Janice Lam X theZtyle.com 產品試用：激光纖體晚間精華

2009.06.14

尋日最終都去左拎，間野好似完全唔關事，哈！

雖然去飲完已經好累，但因為貪新鮮，所以都開左黎試呢！

 

 

 

 

 

 

個滾輪都硬，痛過Loreal 果個，精華係綠色，好薄荷feel，聞上去草草地味。

 

搽上去涼涼地，隔一陣有少少吉吉地咁，但唔會唔自既，不過用完個身閃哂，勁似我支Anna Sui 支閃粉防曬，真係諗過會唔會黐到成床係囉！

 

質地方面唔算好黐但唔可以話爽囉，搽完一輪都仲feel到，但又唔會覺得黐住哂咁囉！

 

其實幾驚訝係扭蓋，因為好唔方便囉，我用過同類產品都係揭蓋或泵狀，呢個有d用唔慣。

 

暫時報告咁多先，試多幾日再報告啦！

 

 

2009.06.26

 

好喇！試左10日有多喇！結果係點呢？

um...講真，我期望唔高，因為外塗0既10日真係好難見到效果，同埋如果真係一支精華咁容易就瘦到，應該無肥人啦！

講係咁講，我梗係想佢有效啦，始終我都係成日叫減肥但又無乜運動做得又忍唔到口0既人，哈！

好，同大家報告0下先：一如我所料，外表睇落無明顯瘦到，但自己眼見到肉係firm左，仲係無咁腫，我係勁水腫人，可能因為用個碌碌通左d淋巴，所以水腫情況真係改善左。雖然望落無點瘦到，但可能因d肉firm左，著短褲都無咁貼，有返d鬆動，相信keep住用未必可以瘦吋數，但應該對個shape 同泡肉有幫助。

要的起心肝用哂佢呀！

 

最後好多謝theZtyle 畀左呢個試用0既機會我呢！希望長試長有，哈！

Happy Birthday to me?

過了今晚12時，我又老一歲了。

近年的生日越來越平淡，可能因為朋友不多，身邊的他又沒那副心思，和家人也是例行公事般的吃一頓飯，感覺很悶。

還有一天便是，心情平淡得恐怖，也許是因為對身邊的他、家人及朋友都沒期望，也自知我永遠是被遺忘的一個，所以更悶。

生日是工作天，是打工一族難以避免的事吧？要工作的日子，都沒什麼好慶祝，還不是吃晚飯後回家倒頭大睡，甚至累得連外出吃飯也感到乏力。

曾經我每到生日月便會不斷和朋友、家人吃生日飯，會預早整個月設定wish list 提朋友送禮物（哈，很孩子氣的行為！現在老了不敢做啦！），現在人大了也越來越忙，累得也沒什麼心情。朋友除了真正知心的，其他都疏遠了；家人因不同住加上已為人妻，也不好意思厚臉皮地撒嬌要禮物。

好像工作（還是結婚後）後，整個人也變了，沒有了生氣，過往愛寫作、愛看書、愛唱歌，愛很多很多不同的事，現在這些事都離我很遠了。

曾經很喜歡生日，會吵著要吃蛋糕，現在的我變得沉默了，連我的生日都靜下來了。

告訴你們，其實我曾經很想於M字頭餐廳開生日會，但想到應該沒什麼朋友會陪我瘋，一把年紀也好像有要尷尬，只有作罷，但心裡還是希望能有一次，一次就夠了。

可能真的老了，太長氣了吧？

希望今年的我會開心健康、一切順利！

奇怪的夢，到底那是我嗎？

昨夜無法睡好，因為一直都在做夢。



那個夢很奇怪，我見到我的父母，竟然是三個人去吃飯，自我弟出生後，已經少有三人行，婚後更少。



那有什麼奇怪呢？奇怪就在於夢裡的女孩雖和一樣，叫盈盈，但無論樣貌、身型、年紀甚至動態，都無一像我。那女孩身邊的又確是我雙親，她是我嗎？



然後我去買食物，卻不知為何無厘頭突然要趕去銀行，就這樣掉下父母去了銀行（還要是老遠地方的銀行）。



轉眼場景已是銀行，女孩身邊突然多了位女友人，記不清容貌，和女孩年紀相若，約十多歲吧。然後又有兩個看似認識但應該不是同往銀行的男生，其中一個和女孩好像有點不尋常，另一個和女友人也似是一對。



女孩原來一直記得父母在等，只是偷時間出來，於是心裡急著要趕回去，那男孩應是駕著車工作的，女孩問男孩是否能順道送她回去，男孩竟是一手抱她腰，向她臉頰吻了一下說可以。最離奇是女孩邊笑打男孩，但很快又接受男孩再一次的親吻。（不知怎的我感覺是男孩和女孩本來是不相熟的，在夢裡卻發展得奇快呢！）



夢裡沒再交代女孩和父母的那餐飯，又變了男孩為第一身，四個年青人（包括女孩的友人和男孩的友人，又是很快的已成為情侶）愉快的在享受夏天，拍了很多青春無敵的沙灘照、遊玩照，雖然不是所有照片都拍得清晰，但男孩把照片都印曬出來，細心的寫下有關女孩的句子。（我很記得其中一張寫上：這樣快樂地笑的盈盈最美。）



後來我醒過一次，再入睡又見到她們愉快地玩樂，轉眼到要起床的時間，她們後來如何也無從得知了。夢裡那個叫盈盈的女孩，是代表著我嗎？為什麼全然不像現實的我，卻又讓我覺得很像我呢？



夢裡的她無論外貌、年紀及生活，真令我感到羨慕。我是何時開始，變成了現在這副模樣？



明明是個充滿甜蜜歡笑的夢，卻讓我有點心寒。這陣子（該說是這幾年吧）太多讓人心煩的事，何時才能過安穩的日子？



作了一整夢，像沒睡過一樣，很累。

Whitty,I finally got it!

收到老公依貓，雙妹嘜 big sale 0既 list，又會咁0岩都有0既？
話說早幾日0向APM 已經買左支防曬同遮毛孔gel，係個美顏霜因為減價都要138覺得唔平得多所以無買，點知依家個list 度有，仲要低過半價，唔買對唔住自己啦！
其實咁想買都係因為好耐之前已經畀666 0既 blog 魔到，依家終於買左喇！仲打孖黎囉！話時話，我仲諗緊買唔買多盒囉，最後聽日架喇！
有好0野當然又問問同事啦，估唔到雙妹嘜都幾受歡迎呢！最受歡迎係花露水膏，可能大家見開始熱都買黎驅蚊吧！Hand cream 都係，我諗十蚊都唔駛實在太抵喇！

上面呢箱野有三分二都係幫同事買架！我一個人點要得哂喎！如果雙妹嘜仲要大部分under 50% off 都可以一個人買過五百蚊，都幾誇張囉！

心力交瘁

若要決心難為我何必手軟 離開幼稚園 怎可擔心跌損 或者喜歡你 完全為麻醉自己 失去工作也不必寂寞至死 談什麼戀愛 無需深愛 情非都不必急於痛改 　難得到你的將來 誰會覺得意外 就算忘掉眉梢有什麼吸引 忘不了汗毛 減不輕的敏感 沒有留下紋身刻骨一樣銘心 除非灑脫得當你未誕生 戀愛是容易談容易淡　從來是十分花時間 明暸歷盡幾多難關　快樂過悲傷要用年月去攤還 心痛是容易煩容易慣　為何日落擔心傍晚 明明自願一起來取暖　又怎可雙倍奉還 心力交瘁，或許是時候重新學習一下如何獨身上路。

閒遊文化博物館(後補相)

今日本來約左Queenie lunch，不過未定時間地點，但我尋日行完街返去就已經唔舒服，電話又無拎入去，miss 左佢個call，好早訓左今朝又下午茶時間先醒，咁就無心甩左底喇，sor ar！

終於起身後去左飲茶，飲完茶之後見假期最後一日唔想浪費左，但我又有d dizzy 同好累，所以就去左比較輕鬆舒服0既文化博物館喇！其實我地去到已經五點幾，得返個幾鐘就關館，但都叫做有得行0下呀嘛！

其實我都幾鍾意行博物館，因為有好多野睇架，文化博物館我去過幾次喇，次次都行得好開心架！

今次都唔例外，特別鍾意佢個攝影展，d展品真係好精彩，而最好玩當然係細路仔天地啦，我地兩個大人都玩得好開心呢！哈！

 

 

 

Addict to Bourjois

本來之前仲有好多篇未寫，但呢篇不得不打個尖寫先，因為實在太震撼，我feel 到我完全沉左入Bourjois d pdt 度喇！

今日出旺角係睇《天煞撞正怪怪獸》，好明顯係畀怪獸嚇到傻左啦！！所以話：「無事出小破財」，我唔只小破財，係大破財囉！我屋企d 新野真係要上網賣左佢先得（我唔係0向呢度賣或者賣廣告呀，唔好delete 我個blog！！）！！

講開又講，呢期好多睇開0既blog無左或者搬家，唔係好開心囉！同埋唔係好明佢個界線同定義，同埋真係有必要做到咁絕？！其實分享0下、幫人買0既0野都ok 卦？！勁多周圍留言賣廣告擾人咪仲衰！不過算啦，始終係free service ，都無乜好講，人地總有人地自己做法。

突然諗我有成幾百篇blog，成千上萬張相，無左真係死得架喎！係咪搵多個地方同步寫會好d？


呀，越講越遠，講返我今日敗0既0野，真係乜都有呀(其中有d pdt 係送0既)！
我忍唔住0向M記坐低就倒哂出黎影囉！哈！

好彩係有減價同可以扣匯豐d分，唔係試死得喇！！

係H&M 0既四色眼影同透明lip gloss，果度d make up 本來就好平，今日仲有九折，再抵d！果個四色眼影真係一見就雙眼發光，因為實物係好閃好閃勁燦眼0既，幾隻色都好靚tim，可惜影出黎差好遠囉！支lip gloss 係西瓜味架，我babe Cathy 都有支，見親佢用就想買，終於買左喇！yeah！！

被佢個礦物粉吸引左，仲有想買返佢支waterproof eyeline，又覺得佢支4D lip gloss 好好玩，支eyeline glitter 支閃黑好好用又想要埋真閃藍，跟住就變成咁，個brush 用黎上礦物粉，啡色eyeline 用黎做打底，mascara 同eyeline pencil 係set，閃黑eyeline 係取代spring heart，blush 係蜜桃色用黎營造summer 健康膚色，lip blam 係for 去死皮清除嘴部瑕疵令佢變軟等等，3D lip gloss 同e/s 係送的，mini 系列係for fun 同攜帶方便的，其實我真係癡線的！！！！！！

我屋企d mj 、anna sui 、cathy cat等未開果d 真係可以上網賣左佢囉！

所以呢，我真係唔敢買其他牌子，因為我買左第一件，就會失控地繼續買落去架喇！

p.s. 我屋企其實已經有Bourjois 0既指甲油、e/s，blush、pigment、mascara、eyeline、base、foundation、lip tint、lip gloss、lip stick（重點係大部分唔只一件/一色），oh god！！其實我真係得一塊面囉！