搜尋此網誌

2008年10月11日 星期六

一千蚊計劃

一千蚊計劃下月正式開始,既緊張又擔心,但又非常期待有成果之日。點解可以矛盾成咁?

有好多目標想達成,希望一千蚊計劃開始之後,可以早日達標啦!

其實我真係好估唔到呢個計劃竟然會係老公提出,如果佢都做得到的話,我真係會老懷安慰囉!至於我,我好明顯係有病架啦,呢個計劃可算係一個強制性治療,唔知我個病有無得好呢?

如果就大家賺0既錢去計,其實我都會覺得有dfair,因為佢淨係保險費、學費0既支出已經高我咁多,但大家拎出黎0既錢又唔平均,而我承擔0既家務比重又多佢咁多,真係會唔太好受。不過既然做得夫妻,好多野真係無得計,我只希望佢生生性性、早日出人頭地事業有成,可以畀我輕鬆舒服d啦!

最近成日諗將來,好想改變現狀,真係要決心加把勁先得,希望我對感情0既投入唔好一次又一次成為我0既阻礙。

題外話,記得偶然間我分別被人睇過幾次相,都一致講過我最大0既致命傷就係感情用事,會因為呢樣野而失去好多個機會,如果唔係咁,以我0既能力同智慧成就應該會好幾倍,我唔係一個迷信0既人,但我無辦法唔承認我人生好多個挫折同錯失機會都係受感情用事所累,若果我可以理性d,應該可以有一番作為。我年紀真係唔細架喇,眼見身邊0既人都有所成就,自己仍然停留0向感性大過理性、唔識為自己打算投想、一事無成、一無事處0既階段,真係好丟架囉,趁住仲未老到乜都做唔到,真係要追返d時間先得。

就因為咁,我決定努力放輕感情同家庭0向我心靈同生活上0既比重,將我0既心思放0向其他方面,希望唔會因為咁樣影響同老公0既關係啦。

艾莉絲,加油!

1 則留言:

  1. 好多野真係無得計架。。。。但有時做女人既又好鍾意計。。。
    [版主回覆10/16/2008 22:08:00]哈,係啦,女人天性鍾意計囉~~其實又係計唔到架囉

    回覆刪除