我唔敢講我對睫毛液好了解,但我買過黎試0既都真係唔少,明知自己油眼,但仍然成日抱著大無畏精神,見到吸引少少0既新野又買黎試。
前排分享左我其中一款最愛0既mascara ,我以為我有排都唔會轉架喇,點知畀我見到佢......
![](https://googledrive.com/host/0B6RNDtEphsNtRzZMb3o5d29ncFE//EGCNLKS0viHrFe4352y3Mg.jpg)
好老套囉,我又係畀個packing 吸引左,見個價錢又唔貴,就咁又磅左水帶佢返去囉。
其實我第一眼見果陣已經覺得公仔好有x 一個人氣blogger 0既影子,不過packing 個feel 成熟d 咁解,唔知你地又覺唔覺呢?
![](https://googledrive.com/host/0B6RNDtEphsNtRzZMb3o5d29ncFE//I8BjJ1PsfVHZ.TCcaauuTA.jpg)
其實劇場版呢支sky long mascara 真係幾抵,一百蚊多d ,有埋支eyeliner 囉!
![](https://googledrive.com/host/0B6RNDtEphsNtRzZMb3o5d29ncFE//CPgivls7QkmOhWkYlycUmw.jpg)
掃頭同一般無咩分別,睫毛液個texture 都唔會太稠身,可以見到有少量纖維。
![](https://googledrive.com/host/0B6RNDtEphsNtRzZMb3o5d29ncFE//pDY28AcMrFo7hIfDSk6GgQ.jpg)
附送果支係科學毛筆形0既眼線液,個頭都夠軟又易畫。
![](https://googledrive.com/host/0B6RNDtEphsNtRzZMb3o5d29ncFE//JloJtCCHgApDfzZlqsnSGw.jpg)
其實佢可以畫到好幼,但我試色畀大家睇所以畫粗d,都幾夠黑呢,不過尚算自然,出0既色都幾平均。
講左咁耐,都係時候畀大睇睇呢隻mascara 係咪真係佢講到sky long 咁堅?!
今次為左畀大家清楚睇到個對比,我特登搵返我素眼0既相呢。
真係無呃大家,我雖然唔係話好短,但真係唔長,同埋好幼又唔夠黑,所以開眼真係唔多睇到架!
好,睇完素眼,就畀用後效果你地睇啦!一如以往,下面0既相,係無夾過眼睫毛、無落mascara base 囉!
![](https://googledrive.com/host/0B6RNDtEphsNtRzZMb3o5d29ncFE//IMLGAoqha2iXfKP9nM.Q8g.jpg)
![](https://googledrive.com/host/0B6RNDtEphsNtRzZMb3o5d29ncFE//KJBNAWASw9sPhRa0s0ykOg.jpg)
其實都好明顯係粗左長左同翹d啦!仲要好夠深色!遮哂我成個雙眼皮呢!眼仔睇落大左又精靈左。
![](https://googledrive.com/host/0B6RNDtEphsNtRzZMb3o5d29ncFE//A4XrjUV.ExY932iO9XsF9A.jpg)
重點睇睇d 下眼睫毛,我本身真係好少好短囉,但依家變到好出,真係有用左假下睫毛0既效果囉!
![](https://googledrive.com/host/0B6RNDtEphsNtRzZMb3o5d29ncFE//cCYwnVCtelZodqRrkMKpsA.jpg)
Flash 下睇,出黎效果仲明顯,真係堅長唔係講笑架,仲要係根根分明,整齊得好緊要囉!
搽左佢之後,我成個人都自戀埋,喪同對眼影相,哈!
![](https://googledrive.com/host/0B6RNDtEphsNtRzZMb3o5d29ncFE//mGuEXyaSl1zPXlSAPvDrAw.jpg)
![](https://googledrive.com/host/0B6RNDtEphsNtRzZMb3o5d29ncFE//4VTB4OIAdfDL6sn.he4osQ.jpg)
![](https://googledrive.com/host/0B6RNDtEphsNtRzZMb3o5d29ncFE//JjLekkdlDdDCwhF_U7I3VA.jpg)
真係前睇、上眼、左睇、右眼,都係咁出色咁明顯呢!
![](https://googledrive.com/host/0B6RNDtEphsNtRzZMb3o5d29ncFE//7Om7_qOHnesK_atjoF4rqg.jpg)
合眼睇,真係成把扇咁,假毛都可以企埋一邊啦!
相信除左效果,大家都好concern 下面幾個問題:
Q1. 防唔防水防油架?
Ans:我只可以用自己眼狀況去講,我係油眼兼成日流眼水0既人,但我用左成個星期,即使足12 小時,都一樣無化無暈無熊貓眼,試過用紙巾印眼妝、細力揉眼都絲毫無損呢!
Q2. 持唔持久?會唔會好快dup?
Ans:坦白講,我一向無夾都無咩問題,除非隻mascara 好重啦,但呢隻就真係唔重,都算輕身。我自己就keep到成日都係翹架。
Q3. 易唔易搽?
Ans:需知道有好多mascara雖然效果好,但就唔易搽,可能易打結、可能易搽埋上眼皮,呢隻就真係完全無咩個問題,因為佢掃唔算好大,所以都易handle,唔會好易上眼皮,就連搽下睫毛都好順利,而且佢係無出現打結情況,即使係九成乾狀態下再上多層,都仍然可以好smooth呢!
Q4. 快唔快乾?
Ans: 堅快!!一定唔會整花果妝,又唔會話呢頭搽完勁耐唔敢貶眼驚high 左落下眼皮呢!
Q5. 難唔難卸架?
Ans:用普通cleansing oil 、eye makeup remover 絕對無問題,落得好乾淨tim ,用落卸水同綿就要cover 住一陣先易卸d。
因為真係太正,令我更加用心同大家分享,分享到呢度,希望大家鍾意啦!
都係果句:你地0既支持,就係動力呢!謝謝!
睇左成版眼,補返張全妝相畀大家。
![](https://googledrive.com/host/0B6RNDtEphsNtRzZMb3o5d29ncFE//pJia01FCPNH1JzKHBsKwNw.jpg)
見住自己精靈眼,真係心情都愉快d呢!
![](https://googledrive.com/host/0B6RNDtEphsNtRzZMb3o5d29ncFE//aa1KUFvsnD7Lt8fl5_Caxg.jpg)
呢張好moody ,其實都幾適合我呢輪0既心情,太夾0既關係,我用左黎做icon。
不過唔可以keep 住咁sad 0既,生活總係要過,繼續苦中尋樂同相信希望囉!
![](https://googledrive.com/host/0B6RNDtEphsNtRzZMb3o5d29ncFE//Zybly1J1dvElz.jp1SJ2ng.jpg)
![](https://googledrive.com/host/0B6RNDtEphsNtRzZMb3o5d29ncFE//8vfjvAPnW69UH2xe9WUJ6Q.jpg)
睇返相,原來我地兩個笑容都有d 牽強。
我真心希望我、老公,同身邊0既人,可以快樂健康。
Good ar.......
回覆刪除