Dream Maker 。 Iris 。艾莉絲

2008年9月10日星期三

兩款煎豬扒

因為之前無時間update，以下係我呢輪整過0既野，當中果d 灼菜呀、煎蛋、煎腸等就無影低啦，哈哈！

先黎個黑椒燒汁豬扒，勁好味呀！！

津菜炒雞柳，津菜真係好甜好好味呢！

勁蒜豬扒，香到呢，而且送飯一流！

鹵肉玉子豆腐，度小月0既鹵肉的確太多油，我已經倒左勁多油都仲有咁多，不過送飯係幾夠味0既，襯淡味玉子豆腐就唔錯。

袪濕湯，都幾好飲。

2008年9月8日星期一

回歸舊化妝袋

因為越買越多化妝品，樣樣都想拎埋出街，最終要換返之前個化妝袋。

都係Kitty架，果陣我都勁鍾意佢，貪佢夠大又多格。

佢可以放到好多野架，有d 格感覺上整齊d呢！

不過我其實好想買個再多格d再整齊d同輕身d 0既化妝袋，當然Kitty 會繼續係我首選啦！

2008年9月7日星期日

江川壽司

今晚本來係想去羽，點知去到竟然內部裝修，暫停營業，勁灰呀！

最慘係落雨囉，本來搭車係無雨，出左車站先突然落大雨，冒住雨要搵第間野食，但又行極都諗唔0岩，最終細雨d之後行返過尖咀搵。

見到呢間叫江川，應該開左無耐，我又已經勁餓，就試試啦！

佢有好多壽司都做特價，十蚊碟，每人最低消費要六十蚊！

的確佢0既賣相係唔差，但味道就好一般囉！雖然係10蚊，但我都係覺得唔掂，寧願貴d但好味d囉！

個軟殼蟹手卷真係細得驚人呢！

我諗我唔會再去呢！

2008年9月6日星期六

ettusais 修眉及化妝指導

連續兩日都去左ettusais，尋日勁頭痛又作嘔無去補習，但book 左修眉唔想waste 左所以照去。平日我係去又一城log-on果邊，幾鍾意果度個BA，但我打極都無人聽，打去沙田問先知八月尾已經close左，我唯有去沙田新店搞啦。

第一次入呢間，不過個BA都幾好，同我修得個眉形都唔錯，佢仲幫我拔埋眼皮上面d bb毛，勁乾淨，雖然短左d要畫眉，但真係整齊同對稱好多（我兩邊眉係唔對稱的，眉形又勁唔同），所以都唔錯。不過勁搞笑地，我一路修眉一路釣魚，修完眉個頭竟然無咁痛囉！

之後買左佢新果個set s/e ，好靚，另外置返d 就黎用哂0既pdt，又換返兩次free service，crazy！

出門口唔夠5 mins ，幫我修眉個BA call 我，話聽日有個一對一0既化妝指導，仲會講返黎緊秋冬興乜，問我有無興趣，我見有時間就話好，所以今日又走左去ettusais 喇！

今日去到清潔好之後，個make up artist 先黎幫我用導入液按摩，佢按得我塊面好鬼舒服，跟住搽一大輪野先開始化妝，真係依家先知我唔用得偏紅0既粉，要用偏黃的，另外眉要用兩隻深淺色眉筆做平衡，仲有搽e/s 畫眼線都要拉開d拉返闊眼同眼之間0既距離同埋視覺上塊面無咁闊，叫做學到d野啦。今次我試埋另一set 新0既e/s ，嘩，靚到呢，好喜歡，果我唇膏液又係喎，同埋佢教左我點做shading 同highlight，真係會尖d，唔錯，要努力自己嘗試先得！

好搞笑地尋日果個BA0向我化妝果陣佢一路0既後面teke notes，等我化完佢就畀返我睇啦，呢個service 都唔錯，起碼我唔會得個聽字，真係可以睇返嘛！

左面係白光燈下，右面係橙光燈下。不過影相睇唔出果眼妝幾突出同幾靚，真人果眼妝好睇好多，輪廓勁深同勁立體！！

我幾like 呢個靚妝，勁閃，鍾意到買埋果set s/e tim ！

尋日0既免費修眉and 今日0既免費化妝指導後，付出左更多去換來一堆化妝護膚產品，一堆送的sample，再黎多四次三個月內要用0既free sevice，勁！！我已經諗好要做3次修眉同一次化妝，平時我只做修眉，但因為next sunday 去飲，所以決定book 次化妝，一來自己懶得化，二來本小姐畫eyeliner工夫甚嚇人。我一定一定會要求佢一定要幫我畫eyeliner同掃靚d eyelash，因為我實在太愛太愛靚靚眼妝喇！！！