我咁徵狀...係咪虛不受補呀？

呢排真係要病到我驚，無誇張，發燒感冒跟住腸胃炎未完感冒又返黎，剛叫做有d力氣，又黎喉嚨痛發炎即晚發埋高燒，到第日都未退哂，果晚成身痛到癲，病到喊，真係喊果隻。

以上搞左我3個星期，我到依家都未好得返哂，喉嚨已經損哂，都唔知幾時先好到，真係救命！

病到咁，真係成個人身心狀態都差哂，唔補唔得啦！

 

身體要補，我好努力咁食多d生果、菜、蛋白質呀咁，希望復原得快d，除左咁，其實飲純正蜜糖同食蜂皇漿都對身體有益架，所以我都有呢。

 

除左身體之外，我真係病到落哂形，成個人殘哂咁，皮膚鞋哂無哂光澤呢，就用到先話有益0既蜂皇漿黎補補佢啦！

 

我講0既係成份有蜂皇漿0既Guerlain 蜂皇嫩肌精華素，真係估唔到蜂皇漿除左食，仲可以搽上面囉！

 

你地睇睇幾大個禮盒，好有體面呀！

原來裡面係的骰袖珍0既體驗裝呢，Guerlain 果面為左等我地可以試真佢地d 既產品，成set 咁畀我地試，好貼心呢！

Super Aqua-Lotion 15mL

Abeille Royale Youth Serum 5mL

Super Aqua-Day Cream 3mL

Super Aqua-Night  Cream 3mL

雖然佢地只體驗裝，但都用到6日架，同埋Guerlain 0既0野一向矜貴架嘛，呢度都值3百幾蚊架喇！

最吸引我0既當然係今次0既主角：殿級蜂皇嫩肌精華素。

咁袖珍都整按壓式滴管呢！認真到...唔到你唔服！貴牌即係貴牌！

 

 

今次0既重點係精華素，所以我都係主要講返佢啦。(但另外果3樣野其實都唔錯！)

 

質地方面，其實見佢有蜂皇漿呀都驚佢會好厚身好難推難吸引，意外地又無喎，唔算係好水算都滋潤，但都好易推開，同埋轉頭就吸收哂喇，我諗個爽膚水都應記一功，因為加爽膚水後皮膚已經夠濕潤，加埋精華素之後，兩邊臉明顯會柔軟左tim呢。

 

原先咪話我病到樣都殘，塊臉又暗啞又鞋0既，真係心到淡架，還好係我好少少之後，開始用左呢set 產品，短短機日就見到回復返光澤，皮膚柔潤左又飽滿左，就連我星期日出席某產品活動果陣，BA 姐姐都話我皮膚幾好呀！如果係幾日前，我肯定佢唔會咁講囉！

 

咁但係點標題我話虛不受補呢？

因為我發現用左呢set 產品之後，我每朝起身0既臉油都多左，同埋慢慢我又開始爆瘡喇！明明已經驚太潤薄搽架喇嘛！

 

睇黎，呢d 咁補0既補品，對我黎講，只可以for 急救，唔可以keep 住用呢！我呢d 弱(窮)
底，都係補(買)唔起用唔起啦！

無論是苦是甜，請謹記活著多好。

這兩天，我想大家的心情都和我一樣，很沉重。

記得那天身體不適的我強撐著上班去，最後還是撐不下要提早下班，回到家裡就看到新聞，很驚訝，但當時的情況還很平靜，很相信他們會沒事，只默默祝福他們能平安。

那天我還發燒了，迷迷糊糊的又睡又醍，隱約聽到及看到新聞，到我再醍過來時，一個未確認的消息，讓我心揪住了。

接下來的時間，人雖然仍昏沈，但也緊張事件發展，看著那邊皤處理手法，憤怒、焦急但無可奈何，唯有一直暗暗寄望有更多生環者。

後來的大家都應該很清楚，新聞也在反複報道，整個香港都蓋上一層灰黑。

作為同胞，感覺是如此的貼身，我難過，病痛遠不及心痛。

只可惜一切已成定局，祝願離開的安息，受傷的早日康復，生還的好好活下去。

 

本來真無心無力去出文，但更傷心難過也要生活，唯有盡力做。

 

 

人生總有苦有樂，就有巧克力，牛奶朱古力帶點甜，黑巧克力帶點澀......

巧克力除了能比喻人生，也能為人帶來快樂，不是常有人說不快時吃點巧克力會好？感到痛楚時吃點巧克力能讓痛楚減輕嗎？

 

好了，大家都來吃點巧克力，重新振作吧！

這裡很多已包好的巧克力呢。

這個紅苺乳酪脆脆，甜中帶酸，感覺有趣新鮮，就像年少時的戀愛。

這個藍苺石榴乳酪粒，甜中帶微酸，要慢慢細嚼出味道，像細水長流的感情呢。

這裡其實還有很多款巧克力可供試食，可以試清楚才選最喜歡的回去。

 

說了那麼久，還未說我到了哪裡？

 

其實是 SENSATION chocolat 於尖沙嘴 gi! mail 開了個小分店，是個滿佈巧克力的角落。

 

 

 

除了上述提過的  優點，原來巧克力還有護膚功效。『可可』內含豐富的多酚、維生素及礦物質等，是最天然的抗氧化劑，能讓肌膚保持明亮水嫩感。

 

 

SENSATION chocolat 除了賣巧克力外，也有一系列以『可可』為基底的天然美妝品，就是要讓『可可』帶給大家極緻完美的膚質。它擁有甜而不膩的可可香味，及溫和不刺激的天然成份，讓大家安心使用。

那裡可謂地方雖小，五臟俱全。又賣巧克力又賣護膚品，產品種類也不少呢。

 

單是沐浴露也不只一款巧克力味道呢。

面膜也好像很吸引，會不會敷完引來蟻螞呢？

巧克力味道的蠟燭，只是想想也覺浪漫。

 

還想在那處繼續逗留，但時間不早了，更不捨得那份香氣也要離開。

 

走的時候我帶了相內的回家，延續我的巧克力甜夢，讓我的嗅覺和味蕾繼續享受......

左面是中包裝巧克力，可選多於一款味道，HKD 138，做了商場會員更可即時有9折，不錯啊！這兩款是我最喜歡的味道，酸酸甜甜的很特別。

 

至於這個盒內的是什麼？

 

 

 

(左)牛奶可可幸福卸妝乳 Velours de Chocolat
原價: $380.00 (推廣價: $300.00)

卸妝乳帶微甜的巧克力香味，很吸引。其質地不算太稠，可輕易推開或讓化妝棉吸收，卸日常的化妝絕對沒問題，即使是較持久的防水眼線、睫毛液等，只要耐心按住一會，也可以卸掉8、9成，重複多一次便夠乾淨。雖然是乳液狀，但用後不油不膩，過水便爽，也不會太乾。

 

(中)牛奶可可幸福沐浴乳 Delices O Chocolat
原價: $320.00 (推廣價: $260.00)

巧克力味道的沐浴露我用過很多，這個像真度甚高且氣味獨特，用它來洗澡心情也輕鬆一點。用後皮膚沒有繃緊的感覺，保濕及滋潤度尚算不錯。

 

(右)牛奶可可慕斯 Mousse O Chocolat
原價: $520.00 (推廣價: $450.00 )

這個我最喜歡，香味當然不會缺，另外它除了是面膜，也是磨砂，粒子粗幼適中的不會傷到皮。於臉上打圈推走死皮的同時，我常有想用舌頭嚐味的衝動(哈！)。用後臉上滑溜溜的，皮膚更有光澤，也清了小部份粉刺黑頭，讓我情不自禁去自摸(臉)一番。

雖然產品效果未算突出，但香味怡人、天然安全、沒現敏感等優點，已讓我覺得合格有餘。當然，如果價錢可稍微下調就更好了。

 

 

有興趣的朋友可click 入以下網址：

http://www.cheerycare.com.hk/index.php?manufacturers_id=1&share=1

 

 

 

搶闡買要新鮮試！啡金系0岩唔0岩口味呢？

尋日誤打誤撞0下，搶闡入左大B 新系列妝物，忍唔住返去即影相出文同大家分享，見到大家都似乎有d 興趣想睇上眼係點。

唔係話你地啦，我自己買返黎都好想即試，唔係咁夜我實試左啦！

 

今日返工時間都趕，但都忍唔住要玩新玩具，好在係佢地好user friendly ，成個妝用左唔過15 mins 咋！

先旨聲明，下面0既相個妝全部都係經歷左12 個鐘之後影，中間只係午後補過一次妝，有甩漏都唔好見怪呢！

 

重溫返我今日主要試0既新品：

 

 

 

無閃光燈加上眼皮大褶，個啡金低調哂唔太睇到，連下眼頭淺金色眼線都唔太覺咁。請忽略下眼頭有d黑同睫毛有d dur ，今日實在太趕，無時間認真搞，唔小心整花左同搽得唔好囉！

 

合眼應該見到到少少色喇，其實都顯色同貼架，係無閃燈相機食哂色咋。

 

 

有閃光燈就好好多喇，用左呢組眼影之後，其實成對眼個形出返哂黎，我特登無用eyeliner 畫眼線，只係用e/s 最深果格輕輕框返同輕輕加長眼尾，但眼仔已經大左唔少呢！ 加埋下眼頭0既淺金eyeline，就更加精靈啦！佢仲無珍珠白咁突，自然d ！

 

睇埋開眼，呢個啡真係好易carry，應該人人都handle 到，低調地高貴又加深到眼輪廓，e/s 0既質地仲好滑好貼，無加大B 眼線筆做底都夠出色，而且都幾易blend 開呢！

 

 

半開合眼果陣個色都幾好睇呀！

 

 

 

全妝就係咁：

睇我個樣都知我又累又殘，無計，近來真係好忙同好累呀！搞到成個樣都無哂精神咁呢！

還好呢2件大B 新系列妝品都好爭氣，真係無令我失望，好用易處理仲可以低調加大眼呢！

 

 

無日光下，就會見到雖然係個好自然0既make up，但又做到放大雙眼0既效果。

真係無講笑，咁耐都keep 到個妝，都算long lasting 呢！

 

我呢個妝連blush 同粉底都係用Bourjois 呢！
真係得，不枉我咁愛呢個牌子。

搶闡入手！！陷入大B 的啡金狂熱！(附試色圖)

好坦白講，自從愛上化妝，做左beauty blogger 之後，化妝真係越來越浮誇（其實只係眼，哈），初初化妝果時用果d common 易襯大地色，已經少有用到。



但當浮誇到某個地部，真係開始厭，又會想反璞歸真，所以我呢輪又入左d 大地色e/s 同啡色eyeline 咁囉！（藉口，明明之前d 大地色都未用哂！！）




而今日，機緣之下，我撞到佢地，有預感會成為我新寵。

係，無驚喜，又係大B，但今次真係無諗過要買野，因為佢早陣子新出0既我都買左，舊0既又無咩好買，真係行過去八 0下架咋！


除左緣，真係唔知點講，因為上面兩樣product ，都係最新0既系列，新0既程度......係連display 都未show 出黎架！


咁點解我買到？


哈！就係因為我8 囉！8 埋入人地入面執貨個位，就見到呢個準備聽日放出counter 0既新系列喇！我一見有金啡已經好想要，膽粗粗問可唔可以要，咁就成功帶佢地返去喇！Yeah!!

淺金色0既liquid eyeline ，防水防油，個頭好順好易畫，顏色真係好靚tim 呀！

Smoky eyes 系列眼影大家應該都熟啦，我本身都有 4 盒，今次出左新色，係好易carry 夠哂實用0既啡，點可以唔入手先？

上手係咁，都好顯色，感覺比之前仲幼滑左tim，相有色差，實色仲靚架！

呢張睇d 色像真度高d ，啡配淺金好正，佢有少珠光但又唔會誇，日常用又得，化大眼妝又得，黎緊我肯定會狂用佢呀！


而最左面果兩條係eyeline ，真係好易劃，粗幼都好易控制，同埋都ok 快乾，又唔會好易捽甩，當然實際上眼持唔持久要試過至知啦！



今次搶闡入手，真係好興奮呀！應該聽日有架喇！大家都快d 去睇睇啦！

新鮮滾熱辣：Bourjois 有機排毒底妝系列

唔開心都要扮靚，化個靚妝去換好一點心情！我變左超級自戀狂！

唔知記唔記得我早排出左個預告呢？就係下面呢張喇！

搞左一大輪，我總算處理好d 相，出到文喇！

 

呢篇，大家要有百分百心理準備，皆因本人呢心理唔太平衡，可能刺激過渡，化完妝竟然自戀左，喪影。真係少d 膽都咪碌落去，嚇死人無命賠架。

 

 

好，先黎我今次用0既化妝品(我次次都漏，今次終於記得)：

原來都係唔記得底妝，係Biore 潤色防曬加唔記得咩牌子碎粉，講開個防曬，真係勁唔夾我個碎粉，積哂粉囉！同埋唔知係我白左定佢本身深色，一搽完黑左囉！

 

今次我有黐埋假毛呢，雖然黐得極差，哈。不過呢隻都算易handle ，0向Mickey 度買架。

 

 

好，開眼相—下面大把，先整個close up close eye 先啦！就黎m ，d 皮膚又差返，請見諒。

等我認真打0下個眼妝step先：

Step 1：先用Nars 米色打底

Step 2：用Bourjois 黑色 eyeline pencil 畫上眼線，粗野

Step 3：用Bourjois 黑色 eyeline pencil 畫埋下眼線三份二左右，輕手

Step 4：用Bourjois 深藍 eyeline pencil 畫哂眼蓋位

Step 5：於眼蓋位掃上Bourjois 長形黑底深藍眼影，再慢慢向上向外blend

Step 6：於眼蓋上方掃上Bourjois 圓形帶灰藍色眼影，輕手

Step 7：於上眼頭位置掃少少Bourjois 三色眼影中深紫果格(我自己係睇到有少少幻紫架，相影唔呢，嗚)

Step 8：於下眼線後三分二畫上深藍眼線再輕輕掃開，加眼影定妝

Step 9：於下眼頭掃上珍珠白眼影

Step 10：畫上黑色上下內眼線

Step 11：掃上sky long mascara，包括下睫毛

Step 12：貼上假毛

咁就完成個眼妝。

其實睫毛係貼衰左，但老公打黎催我落街，無繼續搞囉，哈，大家將就0下。

其實仲有掃胭脂，打亮鼻同搽咀，不過無特別，唔詳細講啦。

 

好，開始我0既無敵自戀喪影喇，頂唔住走先！

 

 

1............

 

 

 

 

2............

 

 

 

3............

 

 

 

影左幾張醒起join 團購返黎0既小玩意，又拎出黎玩，戴左更自戀，呵。

 

 

 

 

 

 

個花花真係好靚，超鍾意！

 

呢張做左柔光效果，順眼幾多，不過勁假，拎黎玩好喇！

 

 

 

下面兩張都係玩effect，幾得意呢！

 

咁白之下，眼仔勁突出呢！

 

 

好，自曝其短0既with flash 相己經夠哂，大家應該都嘔到黃膽水都出咁滯，係時候畀返d without flash 自然燈光下無咁嚇人0既相大家睇。

 

 

 

 

其實真係幾鍾意JS 果支聖誕限量set 0既lip gloss ，個色好pure 好靚架！

 

 

可能上次影moody 相影上癮，今次再黎，影左n 張，果然睇唔到我個樣會靚d，哈！

假毛都真係幾長呢！同埋我發現我臉珠有凹位呀！嘩，我呢超大臉人，勁耐無見過呢個奇景，要努力再瘦落去先得。

 

另一個角度影，頭飾有d 穿崩呢！

 

 

其實真係老套講句，開唔開心都要生活，咁我唯有學曉苦中作樂。

 

但化完個妝心情的確輕鬆返d，所以話開心扮靚，唔開心更要扮靚靚，係無錯架！

 

印象中我一向出post 0既相表情都正經，今次就畀d 趣怪d 0既表情你地睇啦！

 

 

今次呢篇，係嘔血誠意之作，搞左我勁耐，花左勁多心機打，亦算係我0既新嘗試，大家要多多支持呀！！