佢，真係我都覺得自己勁，邊得黎咁多大b用之不盡先得架？

 

好，唔講廢話，去相：

 

今次我係用左大b 上一期出果個孔雀綠，只可惜一開眼就咩都睇唔到，真係要好近我先見到d囉！

 

 

唯有close up 畀大家睇啦，真係有綠色架！

 

 

好明顯開眼真係堅難睇到咩色，咁再整d 半開眼架啦！

上面呢張真係好清楚睇到個孔雀綠色喇，但眼神睇落好迷惑咁呢，哈！

 

 

最後整張close eyes，應該夠清楚喇卦？

好認真咁用佢支孔雀綠eyeline 打好底先上眼影架，真實睇個色真係好靚，個綠好似寶石咁呢！我仲加左d 黑色眼晚0向邊位blend 開，唔知大家睇唔睇到呢？

 

 

睇相真係覺得自己越來越白，到底點解0既呢？

除了愛，我甚麼都不懂

呢輪反反覆覆咁病，病左一輪，好少少又再病，跟住又好d咁，成個月都做藥煲，食西藥食到皮膚都差哂。

上面果堆藥，食足十幾日，想唔皮膚差都難啦，真係搞到我又乾又燥，面色慘白、皮膚暗啞，真係照見到自己都唔開胃囉！

 

搞到咁，真係勁用保濕、敷咩mask都無用，點好？

 

今次幫到我0既係佢，IPSA Metabolizer，BA 幫我揀專for 敏感肌用0既S2 畀我，佢話我毛孔都幼細，但皮膚就有少乾，冬天用d潤d會好d，我仲跟手買埋佢個cleansing mask呢！

 

 

BA 仲畀左S1 同濕粉sample 畀我試呢！

 

 

 

好潔白0既樽身，我鍾意呢！

 

呢隻Metabolizer 質地比較稀，感覺上似係toner 0既lotion，呢隻2號係比較潤0既，我相信如果only 用手搽會好lup，依家用化妝棉就剛剛好，雖然都要畀d時間佢去吸收，但吸收完就唔會再覺得lup喇！不過夏天我一定會轉用1號，再清爽d嘛！

 

官方資料話呢個產品可以幫助細胞代謝循環，提升肌膚「自我更生能力」，講到好堅咁呢！仲要係IPSA皇牌，我無用過佢0既skincare，真係要認真試試！

 

適逢我皮膚咁差，呢個時間試就見真章啦！

 

到今日為止，都用左十幾日，每次都係爽膚水後就用佢，眼都用埋，其他skincare 都停哂，mask都無用，因為覺得咁先可以試得真嘛！

呢段日子仍然係無停過食西藥，但皮膚無因為咁變差左，相反，之前西藥引起0既乾燥同暗粒都改善左呢！

我諗呢個配方都夾到我，用左皮膚真係有光澤左，毛孔進一步變得幼細，暗粒都退左唔少，不過我最concern 都係出油同暗瘡問題，我用好多產品都會，好彩係雖然呢款metabolizer都算潤，但用左都無乜出多油，亦無爆瘡情況，可見佢潤得黎無over左。

另外一樣抵讚0既係，可能呢個配方轉for 敏感肌，感覺真係好溫和，連眼都無覺得0拿，用左咁多都無敏感無紅呢！

最後就係價錢，唔駛四百蚊有成二百幾ml，每次只係兩泵就夠全面同頸，真係好抵用囉！

有左佢之後，令我再一次回歸Less is more 呢個信念啦！

 

 

今次IPSA仲畀左一袋由產品空樽回收再做而成0既玻璃珠畀我地，等我地以環保為題去設計樽身，真係好多珠珠呀！

 

 

 

 

坦白講，我真係無咩設計天份，又係手殘人，加上呢排勁忙又病到無哂心機，真係唔太想搞呢個設計，同埋個樽本身其實都好靚，夠哂pure，加太多野好似仲over 左咁，種種原因令我r爆頭都諗唔到點搞好。

最終，除左愛，我真係咩都諗唔到，所以就好簡單以愛為主，整左d心心圖案囉！

 

 

行都要講句：大家真係要愛護地球，珍惜依家擁有0既0野呀！

呢晚，掉低老公，同人開房去

剛過去0既星期六，我呢個人妻竟然掉低老公，自己出左去玩。

 

掉低老公已經唔應該架啦，玩都算，仲要玩到同人去開房？！咁大膽？

 

就係咁大膽，點止開房，過埋夜tim ，又點呀？

 

 

真係拍拖以來都無試過咁耐唔見老公囉，足足成3x小時呀！我唔係講笑架，我同佢一齊超過4年，當中只係有一日因為由早到晚都出去做功課無見之外，就一直都係日日見架喇！所以今次掉低佢出去同人開房仲要過埋夜，真係爭扎左勁耐囉！

越講越遠tim，講返開房呢單野先，唔好以為我咁不守婦道呀，係就係去酒店開房，但就係同成班女去酒店玩咋！

 

 

今次真係好開心，間酒店好靚又舒服，神果然無介紹錯囉！仲識到新朋友仔tim呢！

 

 

 

呢次真係有女有cake 架！睇0下！

Kat幫手book房之餘仲請我地食cake ，好好人呀！蛋糕好好味呀，連我唔like cream 都覺得正呢！

 

呢度只係其中大部分，已經好壯觀，大家真係帶哂野去酒店囉，我呢d 真係無建樹（d 野未開箱，搵到出黎果d又趕住返工漏左）啦！

 

 

搞左一輪，經過神0既巧手印花同Bear 0既神技後期加工，我呢純豬手指就有哂靚靚甲喇！

神話我係第一個揀呢塊片0既人，哈，可能我個人low b，鍾意d 懶cute 0既圖案，但我真心覺得d 魚魚好可愛囉！

加埋d 閃石同銀珠，真係好鍾意！

其實影相真係差d，真實係閃好多架！！

 

今次真係好好玩好開心呀！！下次玩再預我呀！多謝各位！