生日過後

某一年的生日，我結束了一段自知沒有結果的感情；今年的生日，我已經開始了人生另一個階段。

昨天，六月二十五日，是我的二十四歲生日。

剛開始了一份新工作，一整天就在training 中渡過。近來我和他都較忙，於是就連預祝的活動都欠奉。這一年，相信是我懂性以來過得最平淡、收得最少禮物的一年。

放工後，買了些甜品回娘家，休息一會就去吃晚飯。一家人，當然包括親愛的，享受了一頓家常小菜，簡單卻滿足。今年生日，就這樣過去了。

過去在家的時候，每年也會吃到那款有我不吃的忌廉的生日蛋糕。今年，不用再吃那些討厭的忌廉蛋糕，因為連蛋糕也沒有了。去年，親愛的買了花和雪糕蛋糕到我家來為我慶祝；今年，我和他都要上班，他怕趕不及去取花和蛋糕，所以閣置了，他坦然相告，當然有點失望，只是也明白他是沒有辦法吧。

也許是一切的轉變，加上現實加諸我身上的重量，令我也失卻了慶祝生日的興致，我心想，這也是成長的過程吧。

曾經萬千寵愛，突然發現一切只是夢，我無法忘記那一種痛。我想，離開的那種歡愉，比生日快樂來得更重要。箇中感受，就只有我自己明白。

這一年，我成長得太快太快了，快得連我自己也彷彿適應不了。我想，以後每年的生日，對我來說，也不會再有太大意義了。

二十四歲，原來已經很老很老了。

兩個人，兩個鎮，一條心

知道這個遊戲已經很久，一直也興趣不大，覺得好像很悶的，到前陣子終於玩過這個遊戲，也不覺得有什麼好玩，於是放棄了。
直至前幾天親愛的為了可以陪我一起玩，所以來多一部NDSL，除了賽車外，就開始一起玩這個遊戲。
兩個人兩個不同的鎮，做著很多同樣的事情，只是過程其實很不一樣，每一天都會有不同的驚喜，一個人玩，我想的確是會很悶的，但兩個人玩，就變得有趣味多了。
這幾天，我倆都著了迷，不停的搖樹、種花、釣魚、捉蟲、挖坑、買物賣夠，兩個人互相到對方的鎮遊玩，和對方的動物閒談，以物換物，幫對方賺錢，合力留住鎮內的動物 . . . 太多了，不能盡錄。其實，玩遊戲是其次，兩個人的交流才是當中的樂趣。
一段關係裡，共同的興趣、共同的話題，能夠令兩個人更水魚交融。我們之所以能越愛越纏綿，只因我們都很努力的找更多可以共同擁有的趣味。

我們還是小孩子

尋日同老公去0左朗豪坊睇《我愛籮霸》，劇情無謂提喇，都幾誇張無厘頭，但ok 好笑0既，如果淨係for 娛樂都可以0既。
跟住去0左Namco 夢幻樂園玩，前幾日0向黃埔已經玩過，不過無特別中d 乜，今次再玩，本來好想夾到麵包超人，但佢有0野黐實哂，最後夾唔到。不過都有下面0既收獲，超開心呢！
之後食0左Mos Burger，又幾好味喎，下次要試另外一d Burger先得。

個Kitty同兩隻豬豬係老公夾俾我0架，果本他媽歌池0既公仔相簿係我自己夾到0架，勁呀！！

呢隻蕉都係夾返0黎0架，一夾就夾到兩隻，我同老公一人一隻，依家掛0左0向我心愛0既NDS 度呢~~

風雨過後一定有美麗的彩虹

其實我要的只是很簡單的，想有人哄哄我、抱抱我，過份嗎？

說過了太多次，還是依然故我，我沒那麼多個心可以傷，沒那麼多眼淚可以流。

我知道你不喜歡把愛說出口，但也請不要什麼話也不說，就算不想說話，也不要動也不動。你既然開了口和我吵，就請你收拾殘局，開你的金口哄哄我、吻吻我，張開你的雙手抱我一抱，可以嗎？

一個擁抱，一個熱吻，勝過千言萬語，足能叫我頓時溫純乖巧得像綿羊。

下次，請在我流淚之前抱我吻我。

買錯胸圍帶錯bra

早前已聽過友人說在戴了心心內衣專門店的內衣後，其寒背及身形也得到了改善。

近期常常覺得頸痛腰背痛，卻查不出原由，於是試試由內衣處著手，看看能否得到改善，加上一向討厭腋下那塊「鬼崇肉」，於是便決定試試。

心心內衣店內實在是無什麼款色可言，而且全是粗帶的，對於一向好漂亮內衣的我，坦白說有點想走，但既然去到，不妨試試再說，不試還好，試了就十分驚訝，穿戴後的效果，的確比我平常穿的內衣好很多，而且那塊「鬼崇肉」也包得很好，完全不會擠出來，而且也十分舒服，不覺得很緊很迫，於是，即時買了回家。

最令我驚訝的是，size 竟差了兩吋，cup 數也差了兩級。難道之前真的買錯胸圍帶錯bra？

 

《珠光寶戲》

昨天看了《珠光寶戲Priceless》，頗喜歡這齣電影，是近期所看的電影中感覺較輕鬆又有意思的電影。
從《天麗愛美麗》開始，就已經喜歡柯德莉塔圖，喜歡她表情多多又趣怪的臉容。未看前看到電影海報上打扮得珠光寶氣、艷麗非常的她，已覺得很有新鮮，這次她飾演一心釣金龜想嫁有錢人的Irene，演得非常生動有趣，但想不到煙視媚行也難得不她，不過，她於這齣電影內好像不如《美麗緣未了》般美麗了，還好是氣質依然。
女主角的風趣幽默與男主角的老實形成對比，錯認待應為有錢少爺而結成冤家情緣這個橋段也實在有趣。男主角戀上糊塗的女主角，到後來被女主角弄得傾家蕩產更連房租也付不起，再機緣下得到富婆接擠而變成「被人包」，有笑位也有感動位。兩位主角的演出亦恰到好處，好笑得來又不覺得浮誇，值得一提的是演富婆的女配角的演出也令電影生色不少。
當中最好笑是男主角窮待應扮作有錢人及女主角每次也是臨到埋門一腳才被揭破弄得一無所有，還有她教男主角怎樣可以在「被人包」時取得好處，相信這幾個部份不少鏡頭讓觀眾忍不住有戲院內笑出聲來吧。
結局當然是圓滿收場，男主角為了女主角不惜放棄「被包」，女主角滿心想鈴回舊金龜，看見男主角為了幫她勾引她對手時卻又感到不捨，方發現自己真正愛上男主角，更發現珠玉在前也不及搶回男主角重要，最後兩人選擇放棄一切雙雙遠走高飛。
電影到此結束，再看電影英文名priceless，即無價，原來一語道破就是：「易求無價寶，難得有情郎」。
只是很想問，他們後來會不會雙雙餓死或忍不住重走舊路呢？不過算了，電影總是在最完美的一刻結束吧！

就是喜歡你的真

雖然26號先補祝返6號0既生日係遲0左d，但Helen 0既生日點都係要慶祝0下架嘛！上星期六落狗屎咁迫住cancel，都知道Helen 好唔開心，今次大家瞞住佢，換個場地再黎，俾個surprise 佢，最重要係佢開心啦！

仲記得n年前0既紀念冊事件，今次Helen 好叻無喊喇，佢話因為我喎，唔想再0向我面前喊喎，傻瓜，感動到喊又有乜所謂呢！但當然，我希望你永遠都好似呢晚咁開開心心，仲有健健康康，越來越靚，遇到個你愛佢佢更愛你0既超級好男人！！！我真係好想好想見到你幸福0架！！！

今晚活動係咩其實都唔係重點，最重要係我地TC Club 眾人又可以聚首，玩0下笑0下分享0下。咁多年喇，大家都成長0左，再唔係乜都笑得一餐0既靚妹，大家都開始有各自己煩惱，要面對唔同0既選擇，大家可以共聚0既時間亦越來越少，難得係大家都願意出心出力去維繫呢份友情。

我選擇0既路同大家所揀0既，似乎真係好唔同，但無辦法，我無得揀，我唔奢望你地會明白，始終有d 0野係一言難盡，更何況我從來唔係鍾意訴心事0既人。而且，對住你地，我想每一分每一秒都係過得開心高興的。睇住你地每個都為事業前途努力，而且開始有所成績，我雖然遙遙落後，但仍然為你地覺得高興，你地要繼續加油呀！！

一直以來，對於Helen 同阿Cat，都係比較偏心，唔係唔愛其他TC 友，只係佢地都有特別原因令我覺得要愛佢地多d。先唔講阿Cat，講返Helen，佢其實真係一個好得人鍾意0既人，至少對我0黎講係囉。我地平時睇佢，好似係crazy好癲咁，其實佢只係大情大性；佢對人0既熱情亦唔係表面，佢係真係一個好重感情、好有情有義0既人；睇佢好似粗粗魯魯、聲大大咁，硬係好似d 大家姐好豪氣咁，其實佢真係，我覺得佢真係可以做到義字行頭果種feel 0架；但其實佢又係一個好感性好易滿足0既人，好容易就感動，好容易就為人地對佢做0既0野而開心而感激；而且佢雖然好似好傻氣，成日俾人笑俾人蝦都無乜0野仲好開心咁，其實只係佢個人無所謂，但如果click 到佢0既底線，佢實同你據理力爭，因為佢都係一個好有原則好有主見0既人；仲有就係，其實佢都幾溫柔幾細心的，睇對咩人咁解0者。

Helen 其實帶俾佢身邊0既人好多歡樂好多溫暖，佢唔同Carman,Gigi,Amanda，佢地係d 比較含蓄0既人，但Helen 就係好直接表達自己感受0既人，雖然人大0左點都會有d 改變，唔會再好似讀書果陣咁喜惡形於色，但佢0既真，我諗係呢世都唔會改變0架，呢個其實亦係佢其中一個吸引人0既地方。

朋友，我知道人大0左要面對0既0野多0左好多，總會有難過唔開心0既，但請你記住保持你果份真誠果份開朗，因為滿臉笑容0既你係最吸引0架！

做到佢朋友，真係好幸福，我諗邊個做著佢男朋友，就真係執到寶啦，佢肯定會照顧周到呢！

Helen，I always love you！！All TC member,l always love you too！！TC Club forever！！Yeah！！

聚會尾聲當然唔少得大合照啦！

我地都好多好0野食呢~~

好多人都話我同Helen 似樣，所以我地每次gathering 都一定會擺好pose影張twins 相，唔知點解呢張可以影到我全身最無肉0既腳咁肥呢，哈哈~~