味千進駐沙田

我都不只一次於日記提到我很喜歡吃味千，很久之前新城市其實也有味千拉麵的，但後來不知為何結束了，想不到過了很多年後的今天沙田竟然再開，實在太高興了！！！

這天時間尚早，還未算多人，不用等位就可以入去了，但我想慢慢會越來越多人，到時候可能要等很久才有位呢。

必叫的蟹柳卷，這一間弄得很美呢！

炸雞拉麵，很多炸雞，很香口，配上蛋黃醬好yummy呀！

蟹肉奶油薯餅，很creamy呢！

還有餃子也是常要叫的，不過這裡的一般呢！

之後我地去了吃好味又健康的乳酪，加了鮮果toppings，很colourful又fresh呢！（素顏又帶眼鏡的我真的很嚇人，變了盈盈喇！！）

Hello Kitty 潤唇膏

於迷Kitty呢方面，雖然我比起好多人黎講唔算瘋狂，幾乎乜product都會買，但其實我都幾敗家，以前剛開始識搵錢，只要能力的話，見到鍾意的都會盡買；依家人大左，先慢慢開始收儉左，一來因為好多product對我黎講已經太細路女，二來因為有左負擔，唔可以再亂咁花費，應該應慳得慳，Kitty好自然就成為應該盡量放棄0既奢侈品。不過話就係咁講，對於一個正在力求病癒0既病態購物狂如我，當然有忍唔到手0既時候。

見到咁多bloggers 將自己0既戰利品show 出黎，我都開始有d技癢，不過我當然唔會得閒到可以將所有Kitty product 影低放上黎，但間中放d 得意0既心頭好都可以0既。

今次呢支Kitty潤唇膏買左都有一段日子，其實佢有魔鬼天使兩款，但我覺得天使呢款高貴d，唔好以為佢得個樣（事實上我經驗話我知好多Kitty 護膚化妝品都係得個靚字，但唔好用囉），佢靚之餘仲真係實用野，好潤0下架，潤唇膏係我必需品，我幾乎每個袋都會有支，依家呢支就長駐我office 檯面，等我可以一乾就搽。

珊姐生日聚

0向長洲出黎，返屋企執拾0下，梳洗過後又要換衫出去喇，因為補祝返珊姐生日呀！

我地去左尖東0既羽，今晚得四個人，同上次聚會一樣咁慘淡呀！希望下次會齊人啦！

最估唔到係珊姐竟然叫埋同事輝出黎，佢地識左唔係好耐咋喎（詳情見：Cycling 後遺症），雖然我知佢地之後keep 住有聯絡，但無諗過珊姐會叫埋佢出席TC Gathering 囉！

同事輝話叫埋我老公出黎，咁咪叫囉，一見面兩個佬雞啄唔斷，最搞笑係無人聽得清楚佢地講乜囉！

食飽之後成班行左陣街就返歸喇，so tired 呀！

長洲行戰利品

今次長洲行買左唔少野，原因係d 野真係好平，仲要靚呢！所以雖然買得多，但用左唔係好多錢咋！yeah！

呢兩條裙都係幾十蚊，質地唔錯，又輕又舒服，係我喜歡0既style！

呢個沙灘褲20蚊咋，質地靚不特只，仲有拉鍊袋tim，我買左兩條，另一條係藍色0既。

呢條係老公架，勁sharp 呀，都係49蚊咋！

夏天勁鍾意著拖鞋涼鞋0既我，一見到咁多鞋款就雙眼發光，最終左揀右揀買左3對，都係百幾蚊，仲要著上去幾舒服呢，抵呀！

同事叫我買蝦醬，我當然會記住，自己都買多樽想用黎整雞翼，不過老公唔食的，可能整完得我自己食。

我地仲去左反斗奇冰買野食呢！

有幼蛋卷、

朱古力龍鬚糖、

同雞蛋餅。

最後去埋甘永泰買左d蝦餅、蝦丸同魚蛋呢！

收穫都算豐富，唯一係唔記得去返椰林芳買蝦片同千層糕，唯有下次去先買啦！

長洲，我來了（二）

0向椰林芳食到勁飽，咁見都唔算太夜，咪周圍行下囉，期間見到有人唱粵曲，好多人捧場架！

佢地仲著到好靚去唱呢！

勁多果籃囉！

行多陣，去沙灘走左轉，我地就返渡假屋，因為大家都係工作完入去，其實已經好攰，所以想早d抖下，抖足精神第朝去沙灘玩！

我地沖埋涼洗埋頭，吹埋頭睇多陣電視，就返房覺豬lu！（其實我仲敷埋mask，無錯，貪靚0既我係帶埋mask 入去敷架，因為預計咁曬實會乾架，梗係要敷0下mask先得喇！）

尋晚隻豬未等我訓著已經訓著左，搞到我幾驚呀（因為間屋勁大，燈光又暗，樓底勁高喎！），幾乎唔敢打開眼。今朝我醒左，隻豬都醒醒地，但到我整好野，隻豬仲係唔願張開眼起身囉！

擾攘一輪終於整好野，我地就出發去沙灘喇！！

行去沙灘果陣畀我見到d 得意野，當然即刻叫老公影低佢啦！

就係呢d好細粒0既龍眼，比平時買果d細一半呢，好得意！

d花花都好靚呢！

我地今日就係去呢個灘玩喇！

老公好肉騰騰呀！好豬豬呀！

好多貝殼，入面仲係有餡架！！

好想帶哂返去，不過都係唔好喇！

老公整的無聊公仔，好low b呀！

我地仲租左個大水泡，游0下玩0下水捉0下魚踢0下沙影0下相，0向沙灘足足玩左近3個鐘，差唔多十一點太陽越來越猛，我地又趕住交房，所以唔捨得都要走喇！

返去梗係沖乾淨涼先喇，仲有洗乾淨哂d泳衣，執拾好行裝就交返房喇！！

雖然還左房，我地當然唔會咁快就走喇，今朝只係食左d乾糧，游完水梗餓啦，去醫肚先。我地去左碼頭行過去只係幾分鐘0既榕樹棧。

呢個鰻魚飯餐2x蚊連飲品，估唔到都ok喎！

呢個芒果奶皇糯米滋，10蚊有3粒，皮軟餡甜，最終忍唔住要食多個呢！

之後我地行多陣買0下野就走喇，咁就結束左兩日一夜0既長洲行喇！雖然感覺上太短太趕，無玩過做過d乜咁，但我第一次同老公入黎長洲行0下都幾開心，同埋都叫做realx 0下，享受左陽光與海灘，仲買到又平又抵0既野，都算不枉此行啦！

臨入碼頭前再去多次芝心意，買返果件我好like0既益力多奶凍，今次仲加左件朱古力mousse，都係覺得後者好味d呢！

好啦！再見喇長洲，我希望好快可以再黎喇！bye！！

p.s. 其實搭船對我黎講係好辛苦架，因為我會暈浪，上船暈到落船，但有時都好難避免，唯有一覺得暈就開始訓囉！

長洲，我來了！（一）

尋日下晝拎左半日AL，補埋習執好野就出發去中環，因為我要去長洲呀！！

本來呢個trip 係約左d 朋友仔架，但點知被人甩哂底，一個無覆又無聽電話，一個病左，仲有一個因為大家都唔去唔想做燈膽又唔肯去，最終淨返我地兩公婆去囉！

初頭因為咁我真係有d 灰架，本來一心諗住三五好友去BBQ0下，玩下大富翁、UNO，同埋傾0下偈架嘛，點知最後個個都唔去，唉！

但後來我都接受左，咪當兩口子去渡假relax0下囉，最無奈係要兩個人住一間3層3房兩廳0既屋囉，但要畀錢架嘛，唔通唔去咩？！

既然大局已定，唯有用開開心心0既心情去啦，係咪？

果日我同老公大約下晝5點幾會合，就開始出發去長洲喇！長洲，我黎喇！

去碼頭途中見到呢架富豪雪糕車，係roxy 架！！勁sharp！！

等船果陣見到呢個模型，見有時間就同佢影張相啦！

半個鐘頭船真係好快，天未黑我地就入到長洲喇，第一步當然係去拎匙放低行李先啦！

途中見到勁大粒0既魚蛋，足有乒乓球咁大，又有d餓，就買黎食下啦！（但點解影出黎影到個效果架？！真係失敗呀！！)

一路行個太陽一路落，黃昏0既天色真係最靚0既呢！

由於我地唔太識路，搞左大輪先搵到間屋，過程勁艱巨，都無謂再提，但有樣野不得不發洩一下，就係我地去到拎匙果處，明明寫明1pm-8pm 都可以拎匙，點知個電話無人聽囉，足足等左四、五個字，先有人聽，原來果個人負責人已經返左屋企，要我地自己去拎完之後先做返登記囉，仲話我地遲入黎囉，果下我真係過火屎，佢自己未夠鐘走左去仲賴我地？！！難為我呀，已經攰架喇，果度仲荒山野嶺，又熱又多蚊又多跳跳下果d野，仲要天黑埋，等左咁耐都無人聽我幾驚今晚唔知點算，點知佢咁囉！爆嬲呀！

天色又黑哂，我地都唔敢拖時間喇，一放好d野就即刻落去搵野食。

我黎之前已經做過research，諗住搵返我記低0既果d食肆dinner，點知老公漏掉左我寫果張紙呀！！救命！！

搵野食0既途中見到一間我有mark 低0既cake shop ，見有d餓，就先買兩件cake 食住先喇！上面0既係豆腐芝士蛋糕，好香豆腐味；下面係益力多芝士奶凍，呢個勁yummy，入面仲有椰果，正！兩件加埋30蚊，仲要唔算細件，抵啦！重點係，果個老闆好得意好nice，仲好努力教我去搵果間我想去0既餐廳（雖然佢唔太識，哈！）

終於去到呢間餐廳，聽聞好好食架！不過入去係無人serve架，因為老闆煮緊野畀客，要自己同個老闆講你想叫野食，佢先會理你架！

等食期間都係影0下相喇，呢度d 掛畫好有民族色彩，我地一路睇住電視一路等，好有屋企feel呢！！

呢兩杯野勁似樣，其實一杯係荔枝椰果冰，一杯係紅毛丹椰果冰，大家分唔分到邊杯打邊杯呢？

呢個印尼撈麵好好味架，係咸少少囉，不過只係2x蚊但勁大碟囉！！

呢個印尼炒飯仲正，又香又乾爽又夠軟，good！！

呢個栗米蝦餅好脆好香口，但略咸囉！

總括間野其實都唔錯，佢門口仲有蝦片同糕點賣架，不過今次我地臨走前唔記得買，希望下次再去買到啦！！