香草煎豬扒

又做返煮婦，整左豬扒、雞翼同脆玉瓜，呢輪身體狀態麻麻，都無乜心機整野食囉！

我的美麗日記體驗裝

見到blog 友話萬寧有十片裝同體驗裝11片裝賣，仲要只係69蚊，我即刻去睇睇啦，體驗裝得兩盒剩，但十片裝就多左d款，我一掃就掃左幾盒，其中係我之前試過最鍾意0既珍珠粉同蘆薈。

體驗裝可以一次過試哂11款，真係好正，而且多左塊感覺抵d，哈！

呢隻mask 真係好平，咁0既價錢佢0既效果真係算唔錯架喇，大家都去買黎試試啦！

打敗仗

今日終於頂唔順，上晝請左假，因為實在頭痛喉痛周身骨痛，起唔到身咁滯，真係想唔認老都唔得，唉！ 不過真係無諗過做一日姊妹，會攰咁耐，可能果日有d涼又d雨，出去果陣就涼室內就勁熱出哂汗，我又著得較單薄，所以中招都唔知。果晚臨完已經頭痛，搭車返屋企果陣幾乎嘔tim，都可預計實病，但頂得住當然唔想請假啦，免得招人話柄。 好可惜我最終被打敗，又病喇，邊得黎咁體弱多病架？我大隻成咁！講出黎都無人信啦！唔想成日病呀，我d假好珍貴架！唔想轉哂做病假，唔想要去睇怪獸，唔想食藥，唔想承受side effect，唔想昏睡，唔想戒口，唔想呀！我諗我應該係攰到傻左，哈！無計，訓左成朝都係仲係好wing，個腦未係好run 到囉！點搞架？！ 老公部電話尋日到手到依家我仲未舞得掂，連最簡單0既function都未用到，淨係識影相打電話，佢仲話我將會用果部同呢部係好似0既，我真係驚囉！要快d舞掂先得！點解我部Toshiba會爛架？！唔爛咪唔駛換過部囉，討厭！

第一次做姊妹

尋日係我第一次做姊妹，朝早五點幾六點就要起身，仲早過我返工，夜晚返到去沖埋涼整好哂可以覺覺豬都已經兩點喇。今朝仲要返八點幾，簡直係人都癲呀！！雖然我食完lunch後返去抖左陣先再出動，但對住一向要多睡0既我，真係唔太頂得順！尋晚臨完個頭已經開始痛，今朝全身散左，頸梗膊痛，對腳係重災區tim，仲有個頭脹脹地，仲未回復到，希望呢兩影訓返夠會好。

不過，雖然都真係幾辛苦，但都可算一個開心難忘0既經歷，特別係老公都請埋假陪我，都叫無咁辛苦架喇！

玩新郎0既環節其實唔盡興，因為新郎好多野唔肯玩，之前已經ban 左好多建議，當日成功進行0既都係馬虎了事或者出蠱惑，最搞笑係答錯問題0既罰金利是，事後我地發現竟然係一蚊人民幣，真係激死！佢一入到新娘房仲要投訴我地姊妹蝦佢，笑死人啦！

備茶係我覺得最辛苦0既環節，男家果邊要敬茶0既長輩多到唔識講，果套茶具又勁重，不停企住捧茶、斟茶、換茶，我真係手都震，勁驚倒瀉打爛囉！

平時去飲就非常自在，仲可以同其他人聚聚，當自己有份幫手，其實都真係幾忙架囉！雖然係好值得高興同埋實會好難忘，但換著要我做主角，我實頂唔順，都係最簡單乜都唔搞自己人食返餐先0岩我，有親友見證我註冊結婚已經足夠。但我都有諗，因為果陣無正式擺酒，如果環境許可的話，希望十週年可以同一班好友至親搞返個party慶祝一下就好。

尋晚真係影左超多相，笑到梗左，哈，唔好講笑，可能因為新郎做傳媒，新娘又有朋友愛好攝影，所以九萬幾個相機，搞到個婚宴好似記招呀，勁！因為太多人影相0既關係，我自己果部得幾張咋，希望Winvy 快d集齊d 相，send 返哂畀我啦！依家至少一定會收得到阿鼎爺同靚女新娘化妝師Rico影0既相，希望其他人影過有我0既相都收得到啦！

 

 

 

一朝早0向女家，好明顯兩個都未訓醒，哈！

 

 

 

 

 

 

 

 

 

 

 

 

 

 

 

 

全晚我最鍾意新娘呢個造型，好公主feel呀！！

 

 

 

唯一0既男姊妹，我都係因為佢而識到新娘架！

 

 

全日都無食到d乜，忙中偷閒食左件蛋糕。

 

 

 

化妝師好認真咁幫新娘set 緊頭！

 

 

幫新娘化妝0既化妝師Rico 好靚女仲好nice 架！

 

 

伴郎Ka Chun話我個樣比真實年齡細同唔似結左婚，開心死我！

 

 

一聚姊妹同新娘化妝師影相留念，Rico 話佢要扮姊妹喎！哈！

 

 

尋日個婚禮真係幾順利同成功，完哂大家同新娘好開心影相留念！！

 

 

祝Winvy 同Woody永遠幸福快樂！

快d 生返個b 畀大家玩0下啦！哈！

 

 

 

哈佬喂喂到新世紀

又同Cathy 去旺角行街，點知出到去見到新世紀廣場好多鬼呀！！

 

 

 

 

 

原來係海洋公園哈佬喂喂到出黎，我地兩個梗係唔驚死都要影啦！

呢個阿婆真係好鬼艷麗呀！仲勁cool呢！

呢個個胸0既陰影係畫上去，勁好笑囉！

本來仲有個阿伯好過癮，但Cathy 部機無電影唔到，可惜！咁唯有影下景啦！

呢個花花真係好靚呀！！

 

一千蚊計劃

一千蚊計劃下月正式開始，既緊張又擔心，但又非常期待有成果之日。點解可以矛盾成咁？

有好多目標想達成，希望一千蚊計劃開始之後，可以早日達標啦！

其實我真係好估唔到呢個計劃竟然會係老公提出，如果佢都做得到的話，我真係會老懷安慰囉！至於我，我好明顯係有病架啦，呢個計劃可算係一個強制性治療，唔知我個病有無得好呢？

如果就大家賺0既錢去計，其實我都會覺得有d唔fair，因為佢淨係保險費、學費0既支出已經高我咁多，但大家拎出黎0既錢又唔平均，而我承擔0既家務比重又多佢咁多，真係會唔太好受。不過既然做得夫妻，好多野真係無得計，我只希望佢生生性性、早日出人頭地事業有成，可以畀我輕鬆舒服d啦！

最近成日諗將來，好想改變現狀，真係要決心加把勁先得，希望我對感情0既投入唔好一次又一次成為我0既阻礙。

題外話，記得偶然間我分別被人睇過幾次相，都一致講過我最大0既致命傷就係感情用事，會因為呢樣野而失去好多個機會，如果唔係咁，以我0既能力同智慧成就應該會好幾倍，我唔係一個迷信0既人，但我無辦法唔承認我人生好多個挫折同錯失機會都係受感情用事所累，若果我可以理性d，應該可以有一番作為。我年紀真係唔細架喇，眼見身邊0既人都有所成就，自己仍然停留0向感性大過理性、唔識為自己打算投想、一事無成、一無事處0既階段，真係好丟架囉，趁住仲未老到乜都做唔到，真係要追返d時間先得。

就因為咁，我決定努力放輕感情同家庭0向我心靈同生活上0既比重，將我0既心思放0向其他方面，希望唔會因為咁樣影響同老公0既關係啦。

艾莉絲，加油！

味千新菜式

今日又去味千，我實在太愛呢間野，哈！佢有d新菜式，我試左兩個，睇相啦！

網皮春卷，個汁勁好味！

麻辣豆腐，不過係辣0既玉子豆腐，唔會再試。

呢個炸蝦明顯係原有菜式，無聊影0下0者！哈！